فهد
———
دخلت للغرفة وشفتها لابسة ثوب اسود وشعرها مفتوح ويا بياضها ولون عيونها صايرة تخبل حاولت ما اباوع عليها لكن جمالها جذبني اخترعت هي وحطت الشال ع راسها ومبين خجلت لان شفتها هيج دخلت اخذت شغلة من الكنتور وطلعت
.
.
.
كرز
———
دخل فهد اخترعت وهو بقة صافن علية ارتبكت وكعدت عدل راح اخذ شغلة من الكنتور وطلع ماشاء الله هيبة وشخصية ومصكصك
اووو هاي شبية اني بس لا حبيتة
مر الوقت نمت وكعدت الصبح ماكو احد بس اني بالغرفة متت جوع وعطش كمت لفيت شالي وطلعت لكيتهم كاعدين يتريكون جانت ب 7 صبحت عليهم ورحت تريكت وكملت شغل البيت من طبخ وتنظيف وغسل مواعين وملابس هلكت حرفياً اجت مرت ذيب زهراء كالت
زهراء : هلا كرز محتاجة مساعدة
كرز : لا ميحتاج كملت كلشي بس شوكت اصب
زهراء: خل يجون وصبي
كرز: خوش
اجو وصبيت الغدة تغدو وكملو كمت غسلت المواعين وصليت ورحت للغرفة سبحت ولبست دشداشة حمرة كصيرة ولفيت شعري وحطيت حمرة حمرة طوخ ومددت اقرة كتاب ( العادات السبع للناس الاكثر فعالية) للمؤلف ستيفن آر كوفي الي هو يغير شخصية للافضل كلش حلو ومشهور لدرجة انباع منه اكثر من 15 مليون نسخة (انصحكم تقرو كلش حلو) فجأة نفتح الباب اجة فهد باوع علية وراح اخذ ملابس وراح سبح وطلع مشط وتعطر اجة كعد كال
فهد: شداتقرين
كرز: كتاب فلسفي
فهد: شسمه
كرز: العادات السبع للناس الاكثر فعالية
فهد: اممم خوش عرفينة عليج
كرز: اممم اوك ءءاول شي عمري 20 طالبة جامعة احب الكتب واحب اكتب قصص ومقالات اتقن لغة تركية احب الحيوانات واموت ع الحفرة
فهد: ضحك وكال الحفرة شنو
كرز: هاي حي بتركيا مثلو بي مسلسل الحفرة الي هي هاي العلامة ᑅ ᐧ ᑀ مشايفها؟
فهد: كمت وطلعت بدي بي هاي العلامة وهاي كمزت بفرح
كرز: اووي فدوة شكد حلووة
فهد: ترا مجرد بدي
كرز: لااا اقصد العلامة
فهد: رفعت ايدها وشوفتنياها راسمة العلامة ع الوريد ضحكت وهزيت ايدي ورحت كنكت وهي بقت تقرة صار العصر نزلت رحت يم الوالد كعدنا بالديوان وبعدين طلعت ويا جماعتي
كرز: صار العصر وبقيت فوك لحد المغرب نزلت رحت سويت عشا وتعشو بس فهد ماكو ضميتلة شوية واسمع صوت مألوف علية يصيح بأسمي برا طلعت وسمعت صوت ....
احزرو منو 🤔
كتبو بالتعليقات توقعاتكم
أنت تقرأ
فصلية بشكل مختلف
Romanceفتاة عشرينية احبت شخصاً ولحسن حظها وقع بحبها هو الاخر ولكن القدر اراد شيء اخر ذهبت فصلية لشخص مجرم ... الرواية خيالية 🥱💖
