عـشـق الـ شـيخ √

البارت 1

#عشق الشيخ

مَحد يحبك بڪدي لتقنعنيَي ولآ تگليَي .

★★★★★

#البارت الاول

نور : هلو اني نور من بغداد مخلصة متوسطة وكاعدة بسبب اهلي ميقبلون اكمل. عندي اخوان اثنين. احمد وصلاح احمد عمرة28 ممزوج خريج قانون وصلاح عمرة 22 واني 18 سنة ابوية وامي عايشين واني المدللة مال البيت بيت عمي بصف بيتنة ناس على كدهم واحنة هم امي مرات الشيخة مال القرية دز على امي تساعدهم بالتنظيف اني ابد ماروحلهم ابوية ميقبل يكول الشيخ عندة ولد واصلا ميخلوني اطلع مرات اروح وياة بابا لزرع ومرات لا عندي ابن عم اموووت علية اعشقة بشكل اصعد اشوفة بالسطح وهو هم المهم جنت نايمة الظهر اهلي ماكو امي بيت الشيخ تساعدهم وابوية بالزرع واخواني كل واحد حاير بشغالة واني قافلين علية الباب كعدت عركانة الكهرباء طافية كمت رحت لمطبخ دشرب مي اسمع مقتدى يصيح الصوت من السطح جاي لبست شالي وصعدت اركض

مقتدى: ووين جنتي صار ساعة اصيح عليج

نور: شكو شبيك حبيبي جنت نايمة ومادري وبعدين ليش تصيح مو اكلك لتصيح اخاف اهلي يجون

مقتدى: اني ماصيح بس اهلج ماكو واني شفتهم كلهم طلعو دتحجي لزمت ايدهة كتلهة نور

نور: دحجي لزم ايدي كولش خجلت اني ابد ماقبل احد يلزم ايدي كال نور كتلهة مقتدى عوف ايدي وكلي شكو شبيك تصيح

مقتدى : اكلج نور ابوج عندة اوراق. لونهن اصفر اريدج تجيبيلياهن اليوم ضروري

نور: وليش شسوي بيهن وبعدين هذني اوراق شنو

احمد : نووور ولج وينج شدسوين بالسطح بهل ظهرية

نور: عزاا ولك مقتدى احمد اجة روح روح بعدين نحجي

مقتدى : يجبي الاوراق بليل انتظرج الساعه 12

نور: روح روح هسة

احمد : ولج نووووور مو دصيح ليش مدكولين هااا الا تخليني اصعد

نور: عزااا ها ها خوية.دلم الملابس هسة انزل خليت مقتدى يروح وسويت نفسي دلم الملابس اجة احمد يباوع يمنة ويسرة عزا يمكن شك

احمد: دتلمين الملابس لو شنو

نور: اشبيك خوية اي دلم الملابس قابل شنو

احمد: اي زين لعد امشي كملي الملابس ونزلي سوي عشة جبتلج غراض اليوم عازم جماعتي وصلاح خابرتة يكمل محاضرته ويجي

نور: ليش اني اسوي العشة ليش امي وين

احمد: امج حتبات بيت الشيخ لان باجر يجي الشيخ صكر من الاردن وحيسولة عزيمة وحفلة هم باجر احنة بليل عزمونة على عشة بس ابوج حياخذنة من الصبح

نور: هاذا منو صكر شو اول مرة اسمع بي هو الشيخ عندة بس رسول ومحمود منين اجة صكر وبعدين شكو هل حفلة والعزيمة يمة هذولة والله بطرانين

احمد: ولجج لسانج لو يسمعوج يذبحوج على قبلة هاذا الولد الاكبر لشيخ يعني ابنة الجبير وحيسلمة المشيخة لان الشيخ كبر وتعب ولذالك حيسون حفلة وعزيمة

نور: عزاا لعزاني حيسلمون المشيخة بيد مراهق لاياللة

احمد: ولجججج نووور يامراهق لساانج لساننج لطولي والله يموتج بس يسمعون عمرة 36 يامراهق كولي غيرها باجر حتجين ويانة انتي هم اتساعدين البنات بالشغل وعود ماوصيج جفصي كدامهن اهناك حياية ديرباالج

نور: هفففف وين مطولة لساني وبعدين شايب هاذا خرب حضي اكيد حباب وبكلمتين ينضحك علية واني بعدين شعللية هم ابنهم لو ابنة ماشاء اللة يلعبون بالفلوس لعب ميجيبون خدم والله يالله

احمد: نوور كلبي انتي معليج بهل سوالف بعدج اصغيرة والشيخة هي رادتج بنفسهة وامج كالت اكلج تحضرين نفسج ناخذج ويانة باجر انشاء آلَلَهّ

نور : انشاء آلَلَهّ خوية اللة كريم انزل اسوي عشة لجماعتك

احمد: اي فدوة لشاطرة لتحركي سوي طيب

نور: امشي على الدرج وافكر بمقتدى اوف اشوكت يجي يخطبني اليوم لازم اكلة كافي عاد من عمري 16 واني احبة واركض ورة لازم افتح موضوع وياة نزلت نظفت البيت اجة صلاح وابوية اجتمعوا كلهم احمد وجماعتة واني كملت تنظيف ورحت اسويلهم عشة انكسر ظهري وحدي اركض منا ومنا كملت عشة وصبيتة واحمد وصلاح قدمو واني ظليت وحدي بالمطبخ حطيت الجاي على نار و كمت ارتب بالمطبخ رتبة وغسلت المواعين انتظرت يكملون حتى اصبلهم الجاي كملو عشة واحمد خطية صب الجاي واخذة الهم كملت شغلي وجماعت احمد راحو بال11 رتبت البيت ونظفتة حضرت ملابسي لباجر حتى اروح لبيت الشيخ اكررهم شايفين نفسهم. صاؤ عندي فضول اروح واشوف الشيخة والشيخ والشايب صكر 😂 اخواني نامو واني ركضضض صعدت لسطح انتظر حبيبي اجة مقتدى مسلم علية حتى رسن كال

مقتدى : ها نور وين الاوراق جبتيهن

نور: لا مقتدى مكدرت التهيت كام يعيط علية ويصيح

مقتدى : التهيييتي التهييتي بشنووو ثولة غبييية كتلج اهم شي الأوراق لتنسيههن بس لااا طول عمرج حماارة

نور: كمت ابجي اشبيك مقتدى هلكد مهمة هل اوراق حتى تحجي علية هيج وتصيح.

مقتدى : اسف اسف. مجان قصدي عمري بس عصبت اشوية كافي تبجين كلبي موقصدي كتلج

نور: مقتدى

يتبـعع ...

693 كلمه صعدو تفاعل وصوتولي حتـه اسـتمـر ..♥