نيشان : طلعت من غرفتة ورحت بغرفة شهد بسرعه كعدت ع جربايه اذكرت عيونه ولهفته من يكولي أحبج ومستعد ادفع عمري علمودج واذكرت من استفزيته اتعصب بعدين كلت نيشان شبيج بعدلج مرحله وتتخرجين عوفي هل سوالف
اندكت الباب ..
مههند : نيشان موجوده ؟نيشان : أي أي عيني موجوده بس دابدل
مهند : يلا انتضرج
نيشان: بدلت وفتحت الباب
مهند : صارلج ساعتين فوك شدتسويننيشان : جنت متمدده جان اغفى ليش خوما صار شي ؟
مهند: لا بس ضل بالي داكول وينها هاي الخبله الكل جوه الا هيه ماكو
نيشان: لعد خلينا ننزل وياهم
شهد : وييينج ولج صارلي شكد اريد اصعدلج وهاي روان مدتخليني تكولي نايمه وتعبانه
نيشان : شهودتي من رخصتج شويه واجي تعاي روان ويايه داطيح حضج
شهد : ياستار ياربي هههه
روان : يمه ما اجي
نيشان: تعاي وبخزره
محمد : نزلت جان اشوف نيشان صاحت روان وخزرتها
روان: شسوي الله يرحمني
نيشان: جنت تدرين محمد هيج راح يسوي ؟
روان: لج نيشان والله يحبج ويموت عليج
نيشان: روان شوكت كلج ؟
روان: العصر من جنتوا نايمين والله نيشان يموت عليج وعاد انت هم فكيها ياهو اليجي يصارحج ترفضين وترفضين هاي لواني اوافقهم كلهم ههههه
نيشان: اريد اكمل التخدير مثل ما وعدت بابه ومبقت بس هل سنه واني ارفض لان الزواج يلهي
روان: قابل بسرعه راح تتزوجون دنطي فرصه حب وبعدين انت مو تحبين الشخصيته قويه والهيبه ؟
نيشان بضحكه خفيفه: أي
روان: دهاج محمد رب الشخصيه وضعف كدامج بعد شتريدين
نيشان: بس اني جنت ممفكره بي ومعتبرته عادي صديقي
روان: جنتي ؟؟ لازم هسه فكرتي بي ؟🌚
نيشان : ولجج
روان: شسوالج عليج الله
نيشان: باسني
روان: ياااي وبسس ؟؟؟
نيشان : هيه هاي وكلي احبج ومستعد ادفع عمري علمودج وهل حبشكلات
روان: يييي وانت شكلتيله
نيشان : جان شايلني واجاني شعور غريب اول مره احد يتجرأ ويتقرب مني هل قرب ف ردت بس اطلع علمود افكر قبل لا اخطي خطوه غلط واتندم عليها
روان: خرب يومج هاذا تفكيرج كله من وره الكتب التقريها عقدوج هسه لو مبادلته البوسه شبيج
أنت تقرأ
الدكتورة والضابط ♥️.
De Todoتَحجي القُصه عن حياة ضابط يُحب دكتوره من أقاربه وهو بمحافضه وهيه بمحافضه وهيه ماتدري بُحبه الها وتمر السنوات وتصير صدفه بينهم وتصير احداث مشوقه .