نامت الوادم. ونوم العافيه. 🙇♀️❤
والف هنيال العيون الغافيه. 💕
البارت السابع
غزال: اجتني بنيه حلوه ومينه بكدي كعدتتني وكالت
يقين: هلو حبيبتي هلا وسلا
غزال: هلوات شكرن حياتي
يقين: اني اسمي يقين اخت رجلج وعمري ١٧ وانتي شنو اسمج وعمرج
غزال: اني غزال عمري هم ١٧
يقين: ياااي يعني بكدي وخيرن لكيت وحده بكدي
غزال: حبيبتي
يقين: تعالي اعرفج ع اختي ومرت اخوي وامي
طببت جوه عرفته ع امي واختي ومرت اخوي
غزال: يقين كلش حبابه وياي مبينه واخذتني ع امه عرفتني عليه رحت سلمت عليه وبس راسه وكتله شونج خاله
وكالت بصوت حزين
ام فهد: هلابيج يمه وبعد لا دكليلي خاله وكليلي ماما الو يمه مفهوم
غزال: شكد فرحت من كالتلي هيج كتله اوك ماما
ام فهد: صح ضجت من اجت الفصليه بس بعدين كلت هيه هم ماله ذنب وكلت اليقين يمه يقين اخذي اختج ع
غرفته خلي ترتاح شويه ع مايجي السيد يعقدلهم
غزال: ماما كالت اليقين تاخذني للغرفه ع مايجي سيد
يقين: يله تعاي حبيبتي
غزال: اخذتني للغرفه طبيت بس مو غرفه تخبل غرفه تركيه وجبيره وبيه حمام داخلي يقين وصلتني للغرفه
وطلعت واني ضليت افتر بلغرفه شفت صورته معلكه بلغرفه حلوو وشخصيه وضليت افتح بلمجرات شلون مرتب غراضه وشغلاته
وبعدين جابولي جنط مالاتي مفرقيلي نص من الكنتور كلت شي اكيد الي رتبتهن بلخانات اخذت وقت طويل يله كملت لان هنه هواي بعدين رحت رتبت المكياج والماسكات والعطوره وبعدين نضفت الغرفه وغيرت جرجف الجربايه وعطرته وبخرته
ورحت طبيت للحمام كلت لابس اسود لان عيب منهم ابنهم ستوه ميت طلعت من الحمام مشطط وكعت شويه واجتي يقين كالت كومي حبيبتي اجه الشيخ يعكدلكم
انتي هنا حيل خفت ورتبكت بعدين خلي اروح وشيصير خل يصير
رحت طبيت اكو ولد تلاثه وشيخ وزلم هواي موجوده يمكن عمامهم كعدت وعقدلنه شيخ جان اسمه فهد
وكالي الشيخ اذ قبلتي قولي نعم وانت وكيلي
اول شي ترددت وبعدين كلت نعم وانت وكيلي
اجه بابا سلم عليه واني حضنته وكمت ابجي احس بعد ماشوفه وكتله يسلملي ع علي وماما
ابو غزال: يله بنتي اني راح اروح ديري بالج ع نفسج
وريدج ترفعين راسي كدام الاناس وبست راسه ورحت
