Hello ... | KNJ | [ Completed ]

chapter 10❄️

" අනේ ජුනී එයාට අමාරුයි ......."

ජූන්ගේ අත් අතර සිහියත් අසිහියත් අතර හුස්ම ගන්න ගමන් ඉන්න එලීගේ අතින් අල්ලන් නේහා අඩන්න ගත්තේ කෙල්ලගේ හිතම බයෙන් වෙව්ලලා යද්දී .

" හියෝන්ග් ඉක්මනට හොස්පිට්ල් යමු . "

ටේහියොන් ඉක්මනට ගිහින් කාර් එක ගනිද්දී ජූන් නේහා එලීවත් අරන් හොස්පිට්ල් එකට පිටත් වුනා. එලීව ගෙනිච්ච ගමන් icu එකට  ගත්තේ කෙල්ලගේ තත්වේ හුගක් බරපතල නිසා.

" ජූන් මගේ දරුවා....."

" ශ් මැණික අඩන්න එපා....."

නම්ජූන්ට කෙල්ලව සනසන්න ක්‍රමයක් හිතාගන්න බැරි උනා. " එයාට ඉක්මනට හොද වෙයි කියන්නද " එහෙම කියන්න පුළුවන්කමක් තිබුනා නම් කොච්චර හොදයි ද?

  
    සුදුපාට ලොකු ගවුමකින් සැරසිලා හිටිය කෙල්ල icu රූම් එකේ දොර දිහා බලන් හිටියේ හැඩූ කදුලින්. ටේහියොන් පවා හිටියේ හෙන අප්සට් එකෙන්. ගත වුන මාස කිහිපයට කෙල්ල ටේගේ වගේම ජන්කුක්ගේ අස්සෙමයි කාලේ ගත කලේ.

" කෝ මගේ එලී......."

ජන්කුක් ඇස්වලින් වැටෙන කදුලුත් පිහදාන ගමන් රෝසපාට බෝනික්කෙකුත් උස්සන් දුවගෙන ආවේ කෙල්ල වෙඩින් එක වෙලාවෙදී ජන්කුක්ගෙන් ඩෝල් කෙනෙක් ඉල්ලපු නිසා. වෙඩින් එක ඉවර වෙලා කොල්ලා එලීට ඩෝල්ව ගෙනත් දෙනවයි කියපු පොරොන්දුව නිසයි කොල්ලා ඩෝල් කෙනෙකුත් උස්සන් හොස්පිට්ල් එකට දුවගෙන ආවේ.

වෙඩින් එක ...?කාගේ වෙඩින් එකද?

අද නම්ජූන්ගෙයි නේහාගෙයි වෙඩින් එක.පුංචි එලී හරිම සතුටෙන් තමයි එයාගේ ටියුලිප්ගේ වෙඩින් එකේ flower girl ට සැරසිලා හිටියේ ඒත් වෙඩින් එකේ අන්තිම හරිය වෙනකන් හොදට හිටිය එලී හුස්ම ගන්න බැරුව ජුන්ගේ අතේම සිහිය නැතුව වැටුනේ හැමෝගෙම හදවත මොහොතකට නතර කරලා. හැමදේම පැත්තක දාලා කෙල්ලවත් උස්සගෙන නම්ජූන් නේහා ටේහියොන් එක්ක හොස්පිට්ල් එකට යද්දී ජන්කුක් දිව්වේ මෝල් එකකට වෙන මොකටවත් නෙවේ එලීට ඩෝල් එකෙනෙක් අරගන්න.

හැමෝගෙම ඇස් ඇලවිලා තිබුනේ icu  එකේ දොර දිහාවට. දොරත් ඇරන් එලියට එන ඩොක්ටර්ව දැකලා හැමෝම හිටිය තැන්වලින් නැගිටලා ඩොක්ටර් ගාවට ගියේ එලීගේ තත්වේ දැනගන්න. ඒත් ඩොක්ටර්ගේ මූණේ තීන සීරියස් පෙනුම දැක්කාම ජුන් තවත් නේහාගේ අත තද කරලා අල්ල ගත්තා.