جبروت الشيخ وقلبي

8

البارت الثامن

بنات تدرون بيه ماادور تعليقات وهاي سوالف غايتي اوصل قصه حلوة الكم وبيها عبرة ورسالة انشاء الله تفهموها ..
لذلك بقيت سهرانه كملت البارت الاظافي ونزلته لعيونكم ..اتمنى تقدروا هل شي
متابعه طيبه حبيباتي ..❤🦋
………………… .

غاليه .. كعدت الصبح على صوت هلاهل جو نزلت اركض على درج .. باوعت خالتي بالغرفه ومدنكه ومبينه ضايجه .. وعمتي جانت تهلهل وشهاب واقف ومدنك وهي
تبارك اله .. دموع واقف جو بصف خالتي وباوعت شفت...بيد خالتي وصله بيضه بيها دم .. غمضت عيني ورجعت من وين ماجيت ..
ركضت على حمام شبعت بجي .. وبقيت اشهك بجيتي .. شويه ودكت علي الباب ..

رقيه .. غالووي .. شنو شبيج حبيبتي شصار

مارديت عليها .. حاولت افتحلها بس مارديت عليها ..بقيت اتحصر احس شي خنكني .. البارحه جنت فرحانه لان صرت زوجته شرعا وقانونه .. واليوم اكعد على ان اختار يتزوجه ويتقبل وحده ثانيه .. غيري ماعرف حتى اعبر عن احساسي ومشاعري ..بهاي لحظه كنما متت مية مره ..

بعد ساعه ونص من الالم وبجي .. قررت اتظاهر مثل عادتي بالبرود ونزل اتصرف عادي .. غسلت وبدلت ونزلت .. جان صوت بالمطبخ دخلت .. لكيت عمتي كاعده علي ميز .. من شافتني ركضت علي ..

ام جهاد .. شلون حبيبتي .. شخبارك

غاليه .. الحمدالله

ام جهاد .. والله مادري شكول .. باستني من راسي .. اسفه يمه .. انه ماعبالي هاي كل ظني من شفت وصله بيد خالتج .. انتي وهلهلت .. لومگطوع الساني ولا مسويتها ..

غاليه .. لا عمتي انت شنو ذنبج .. وبعدين اول وتالي جنت متوقع راح يصير هيج من اول مادخلت دموع للبيت ..

خالتي .. تعالي يمه تريكي .. وعوفي ربج ياخذ حقج .. ويرجع فرحتج الي نباكت منج ماتهنيتي بيها سوده عليه ..

تنهدت وكعدت .. ماشتهي والله لو جعت اني اكل ..
جانت خالتي وعمتي يحجن .. ويصبرن بيه .. وعمتي تكلي ...ماشفت بعيونه اي فرح .. تكول واحد مجبور .. جاا جبرك يعمه تضيع هيج ورده منك .. وتروحن للغريبه..هي هاي ولدنه يركضوا وراه الغريبه ويكرهون الي من ثوبهم .. مايدري لوجار عليك الزمن مايشيلك غيرها…

خالتي .. والله كلبي نشلع ويه هل الولد .. ولاواحد بيهم ريح كلبي .. سوده علي بس علي سند الي ومايوم تعبني ولا مشى بطريق غلط ..تعبت ومابيه اتحمل بعد ..

ام جهاد .. الله كريم خيه لا تضوجين ..يجي يوم تشوفينهم .. كل واحد بيهم مستقر وعايش حياته مرتاح .. جاا احنه شنريد غيرها ..

خالتي .. الله كريم
اني بس اسمع ماحجيت شي ..احس اذاني تووش وعبالك عايش بحلم ..اني شنو سويت ليش هيج يصير وياي.. بعدها دخلت دموع خلت فحم على الطباخ .. وراحت ..جابت النركيله غسلته وحضرته .. وخذتها للصاله .. ورجعت اخذت ثلج ..