لمن تقرع الاجراس

الحلقة 28

#لمن_تقرع_الاجراس

الحلقه.28❤️

♥️ للكاتبة ملاك الشويرف ♥️

بقلمي يأتي الجديد🔥
وبالعلمي ترتقي الامم🔥
الحياة تجارب نطيحوا ونوقفوا ونوصلو ل يلي نبوه بجهدنا🔥

🤍Malak ALshueref🤍

🔥روايات ملاك الشويرف🔥

يدك علي احببته❤️
وتعليق قنين ❤️
ضيفوا اهلكم وناسكم حبايبي❤️
_______________________

انصدم صدمة عمره كيف جنى عرفت وكيف صار هدا كله راسه وقف من التفكير والشي يلي مستغرب منه اكثر واكثر ردة فعل جنى الهاديه. طلعت وسيبت الداعي والمدعي عرفت هذا كله لعبه من العقربة يلي عندي تفو عليا وعلي اصلها لكن تو نوريها ليلها اليوم ركب سيارته يجري حرق العجل ومقعد شي غير غبرة سيارته

.

.

.
كانوا يبيتوا من شق الباب شن صاير بين جنى ووسام والعراك
نسرين. اياماتك السود وسام مستحيل يفوتهولك تحسابيه مسبوه مالا يهز ف راسه
زي الغبي

ميان. يلي مات مات ع روحه اما انا يلي نبيه درته.
نسرين. ربي يعطيني ربع البرود يلي انتي عايشه فيه
ميان. ضحكت وفكت التغديه. اهم شي فسدت كل شي بينهم
نسرين. راه متحلميش وسام انه يردلك
ميان. مافيش شي مش صعب ومافيش شي مستحيل
نسرين. انتي وضميرك وكيف تفكري اما انا مشوفت شي ماسمعت شي.
ميان. خوافة شن تبيني نديرلك
نسرين. واحد توا بيحمي روحه يطلع خواف.
خليك ب تفكيرك الهابط تو نشوفوا ل اما باب يوصلك
_________________________________

قدام حوش ابراهيم ال****** . اب ميان

طق طق طق

ابراهيم. فتح باب حوشه شاف وسام جي بيسكر الباب بس وسام حط رجله

وسام. مش جاي بنطلب بنتك ولا جاي بنتأسف جاي بنقول كلام مهم ليك واكيد تبي تسمعه وبعدها معاش تشوف وجهي
ابراهيم. فتح الباب. خش فتح المربوعة وقعمزوا.

ابراهيم. بعد الاهانات وشمايت الناس فيا جاي انت وبعينك الصحيحة بدل ما تتحشم من الوقوف قدامي وحط عينك في عيني شن قاعد تحس انت قاعد تنزل من قيمة اهلك وتشوه ف اسم عيلتكم

وسام. مش جاي انا بش نسمع الكلام اهو تاني شي مافيش نصيب بيني وبنتك ونهينا الموضوع ب المعروف زي ما بديناه تالت شي بنتك وين توا
ابراهيم. بكل وقاحة جاي تسأل فيا وين بنتي ماليكش دخل فيها
وسام. مش خايف عليها ولا نبي منها شي سألتك سؤال رد علي قده
ابراهيم. ماشية تتغدى ف حوش صاحبتها
وسام. وانت مصدقها وفي يوم جمعه
ابراهيم. وليش انشاء الله منصدقهاش
وسام. بنتك من لما فسخنا وهيا شادتها ف جرتي لا بطلت اتصالات ولا بطلت رسايل ونبعت ونقول مافيش نصيب بينا من الاخير دلت روحها حطيت رقمها ف الرفض وانا فديت واخر شي اتصلت ب رقم تاني حطيته ف كاشف الارقام شكلها خانبة تلفون اختها واتصلت بيا منه ماعلينا من هدا كله قالتلي تبي تشوفني ل اخر مره وتبي تقولي اخر كلام
ابراهيم. انت كداب
وسام. نكمل كلامي متقاطعنيش ونوريك الدلايل
ابراهيم. ساكت وف داخله بركان غضب ع بنته رغم انه كان مصدق وسام
وسام. ونبي اخر لقاء وداع تحاسبنا ف تركيا ولا ايام جامعه بريطانيا الصدفه السوده يلي جمعتني بيها. المهم بعد نقان ورسايل معاش بطلت وكل ما نغير شفرتي تتتصل ب شفرتي الجديده اخر شي وافقت وشوفتها اليوم ف منتزه ال***** وقعدت تعاتب وما خلت ما قالت ع بنت عمتي يلي قريبا حنخطبها جنى نزار بن النور. وقعدت تهدد انه مش حتسيبني ل غيرها انا هزبتها وماخليت ما قتلها ومن الواضح قبل ما تخطط ل اللقاء باعته رسايل ل جنى المهم دارت روحها داخت وطاحت قدام عباد ربي محسوبك ع خاطر هزبتها واضح كدابه قمتها ورفعتها ل المستشفى وجنى تراقب من غير ما نعرف المهم جت جنى بعد ما خذوا ميان ل قسم الاسعاف ف مصحة ال"""""""". وتعاركت مع جنى وهدا التلفون شوف المكالمات والرسايل شد بنتك عليا وتكفيني شرها خير ما نتصرف ونعرف شن ندير فيها جيتك انت يا عمي لان عارف ضاحكة عليك وتدير ف كل شي من وراك
ابراهيم. بصوت شبه مختفي. ولا يهمك
وسام. وقف هي سلامات
ابراهيم. طريقك زينه.