فصليتي بغدادية

صدمة عمري

نكمل على بركة الله

مريم-نصدمت من شفت اهلي كلهم بالباب واكفين عمي وبابا وابن عمي وناس غربة هواي بس المشكلة كلهم ضايجين

علي فتح الباب ونزلني
نزلت اجة راهب ابن عمي يركض سلم علي

راهب - شلونج مريم

اباوع علي خزرني وخزر راهب

اني كتلة زينة وطبيت للبيت واني متحمسة اشوف ماما

طبيت اباوع اشوف عمة وصديقات ماما وناس ما اعرفهم كاعدين يبجون

گلبي وجعني

اجتي عمة حنان تركض حضنتني باستني كتلهة ماما وين

عمة- ساكتة

ركضت ادور على ماكو ماما

عمة - مريم البقية بحياتج امج توفت

مريم - شنو لا مستحيل لا تجذبين

ما فكرت ما استوعبت الي حجتة عمة حسيت اكو شي حذب اني اول البارحة حاجية وياهة وهية كالت مشتاقتلج شلون هاي
نهاريت من البجي وفقدت الوعي

وعيت على نفسي علي يكعد بية

صحيت واني منهارة وابجي كتلة حتى أنتَ جذبت علي ليش مخليتوني اشوفهة نهاريت متت من البجي

حسيت الدقيقة بسنة تمر علي وامي مو يمي ماتت واني اتحصر على شوفتهة واني اذكر كلامهة من تكلي اريد اشوفج وتكلي مشتاقتلج ما اكدر انسة صورتهة من رحت من يمهة وهية تبجي امي حتبقة بالي ما اكدر انساها هية احن مخلوق علي

صار الليل وعلي بات يمنة بالبيت كلهم الناس رحاوا بس بابا واني وعلي بالبيت

عمة راحت البيتهة هية وعائلته واني بقيت اني وذكرياتي

صعدت للغرفة اباوع كلتتت اااا شكد بيهة ذكريات من اني طفلة لحد ما رحت من عدهة كم سنة عشت بهذا البيت وهاي الغرفة بيهة أحلة وأصدق الذكريات

واني اشوف غراضي

صعد علي

علي - صعدت لكيتهة كاعدة تشوف بصندوك قديم

ها  مريم اسف صعدت بدون ما اكلج

مريم - عادي

علي - مريم اني اسف لأن ما كتلج بس

مريم - لا تكمل الصار صار واني خسرت اعز شي بحياتي

عفتة وكمت رحت نمت وهوَ نزل نام بالصالة

الصبح كعدنة

علي - صباح الخير

مريم - صباح النور

ابو مريم - علي اليوم تكدرون ترجعون اخذ زوجتك وروح ارجعوا البيتكم احسن من ما تتبهذلون هنا

مريم-بابا شلون ارجع وانتَ ما اكدر ارجع

ابو مريم - لا تكملين اليوم ارجعوا