فصلية بشكل مختلف

بارت 4

..
بعد ما كلت لاهلي موافقتي وشفت صدمت امي وابوي ركضت لغرفتي بجيت بكل ماعندي من قوة ع ابن عمي و ع نفسي واهلي وحظي وع دراستي وحياتي الحلوة الي راح افارقها ويمكن اعيش بتعاسة هناك بصفتي فصلية ولازم اخدم وانهان وانذل وابقى ساكتة تذكرت حبي لعلي الي ميطلع من كلبي وندمي لان ما اكدر اسمعلة واسمع تبريرة يمكن يكون مقنع !
صارت ساعة 11:35 اجة بابا وكالي اتحضر باجر يوديني بقة يهدي بية ويسكتني شوية وكالي حظري اغراضج ونامي ورانة طريق

.
.
.
ثاني يوم
__________
——————
علي: كرز ماسمعتني ولا فهمت الموضوع وان هذا مقلب مني حتى اشوف ردة فعلها وافاجئها بخاتم الماس واكوللها ان احنة حددنا موعد الخطوبة الرسمية وعقد الشيخ بس صدمتني لما دزت خبر بأنفصالها عني بكل مرة احاول افهمها وهي تصدني رحت الصبح لبيتهم بعدني مواصل شفتها طلعت ويا ابوها ولما سألت كالو راحت فصلية هالشي دمرني يعني راحت لغيري وفوكاها بذل واهانة حاولت استوعب هالشي ماعرف مشيت ومشيت وصلت لسيارتي وطلعت وراهم

—————
——————
كرز: كعدت الصبح وبدلت اكلت لكمة وطبعاً بجي امي وابوي وعمي وزوجتة كملت وودعت امي بوداع مؤلم
اجت مرة عمي وكامت تعتذر وتتشكر وتبجي واني بالي مو يمها كل الي اريدة هو انهي بحر الدم الي راح يصير
اذا جان ذلي واهانتي يعيش ناس ف هالشي افضل من ما تموت ناس بدون ذنب ما اصير انانية وافضل نفسي ع اهلي قررت قرار قاطع ان اروح عقلي يكولي روحي وقلبي يكلي ابقي رحت ويا عقلي هالمرة

عمر: بابا يلا تعالي صعدي بالسيارة
كرز :صعدت ورا شوي نمت وكعدت واحنة بعدنا ونوب نمت وكعدت ع صوت بابا وهو يكولي راح نصل مر وقت طوويل واحنة مواصلين لهالبيت ورا شوي وكفنا يم قصر بابا كالي نزلي نزلت جان مو بيت قصر وكلش حلو دنكت من شفت شيوخ وناس معكلة فتت جوة واني لازمة ايد ابوي لأخر مرة رحت جوة تلكتني مرة جبيرة مبين عليها التعب والحزن والفقدان رحبت بية وبنية بعمري عرفت اسمها من امها صاحتلها ( شيخة) اجت وسلمت علية ورحبت بية العيون كلها علية الشي الي خلاني اتوتر اكثر شوية وجت شيخة وكالت يصيحولي دخلت جوة. للاستقبال وجان شيخ كاعد وبابا وعمو وشاب اسمر وعندة لحية ومبين عصبي كلش وللأسف طلع هو زوجي كمل الشيخ وودعت بابا بدموع وعمو كذلك ودخلت للبيت اجة الشيخ ابو هذا العصبي وكالي

الشيخ (رحمن ): تعالي بنيتي هذا هو رجلج فهد وهاي والدتة الشيخة وهاي بنتي الصغيرة شيخة وهذا ابني ذيب وهاي مرة ابني زهراء

كرز: اجة الشيخ وعرفني ع العائلة وصل للشيخة كمت بست ايدها وبعدين كال لبنتة شيخة توديني لغرفتي ودتني لغرفتي وكعدت شوي واجة فهد راح سبح وطلع لابس دشداشة بيضة طلع مشط شعرة وراح واني كمت نزعت ملابسي سبحت وطلعت مشطت ولبست ثوب اسود مخصر وطويل وبي تطريز ذهبي مشطت شعري وعفتة ورحت كعدت افكر بنفسي شنو راح يصير اهلي شلونهم هسة مليون فكرة اجت براسي وفجأة انفتح الباب كمزت من مكاني وشفت ....

.
.
.
.
.
.
.
.
.
الحكاية مستمرة 🥱❤️