فصليتي بغدادية

بداية القصة

على بركة الله نبدي

القصة مو واقعية ابد يعني من مخيلتي ١٠٠٪

اني بطلة القصة اسمي مريم
أبنية عادية شكلي نازك وبسيط بس أكثر شي يميزني شعري طويل حيل
طبعاً اني طالبة خامس اعدادي حياتي مستقرة
اني وحيدة اهلي

واني من سكنة بغداد باليرموك عايشين بس اني وامي وابوي

عندي بس عم واحد اسمة محمد وعندة ولد واحد اسمة راهب
راهب طيار مدني صح هوَ ابن عمي الوحيد بس علاقتي بي سطحية يعني عادي

عندي خوان ٢ بس بحياتي مشايفتهم لأن ساكنين بتركيا من قبل لا انولد اني يعني أكثر من ١٧ سنة

اني شخصيتي دلوعة لأن وحيدة اهلي يعني ما ينرفض آلية طلب
واني شاطرة بدراستي حلمي اصير طبيبة أسنان
من اتخرج صحيح نسيت اكللكم
ماما اسمهة اية
وبابا هيثم

وهسة بعد ما عرفتكم بية تعالوا احجيلكم الي صار وياي

الساعة ب٦:٠٠ الصبح يوم الخميس

مريم - يوو هم دك المنبه شكد مزعج خلي اطفي ونام

ندك الباب
منو

ماما - اني اني اكعدي لا تتأخرين على دوامج

مريم حاظر ماما هسة
كمت سويت روتيني مثل كل يوم غسلت وجهي واسناني وبدلت

ونزلت حتى اروح للدوام
ردت اطلع اجة بابا

بابا-بنتي هاج مصرفج اخذي وياج

مريم شكراً بابا ابتسمت وطلعت

بس اليوم احس مزاجي حلو يعني اريد اغني واركص مادري شنو جايني
المهم رحت للدوام

اول مطبيت اجتي فرح

فرح صديقتي واختي الي ما جابتهة امي

فرح-هلو رمروم اليوم منورة

مريم - هلو فروحة شلونج

فرح الحمد لله أنتِ شلونج

مريم - زينة

كعدنة كملنة دراسة وصار الوقت نطلع للبيوت

طلعنة اول ما طلعنة ودعت فرح لأن اليوم خميس وهية هم ودعتني

دخلت للبيت اول ما دخلت لكيت ماما بالمطبخ

مريم - هلو ماما اني رجعت

ماما-هلو بيج مريم صحيح قبل لا انسة اليوم زواج بنت صديقتي وعزمتنة روحي وياي عيب

مريم-اي ماما ليش لا اني اصلا ضايجة اروح

صعدت الغرفتين سبحت وصليت ونمت

صارت الساعة ب٢:٠٠ كعدت حتى اتحظر للعرس لأن ب ٤ نروح

رحت مكيجت مكياج خفيف حيل وخليت شعري مفتوح ولبست فستان اسود