فَاتِن

|فَاتِن|«١»Bart

مرحباً فيكم برواية فَاتِن، لطفاً التعليق بين الفقرات~
ـــــــــــــــــــــــــــــــــــــــــــــــــــــــــــــــ

'لقد كان فَاتِن، ونقي، بريء،وجريء'

طلع بعد ما خلص شغلة حس بتعب جبير من كمية شغل، الجو جان بارد بس مو بشكل جبير، ابتسم على نسمه الهواء البارده بعد ما طيرت شوي من خصلات شعره الفحمية، صح هوه يتعب بشغله بس فرحان بهذا التعب هوه كاعد يتعب بشغله يحبها ويحلم بيها من جان صغير يكون محامي وعنده شركته الخاصه بيه هوه صديقه هذا كان حلم بنسبه اله وهوه صغير لكن حالياً هاي حقيقه مو حلم،

كمل طريقه ناحيه الماركت يشتري اغراض شقته بعد ما انتهت صلاحيه اغلب الأغراض الي اشتراهم، دخل اشترى اشياء قليله تكفيه مده يومين بس، وهوه طالع متوجه سيارته شاف شخص كاعد على رصيف وضام رجليه على صدره واضح عليه البرد شديد بسبب ملابسه الي كانت شورت اسود و تيشرت ابيض بدون اكمام اطراف اصابعه حمر مع خدوده معطيه منظر اقل ما يقال عليه فَاتِن تقدم ناحيته وجلس على ركبته علمود يكون مقابل اله

"ليش گاعد هنا راح تتجمد من البرد" تكلم كيان وهوه يمد ايده على وجه الشخص علمود يشوف شكله

"مـ ما اريد ارجع للبيت" رفع راسه والتقت عيونه بعيون كيان الخضراء

"ليش؟ صاير وياك شي" تكلم كيان بفضول، بس بالمقابل اتلقى صمت من الفتى "تمام ما اريد اعرف تعال وياي انطيك شي يدفيك، لا تخاف شقتي قريبه" كال كيان بهدوء منتظر ردة فعل من الشخص الي يرتجف من البرد

"تـ تمام" تكلم بنبره متردده واضحه من صوته، مد كيان ايده ناحيه الولد الي امسكها والفرق بين ايد كيان الحنطيه مايله للسمار و ايد الولد البيضة صغيره مقارنه بأيده ابتسم كيان على الفرق، ركب كيان سيارة وبصفه ركب الولد، شغل كيان التدفِئة، طول الطريق كان صمت كيان الي يسوق وبين فترة و فترة يلقي نظرة على الولد الي نظراته شاردة على طريق

وصل للشقة ونزل من سيارة برفقه الولد، كان يتبعه بدون كلمة، فتح الباب ودخل شغل التدفِئة

"تعال اكعد هنا لحد ما اطلع جاكيت الك" تكلم كيان قبل لا يتوجه للغرفة يطلع شي دافئ ويكون على حجمه الصغير

كعد بهدوء وعينه كانت تجول على كل ركن بالشقه من اثاث الى صور، لفت نظرة محفظه كيان الي على طاولة تقرب منها بتردد واضح وفتحها شاف جنسيه و وفلوس، سحب 25الف من المحفظة ورجعها المكانها، خبأ الفلوس تحته ورجع كعد بدون حركه بعد ما سمع صوت كيان وهوه طالع من الغرفه

"هذا اصغر جاكيت عندي ياه ما ادري اذا جان يجي على مقاسك تعال جربه" تكلم كيان وهوه طالع من الغرفه و بيده جاكيت بنّي ومن داخل صوف ابيض دافئ، نهض الولد ولبس جاكيت جان شوي جبير عليه بس منطيه منظر حلو