نكمل على بركة الله
هنا نصدمت من علي!
طلع علي عضلات وطويل عيونة سود
لابس دشداشة بيضة ولاف على راسة هاي الي يلبسوهة بالغربية
اني بيني وبين نفسي اكول هاي شنو ماشاء الله
وصافنة
طلع هوَ كال السلام عليكم
بابا وعمو - وعليكم السلام
الشيخ - علي اخذ هاي البنية هاي فصليتنة سلمهة للنسوان
اني بس صافنة على كلامهم شلون يتعاملون وياي مثل السلعة
علي - تفضلي ومشة
اني ضليت امشي ورا الحد ما دخل الغرفة
بيهة مرة جبيرة وبنية
وطلع بقيت اني واكفة
المرة الي هية الشيخة كالت تفضلي بنتي أنتِ من اليوم وغاد حالج حال سحر
سحر بنتهة
كامت سحر أخذت مني الجنطة اباوع اهلي راحوا بقيت بس اني بنص ناس ما اعرفهم وخايفة
دخل الشيخ الجبير هوَ وعلي ويا ٤ شباب
كال للشيخة صعديهة للغرفة خلي تتحضر الشيخ ساعة ويجي يعقد الهم
طبعاً اني على كولة المثل مثل لاطرش بالزفة
كولشي مادري بس اروح منا واجي منا
صعدت للغرفة اخذتني الشيخة
اباوع الغرفة جبيرة حيييل سويت كامل بس بيهة ملابس ولد وغراض ولد
الشيخة - هاي عرفتج منا وغاد الشيخ بعد شوية يجي يعقد الج إذا عندج شي ابيض البسي وإذا ما عندج اخذي من سحر كتلهة لا عندي
الشيخة - شوفي بنتي صح أنتِ مو ذنبج بس الي راح من عدنة شاب راح من بين ادينة وما كدرنة نسوي شي وهذا مو ذنبج بس هاي العادات عدنة واني منا وغاد اعتبرج مثل بنتي سحر
وهسة اعرفج تحضري
وطلعت
بقيت وحدي بالغرفة اباوع هاي شنو اني شنو الي وصلني الهذا المكان شنو هاي
بقيت ربع ساعة بس صافنة بعدين أخذت جنطتي ودورت شي البسة طلعت فستان ابيض
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبستة وما حطيت مكياج بس خليت شعري مفتوح
صعدت سحر فتحت الباب باوعت علي كالت ماشاء الله
سحر- عروستنة ليش ما مخلية مكياج طلعت حمرة وحطتلي
أنت تقرأ
فصليتي بغدادية
Ficción Generalحتشوفون قصتي شلون تحولت حياتي برمشة عين مجان ذنبي بس نجربت اتحمل المسؤليه مجان عندي خيار ثاني بس لله بالنهاية عوضني بشي حلو اني بطلة القصة اسمي مريم......... الكاتبة زينب ♥️🎈
