جبروت الشيخ وقلبي

9

البارت التاسع

اعتذر بنات عن التاخير الصار والله ماجان يمي نت
متابعه طيبه حبيباتي بنين الطائي ❤🦋
......... .

غاليه ..بدات امتحانات الوزاري بشهر السادس .. جان الجوو كلش حار .. واحنه كلش تعبنه من المراجعه وبداينه بااول يوم اسلامية .. زنين بيها العربي هم اني بعدها بدية السهر ونوم انقطع عندي جنت انام خمسه ساعات باليوم ..بالامتحانات ماانام لو ساعتين لو تلاثه اكثر شي .. اكل مااشتهي اكل .. رغم خالتي خطيه تركض بورانه حتى ناكل ..بس اثنينه تقريبا شهيتنه فقدناها ..

اما شهاب فمااشفته صار من شهرين وايام ..من وكت ماطلك دموع ..علي جان زعلان من ومايحجي ..وشكد حاول يرضي علي بس كطع ويه وبعد ماتحجوا وخالتي من سمعت بيهم بايعين الكاع طبكت ويه علي .. فشهاب مااكام ينزل للعمارة .. مجرد مخابرات هو خالتي دائما الكيها تبجي علي .. بس ماتحسسه تكول خلي لايبقى ياكل بنفسه ..

بعد الامتحانات .. قررنه نطلع نغير جوو .. لان جنه كلشي مرهقين ونريد نغير جوو .. وقررنه نروح للقريه على بيت جدي ومنها نشوف الاهوار ونطلع على بساتينه .. نشوف عماتي وبنات عمي اخوات رقيه وشهاب .. المهم رحنه اول يوم البيت جدي .. الجبير جانت ساكنه بي مراة عمو الثانيه هاي الماتخلف .. خطيه مكعده بنات ضرتها اثنين مزواجات وياها .. بيت جدي كلش جبير .. وصلنه الغروب .. سوانه عشاء جان من الزرع مالتهم كله لوبيه وبيتنجان وبتيته ودجاج .. سفره شكبرها .. بقت خالتي تحجي ..قابل احنه غربه هيج مسوين

ردت عليه مراة عمي .. قابل شمسوين كله من فضل المرحوم الله يرحمه
دنكت خالتي واحسها تذكرت عموو .. الله يرحمه
زوجة عمو ردت عليها .. لوتشوفي خيه البستان شلون صاير يرد الروح
خالتي .. اي هذا جان غالي على ابو شاكر وصه شاكربي لايترك .. لهيج شاكر سلمه لحمزة وسلام (ازواج بناته الكبار) يدري بيهم فلاليح وكد المسؤولية هل الكاع ..

مراة عموو ..ياااسوده عليه .. سلمنه كلمن حصته ..بس تعب خاف عليهم لايتعاركوا علي كيعان مايدري هو جان كافي طول يخيم علينه ..
خالتي دمعة عيونها .. دوومه ابو علي حقاني .. ماراد واحد ينظلم ..الله يرحمه
مراة عموو ..الله يرحمه

بيومها بتنه ورحنه بسابع نومة اكثر وحده اني نمت جنت تعبانه .. صحيت الصبح على صوت هوسه بالبيت .. لبست شالي وطلعت لكيت الكل كاعدين بالطارمه جانت بيت جدو تصميمه قديم مو مثل البيوت هسه .. يعني طرمه بنص البيت واول مادخلين للبيت ساحه جبيره عباره عن ثيل .. وبعدها تدخلين الطرمه واسعه وبيها مداخل اول واحد على يسرى يدخل للمطبخ وعلى يمنى صاله ..ام تلاثه مداخل البيت فهي غرف نوم .. جانن بنات عمي الله يرحمه كل وحده نايمه بغرفه .. واحنه الباقين بغرفه

جان الكل مجمع فارشين حصير من البردي وكلهم كاعدين وحطين الريوك وكاعدين ياكلون...
غاليه .. صباح الخير
الكل .. صباح نور
مراة عموو.. هلا بهل صباح بويه تعالي تريكي تعالي حبيبيه
غاليه .. اي بس اغسل واجي
غسلت .. وكعدت جان مخلين طاوة بيه طمامة وبيض طاوة جبيره .. كلش بحيت تارسينها ..شكلها قديمه بس الطعم بيها عبالك اول مره اكل بيض وطمامه .. كلش طيب يمكن لان كلشي بيها هي من نفس المكان .. بيض عدهم دجاج ..وطماطة من الكاع .. وحاطين زبد وربه وجبن .. قيمر وخبز حار .. وجاي وخبز مسوينه على الفحم