سبيل: وينه ولج ماجاي اشوفه
مرام: لج ذاك الي جاي يأشرلج من فوك سياج مال مدرسه يمعوده دباعي عدل
(سبيل توترت اكثر)
مرام: ها شبيج سبيل وجهج صار اصفر منو هذا ؟؟
سبيل: دمشي بعدين اسولفلج دك الجرس!
مرام: لا تتهربين تدرين امتحان والامتحان درسين سولفيلي!!
سبيل: تعالي نروح نكعد واسولفلج!!
مرام: مبينه سالفه قويه ولج
سبيل: دمشي وهسه تعرفين كلشي
مرام: تعاي هاي رحله مطلعيها بره فارغه خلي نكعد عليها
بعد ما كعدن مرام وسبيل،
سبيل: باعي مرام عوفي سوالفج تحشيش وركزي وياي
مرام: سولفي حبيبتي !
سبيل: هذا الي جان يباوعلي ويأشرلي ابن صديق ابوي
مرام: اي وشنو المشكله بس لا يحبج؟
سبيل: شلون هسه اصفكها براجدي هاي ، انطيني صبر اكمل كلامي ،
مرام: ههههه كملي اسفه
سبيل: صديق ابوي واحد كلب وحيوان ، قبل مايتزوج ابوي امي كوثر جان متزوج اخته لهذا صديق ابوي وعنده ولد منها
مرام: ولج وليش ماسولفتيلي يعني عندج اخو غير اسر؟؟
سبيل: مرام شلون وياج تسكتين لو شلون ، هوه مو صوجج صوجي اني كاعد اسولفلج!!
مرام: شبيج ماتتحملين بعد ماعيدها سولفي!!
سبيل: اي عندي اخو غير اسر واسمه مجتبى وعمره 25 سنة ابوي انفصل عن ام مجتبى وهوه عمره سنتين !
مرام: زين ليش طلكها وهذا شيريد يراقبج؟
سبيل: باعي اني اسولفلج بس امانه لا تسولفين الاحد بيناتنه واني لو ماثق بيج وصديقتي المقربه كلشي ماسولفلج !
مرام: دنجبي صداقتنه صارلها 8 سنوات واعرف كل اسرارج وتعرفين كل اسراري ومحد طلعت سر الثانيه سولفي عيوني !
سبيل: ابوي قبل ما ينفصل عن ام مجتبى كاشفته يخونها ويا امي كوثر!
مرام: جذابه، وامج شلون تقبل تخرب عائله؟
سبيل: ابوي السبب ماسولفلها هوه متزوج وكلها اني مطلك وعندي ولد يعني ابوي جان ناوي يطلكها ماعرف جانت مجرد يريد ينطي أمل الامي
مرام: هاي شنو هاي الزلم شيحسون والله عليهم نفسيه؟؟ كملي كملي والله انقهرت
سبيل: بعد ماكشفت ام مجتبى العلاقه طلبت الطلاك وابوي ماتردد ولا لحظه لان حسب كلام امي جان يحبها كلش
أنت تقرأ
ضحية المعاناة
Romanceاولاد ابو المخضر يمرون بمعاناة قاسية وحزن وفرح وضحك وبجي هلهوله وصرخه تجتمع كل التجارب بنت تفقد اعز ما تملك وتكول باللهجة العراقية(ابقى يمي .. وصير أي شي .. حتى لو دمعه اعله رمشي ، وتبقه فقط الذكريات الذي لا تموت ولن تموت الا بقتل صاحبها قصة ضحية...