"مُهره"
كاعده على الميز وبأيدي نوتيلا اباوع مسلسل ومندمجة
اندك الباب عرفته هوه
فتحت الباب اله تقرب وحضني وشايل اغراض
معرفتهن شنو :- تدرين شنو جايبلج
:- لا شنو بله خلشوف
:- جؤ نطيني بوسه يله بساع
:- مُهيمن لتلعب عليه تعرفني فضوليه شوفني شجايب
:- كتلج بوسة وبعدها اكلج شجايب
- تقربت وبسته بخده بحركه سريعه منه باوس
شفايفي :- هيج جنت أقصد
اخذت منه البوكس خليته عالميز وفتحته طلع
جايب فستان قصير لونه اسود بس كلشش حلوو
:- هذا اشوفه عليج من تصيرين مرتي وام بيتي
:- اي شسمه اكول العرس الأسبوع الجاي صح
:- صحيح وبعدين علاجج مستمره عليه مو
:- اي اكيد
:- مريت عالدكتور ونطيته تحاليلج كال حالتها كلش متحسنه
:- الحمدلله والشكر صدوك اكول بعدك دصلي مو
:- اي بعدني وداعتج
:-احبكككككككك
-تقربت وحضنته حيل كولش فرحانه بالي سواه
وبقه على وعده
.
.
مشت الأيام وصار يوم العرس رحنه للصالون الصبح
كملتني وجهزتني على اخر حبة اباوع صرت اشبه
اميرات ديزني بس النسخه العراقيه ههههه
شعري حبيت أبقي مفتوح بس ضافتلي فيكة بسيطه لكذلتي
رحت كعدت بغرفة معزولة انتضره يجي
صارت الساعه 3 وسمعت هلال عمه سعاد ورقيه
حسيت گلبي حيوكف وكفت واني انتضره يفتح الباب
المصوره وكفت وراي حتى تدون هل لحضه طلبت مني
انطي ضهري للباب
حسيته اتقرب مني نداريت عليه واني ميته خجل
صرت اباوع بعيونه الي تجمعت بيها الدموع انطاني
المسكه وتقرب باس راسي:- تشكين شك ومحمد
اخذنه كم صوره بالصالون بعدها طلعنه توجهنه للقاعة الي حيصير بيها العرس وصلنه ونزل فتحلي الباب لافه روحي وكلشوي يعدل البرگع على راسي دخلنه للقاعه جانت بس نسوان بدت الهلاهل تتعالى والدك والركص بلش
شغلو اغنية (راح أسجل روحي بأسمك)
أيدي محاوطه ركبته وأيده حاضنه خصري عيوني
بعيونه دكات گلوبنه نسمعها تقرب اكثر وباوس جبيني:-اعشكج
:- مو بكدي
.
.
وهيج كملت الحفلة الي جانت مليانه مشاعر
فتحلي باب السياره وصعدت بصفة راح صعد من الجهه
الثانيه يسوق ومشغل أغنيه لكاضم الساهر
(هل عندكِ شكٌ بإنك أحلى واغلى امراةً بالدنيا)
وصلنه للفندق ونزلنه وأصدقائه مقصرو وكفو كبال الفندق وبلشو يركصون ويهوسون اجتي عمه سعاد وعمه سميه
نزلني من السياره واخذني الغرفتي
سميه: احنه راح نروح ابنيتي بعد صرتي بامانة زوجج
سعاد: الجنط مال سفركم كلها كدامج وطلعت ملابس
تحتاجيهه اليوم ماشي حبيبتي
مُهره: ماشي :- طلبت منهن ينزعني البدلة ودخلت أسبح
كملت ولبست الفستان الي جابه قبل أسبوع
طلعت انشف بشعري وانصدم .....يتبع
أنت تقرأ
عيناك خلقت لاجلي
Lãng mạnفتاة في ال 5 من عمرها تعرضت للكثير من الانكسارات ومن الشخض القريب والمستحيل ان تتوقعوا تفقد ذاكرتها بسبب الحزن والخذلان الذي تعرضت له كان سبب ضياعها قط في احدا شوارع بغداد تمضي قدما بمفردها دون عائلتها تترك اثرا في قلب شخصا ما روحها تتألم بس...
