الجامعه الغريبه ؟..

الطامه الكبرى انه لما تحط الاكل بالارض خلال دقيقه يختفي ! قعدنا نصارخ و نقول تعالي بسرعه هاذا جن ! و هي تقول اشبكم يا خوافات ترا مجرد كلب، قعدنا نصارخ و نقول كلب وش اقولك قدامك جن و انتي مو على بالك، ضحكت و قالت : ههه انتو مره دراما ، و فجاه و بلا اي اعراض من قبل ،طاحت لانا !، صرنا نصارخ اكثر و اكثر ، جرينا عليها و كانت فاقده للوعي و عيونها كانت مفتوحه ، و فيها ضحكه عالخفيف و مخيفه مره ، منى تركتنا و راحت للسياره منهاره بكاء و خايفه ، انا و تالا ما نطقنا بحرف جامدين من المنظر فجاء ، اغمى علي ، بس ما طولت بعد ما يقارب ال13 دقيقه صحيت و و البنات حولي ، كنا بنفس المكان الي طاحت فيه لانا ، فجاة صرت اصارخ و انا خايفه و رحت للسياره ،البنات جابو لانا و سدحوها ورا و كملنا طريق (ملاحضه: انا جلست ورا مع لانها اقرب وحده لي و ما قدرت اتركها) ، كملنا طريقنا لين وصلنا مكان زي المجمع فيه استراحات قريبه من المحافظه الي بنقعد فيها قررنا ناخذ وحده ليله ننام و نرتاح و بعدها نكمل طريق ، دخلنا المجمع لكن الاستراحات بعيده شوي عنه ، دخلنا المجمع و رحنا الرسبشن ، طلب مننا الموظف بطاقاتنا ، عطيناه ، لكن تالا قالت : يوهه نسيتها بالسكن ، قال الموظف : اقولكم شي ، ادخلو بدون بطاقات فداكم ، استغربنا من اسلوبه ،و خفنا و قررنا ما ندخل ، لان اصلا كنا بس اربع بنات بس، لكن منى قالت اقول انا واصل حدي بدخل الي بتجي تجي الي مارح تجي تنام بالسياره ، لان اصلا الطريق متعب و كلنا تعبنا و نعسنا ، قررنا ندخل لان برا ضلام و الطريق فاضي، دخلنا و كل وحده اترمت على سرير و نمنا صحيت الساعه 06:00م عشان كنت بدخل دوره المياه ، خلصت و برجع السرير ، و انا في طريقي للسرير سمعت صوت مفتاح يفتح الباب، تخبيت تحت البطانيه و فتحت فتحه جدا بسيطه عشان اشوف مين و الصدمه !