بارت ثالث ، تعليق بين الفقرات لطفاً
لم يتم تحقق من الأخطاء اعتذر مسبقاً
ــــــــــــــــــــــــــــــــــــــــــــــــــــــــ
"يمتى تروح انتَ؟" كال أيمن بملل لـ شهاب الكاعد على الكرسي ولابتوب على الميز
تنهد شهاب للمره الألف لهذا اليوم"ليش كعدتي هنا ما عاجبتك"، ضحك أيمن بسخريه "اكيد ما تعجبني، كاعد وياي شخص اول مره اشوفه، ويجي يكلي حبيبي، من كل عقلك انتَ!؟؟"
كام شهاب من الكرسي واخذ ألبوم من جنطه الي على الميز ونطاها لـ أيمن "هذا ألبوم يمكن اذا شفته تذكر ليش اكلك حبيبي، شوف الألبوم كامل لحد ما ارجع" طلع شهاب وغلق الباب وراه
فتح أيمن الألبوم الي مكتوب عليه "journey of love" ضحك على الأسم وشاف اول صورة جانت شهاب حاضن أيمن من خصره، و أبتسامته جانت كلش واسعه، الصورة الي بعدها شهاب نايم بدون ملابس انصدم أيمن و غير صورة بسرعه، جان الألبوم كلش جبير كل صورة جانت غير عن ثانية كل ما يغير صورة ينصدم اكثر و اكثر، يعرف الي يشوفه بالصورة نفسه بس مستغرب هوه شلون عاش هذا كله ما يتذكر اي شي هاي صور كلها ما ذكرته بأي شي، تنهد و غلق الألبوم مقرر ينام
ــــــــــــــــــــــــــــــــــــــــــــــــــــ
دخل للبيت سمع اصوات عالية ما هتم وصعد فوك الغرفته،رمى جنطته ونزع ملابسه لبس بلوفر اسود عليه كتابه بيضاء و بنطلون اسود، بعد ما كمل سمع صوت ابوه يصيحله،
نزل جوه شاف عماته و عمامه كلهم جايين تنهد بملل وتقدم يسلم عليهم كلهم مغصوب يبتسم ويسأل عن احوالهم اصلاً ما مهتم لا الهم ولا لأحوالهم، كمل وجان يريد يطلع بس ابوه نطاه نظرة يعني اذا طلعت العن يوم الي اجيت بيه، غير رائيه ورجع كعد
"شلونك ابني يوسف، شلون دراستك؟" سألت عمته الكبيرة الي لو شوي تشد حيلها راح تعبد الفلوس، ما عندها اولاد بس بنات و شايفه نفسها على الكل
"تمام" اكتفى بس بهذا الرد، و يتمنى ابوه يسمحله يطلع "شد حيلك يوسف اريد نشوفك دكتور" تكلم عمه، نفى ابو يوسف "لا لا ابني يصير مهندس" وكل الموجودين تشاركوا بمستقبل يوسف وشنو لازم يصير، بس محد سأله انتَ شنو تريد تصير
بعد معاناه كدر يطلع، وقبل لا يصيحله احد متوجه شقه كيان، يعرف نفسه تأخر بسبب اشخاص ما مهتم الوجودهم،
وصل للشقة و دك جرس منتظر الآخر يفتح، ما انتظر فتره طويله وفتح كيان الباب و كان شعرة مبعثر وعيونه مغمضه، واضح انه توه كاعد من النوم دخل يوسف الشقة
"عبالي ما راح تجي تأخرت" كال كيان قبل لا يتوجه للحمام يغسل وجهه
"لا بس جان عنده اشخاص وتأخرت" كال يوسف و همهم كيان "صحيح اريد رقمك علمود تكدر تتصل علي اذا صار عندك شي و ما كدرت تجي"
أنت تقرأ
فَاتِن
General Fictionالعناد وضحكاتك التغلب طبعك الجريء ، وذوقك بأختيار الاسود عِليك ، جمالك جان زايد اصلاً وزاد | | كان كُلٌّ مِنّا يرىٰ في الآخرِ ضماده | | *ࢪوايه gay ما تحب هذا نوع غادر *عامية (باللهجة العراقية) *بدأت 2022/9/30 سَبتمبر *انتهت /***/***/***
