Oops! This image does not follow our content guidelines. To continue publishing, please remove it or upload a different image.
Story emaw engpawh nise sad ending hi ka ngaina lo a,bakah in hmangaihna kawng bumboh deuh hi ka chhiar hian ka rilru lo hah ltk thin a chuvang in awlsam deuhin ziak zel mai ang aw
• Ka harh meuh chuan ni chu alo tlangsang viau tawh mai nizan lamah ka room parda ka lo zar lo bawk nen niin ka hmai alo chhun a , a eng ngang mai , glass vek ani bawk nen men a har tak zet , ka in zi tiah tiah a , bathroom lamah ka lut zui nghal , ka hmai leh ha vel chu ka ti fai a chutah darthlalang a ka in en chu ka dam loh hmel ngawih ngawih , ka meng dul kang a , ka taksa lah chu a tla dawk mai ni e karkhat chhung teh meuh mutmu ka tuah tha theilo miau alawm chuan nizan kha ka muthilh theih awm chhun ve animai , inhru faiin inhnuailam ah ka chhuk zui nghal , sitting room lamah chuan Pa Zara alo thu a chanchinbu chhiarin Coffee alo in bawk min hmuh veleh chuan min nuih nghal var var a , abulah chuan ka thu thla ve nghal zat bawk
A thingpui no dawm mek chu dah thla in ka lam alo hawi a , hmel dam thlap mai chuann in min han melh a , chutah a lo tawng chhuak a , fa a min lak duh thu an sawi a , kei chuan chhan mai dan tur ka lo hrelo hle , ni e hetianga ang a mawlmang taka ka awm ve reng zawng in a thalo , kan fapa anga nem nghehna lehkha ka sign a ngaih thu te chu a sawi dap dap a
ka vannei tak zet ani ka dam chhung chuan hetiang ang ngilnei chhungkua hi ka tawn tawh pawh ka ring lo , awmpui ang pawh in min la se ka lawm lutuk tawh viau , an fa ang a min lak duh thu an sawi ta mai chu nia , kei ka ni inti ve theilo tu tan hi chuan lo hnar ringawt pawh a dawn thui loh thlak tak zet , pawm ringawt dawn pawh niila ka inthlahrung deuh , chiang taka ka " aw / eee " theih loh takah chuan Nu nguri a ako phei a , ani lah pek chuan min thlem thiam em em mai si , ngen ngawl tak a min ngen tak ah zawng sawi tawh ang khan engmah neih ka nei silo ka hmahun a thim lutuk tlat , ngun tak a ngaihtuahin an fapa ang a awm chu ka pawm ta a , phur tak mai hian File hi alo la nghal a , ka hmaah chuan sign theih turin an dah ta vang mai , an hmel kan en thin phurna leh hlimna nasa tak hian a bual vel a , uluk tak chuan kan sign ve ta rawih a , chutah nu nguri in sum zo tawh lo in min lo kuah chawt a , pa Zara pawh a bang bik chuang lo , hlim tak chuan kan in kuah chel chul a , Nu nguri lah pek chuan " Nu min han ti chhin teh " a ti reng a , kei mi zak zum tih takah zawi te chuan " Nu " chu ka han ti ve a , pa zara lah thikthu lo pe chhe ve in " Pa min ti ve dawn lo ami " alo ti ve kharh bawk a , thuawih tak chuan " Pa " ka han ti ve leh a , kan nui leh ho dar dar zel bawk
Mi pathum lek hlim a nui ri chu in chhung alo luah hneh pawh ania nge , Amosa chu inchung pan chhohna step atang in tho phang zet hian alo chhuk thla chhat chhat a , chutah rum mang kheng hian min melh a , kan rilru a lo hlim laklawh nen engah mah ngailo in ka lo melh ve kar bawk
Amos - Zing kar karah eng nge in hriat ni , in bengchhen em em a , holiday tak ngial pawn kan mu rei ve hman dawn lo a nih hi " a ti khar khar a
Pa Zara - I zak chei lawm ni , naupang zawk in nu leh pa ka hau e te itih le , chutia bengchheng min tih viau leh hmun dangah riak la ani mai alawm .
Amosa - Ka riak chhuak khawp ang " choka lamah chuan a phei nghal hmak bawk
Nu nguri - Pa a .....a in hnial zawngin tawng thin loh teh ....a riah chhuah zawng in nula te nen a ni leh anga kan mualpho tam mai mai
Pa Zara - Lo inrawlh ziah suh , i naupang chhe chei a , a thiam loh ah ilo tan ve hlur zel a , kha tunah pawh min zahna a neih tawh miah loh kha , tunge maw a kawm thin ni heti em em a a suak suak mai le
" Pa zara leh Nu nguri chu ka awm ve vang chuan in hau rei duh lo in an tih tur ve ve tiin min thawhsan ta daih a , ngawireng chuan sofa ah chuan ka thu a , ka tih tur hrelo in Pa Zara chanchin dah chu kan keu kual vel mai mai
Choka atangin Amosa pawh a rawn chhuak leh chiah bawk , mi rawn melh zeuh a , a hawi let a mahse rang lutuk in min lo melh leh nghal vut , min va han melh no lo si em , step ah chuan a chho nul a , amah chiang taka ka han en chuan ka nuih aza tak zet , kikawr bula dum hi a ha a , tshirt erawh a ha lo thung , a sam buk lam lek lek mai chu an thlek zawng a in ang lo fur mai bawk , a pen chho thauh thauh a . Kei a hnunglamah nuihza in sum tak mai hian ka lo then thu bawk .
Harh chhuak zawk in Kitchen lama Nu nguri eirawng va bawl pui tur chuan ka va phei a , ani lah pek chuan ka tihpui chu alo duh awzawnng lo mai , tih luih phet ka tum takah chuan Bean min chan tir ta a , chair ah chuan thu in a tih tur min bithliah sak chu ka ti ve mial mial , eng eng emaw min zawt in kan in pawh zual phah viau mai , ani lah pek chuan hmeltha min tih thu chu a sawi a , ka ngaihsual a hlauh a ring ve ngei ni tur ani , star lam che nilo in ati ve ngei a , za mang kheng in ka nui , ani chuan sawi chhun zawm zel in " Ka hmel in vuah dik zia te , ka hmel chu pa ve viau mahse a cute reuh thu te a sawi a , ka lo lai em em ringawt , ka ngo em em mai te chu amak tih a tling a , chu aimah chuan ka ria em em mai hi a ngaih a thalo zawk hial , a bai chawh kar lak te chuan a kut chu ka kut nen alo teh vel a , ka kut lakah chuan a thing ve reuh lutuk , ni e ka kut tang hi a nalh ve lutuk , hnathawk ngailo tih takah a ngo in sei sang mai bawk nen , hmeichhe kut a ang zawk hial mahse vein te chu a pawng ve tual tual ve tho , ka taksa chauh hmel tak chu a hmuh hmaih lo ani chek ang chu , ka dam lo em min zawt a , ka dam thu in ka lo chhang mai mahse a awih hmel loh viau mai ,kei chuan tlang taka sawiin zanah ka mut hilh theih ngai loh thu ka sawi a , thil mak pui pui ngaihtuah in ka rilru a buai viau thin thu te chu ka sawi a , a hlauhthawn hmel viau mahse thil dang chu ka sawi pui ta daih a .
Chutia eng eng emaw tia thil kan sawi dun lai chuan nu Nguri chu alo rak that a , ka phu dawrh mai lehnghal , a hmelah chuan hlauhthawnna nasa tak a lang thei , chutah ka beng chu alo dawm a , a phi buai vek in ka hria kei lah lek chuan engmah ka hrethiam silo
Nu nguri - " Awiiiii Puipui enge awmzia i beng hi a thi nasa lutuk ania "
Puipuia - Maw....!!!
Nu nguri - Awii hei i kawr ah te pawh a luang thla nih hi " a tih chuan ka tshirt chu ka en nghal vat a sawi ang tak tak chuan alo sen nuau mai , a var ka ha bawk nen a lang chiang ngei mai
Nu nguri - Awwwi khawimaw lo kal teh , ka beng a thisen luang chu ka kawrah a luan thlak zel loh nan a kut lehlam in a hup a , Pa Zara a au chul bawk , kei chuan na lah ka hrelo , mahse ka lu a rawn na riau riau a , a na telh telh in ka hria mahse ka tilang duh lo , Pa zara chu hmanhmawh tak in alo chhuk thla a , chutia thisen nen ka lo rang nuaih takah zawng a mit meng ah hlauhthawnna a lang nghal , eng sawi tawh lem lo chuan a car chahbi a ban nghal a , a kikawr ipte a rawmawl lo phawrh in nu nguri chu a pe a , ka bengah alo nem hnan nghal , hmanhmawh zet chuan damdawiin min panpuia , ka â vek nimai hian ka hria , nu ngur leh pa Zara tawng ri te a hla vek , ka khawhmuh pawh a vai ruai mai , chutih rualin ka lu chu a tur na ut ut mai bawk , chiang mang lo hian ka meng diar diar a , reilo ah ka khawhmuh a thim nghal vek .
