نيران والنسر 🦅

الجزء الثاني

_ضحكت وكتله
ضحكتك شوف العالم شلون جاي اتباوع
_يعني واحد يحب وحده وشگت گلبه شگتين يلا اعترفت شيسوي مثلا چا غير يضحك
_
ما تكلي منين تجيب هاي الالفاظ السوقيه
_
عگد حاجبه وكال
اتعودي عليهن مالي غيرهن
_مجبوره أمري للله
_غصبن عنج ترا خطيبج اني
_اهوووو عاش اللحظه
والله چا شني انتي بلسانج كلتيها خطيبي
_مو جاي اكلك مجبوره ليش تلح
بعدنا ماكملنا حجي واجت خالتي نوال وسناء
طشت جكليت وتهلهل وحضنتني كبال العالم
_كللللللوش هلا بجيتها ومية هلاااااا والكاضم كلبي نمرد مرد عليج يمة خوما أذوج يمة
_عدت خاله عدت
حجت خالتي وهيا تباوع ل نسر
_اي يمة عين وماصلت عالنبي مرات الواحد يحسد روحه
نسر :رحمه الله والديج يمة🤦‍♀️
باوعت عليهم بنضره مجاي أفسر شجاي يحجون 😐
ماحسيت الا سناء جرتني وحضنتني وتبجي
_هسا ليش تبجين مو هياني كبالج
_واللله وداعة نسر بعد فلا اخليج وحدج
_ صار صار بس كافي تبجين يمعوده
نسر:دكافي مو الفرخه نجعصت ياهو اليجي يحضنها
نيران :تالي ويا لسانك
نوال :وشلگ علاقه مسجليها ب أسمك
نسر: مو محروم يايمة
خزرته نوال خزره وهوا يضحك ولا يبالي
_نوال :انا اريد افهم شمالك تهيج كدام الاوادم صمه لحلكك مو شهرتنا
سناء:عزااا نيران شوفي ايدج
نيران :شنو شبيها
باوعت على ايدي طشار الدم ماله والي
نسر:دقيقه هاي ليش هيجججج؟
نيران :مادري حته ماحسيت بيها اصلا من جاي تنزف
نوال :امشي يمة صيح الدكتور شمالك واكف
نسر:ادري وين يجي هنانا الدكتور امشن جوا للردهة
رحنا للردهة او المكان اليي جنت بي تمددت عالسدية اباوع عالسگف والدنيا تفتر بيا فر وخالتي نوال وسناء ضلوا برا ماخلوهم يفوتون وبلحضتها اجه نسر عايط
نسر:ادري مستشفى شكبرها شكدها مابيها دكتوره جراحه بس دكتور وين صايره
نيران :
عدلت كعدتي وسألته
شبيك؟
نسر :مالج علاقه
درت وجهي عنه اباوع ل ايدي ولازالت تنرف بس مجاي احس بيها ابد
اجه الدكتور
_شو بنتي شوفيني مكان الجرح
نسر:كتلك الا دكتوره تجي شعندك اجيت انته
_كادرنا الطبي بي دكاتره جدد مو اصحاب خبره  اذا ماعاجبك ياريت تطلع برا تنتظر
نسر:هه واللله احرك بيكم المستشفى هسا
نيران :نسر لحيت عاد
خزرني وخله أصبعه على حلكه بمعنى
لاتحجين ولا كلمه
_ماهتميتله
_سيدي لاتضل متوتر وتوترنا وياك ياريت تتفضل برا
نسر:شو جاي تتامر حضرة جنابك الگسيف
_لاحول ولا قوة الا بالله  صار تبشر اني رايح وخلي الدكتوره تجي بدالي بس اذا صار ماصار خطأ طبي اني مالي علاقه وحذرتك من هالشي لان كتلك اني ذو خبره أكثر من الكادر الجديد
نسر:يلا بلا لغوة جيبها وتعال
راح الدكتور
نيران :ديلا باللله ارتاحيت شنو تفرق اذا دكتور او دكتوره
نسر:شايفه كبالج طرطور وشاد گرون
_
درت وجهي عنه وضليت ادردم
_شجاي تدردمين؟
_شعليك
_علياا ونص ورجلج فوك راسج
ضحكت وباوعت عليي
_امنيتي بحياتي كلها تحجي شي مفهوم
_واني امنيتي هاذا لسانج تفوتي بحلكج لسان دلالات
_ننننننننن
_فرخات تالي وكت
حجيتله بنتر
_لتكوللللللل سممممممم سممممم لتكووولللللل
_شنو فرخه؟
_قسم باللله اذاااا عدتها الااا
قاطعت كلامي فوتت الدكتوره وهيا مبتسمه
_مرحبا
ردينا سوا
_مراحب
_جاي الاحظ بس تتناگرون مخطوبين غصب شي؟
باوعت لنسر وكتلها
_حضي بعد
نسر:دكتوره بلا امرا عليج بدربج كصي لسانها لان عشر أمتار واكع بالكاع
_هههههه لالا خطيا حبابه نور
نسر:اي والله كلش حبابه
درت وجهي عنهم وغندبت 
اجت الدكتوره يمي وكالت
نزعي الصدريه بس داشوف مكان الجرح وين؟
_نزعتها وبدت تتلمس بالجرح واني بس أعيط لان جان يأذي كولش
_ينراد اخيطه والله
_لاكولي غيرها
_بنتي انتي متأذيه حيل وثاني شي اتحملتي الخياط اليي صار بضهرج وباقي جسمج ضلت على هاي
_جنت فاقده الوعي وماحسيت من خيطوا اصلا
_يعني انخليج تفقدين الوعي هسا لخاطر متحسين بالخياط؟
_اوف شلون شغله
نسر:اذا تردين اني الزمها وانتي خيطي
نيران :انته ضل بمكانك
نسر:لا وحق الحسين داجي دشوف ديلا
الدكتوره :رجاءا التزموا الهدوء باقي الردهات كلها هدوء ماعداكم
اجه نسر كعد عالسديه صار قريب يمي
_دكتوره معليج بيها بلشي وشحدها تحجي كلمه
نيران :دكوم منانا لا الم الدنيا عليك هسا والله شو ماخذ راحتك فدمرا
الدكتور :اذا ضليتوا هيج ماراح ابلش والله
سكتت وسحبت الصدريه لبستها عالنص ب ايدي اليمنى لان الجرح صاير ب ايدي اليسار ب الزند تحديدا
بدت الدكتوره تخلي بنج عالجرح وحسيت روحي شاطتتت
نسر اتقرب مني وانطاني ايده حته اضل سانده نفسي بيها وماتحرك
بدت ب اول خيط بزته
وصرخت صرخه ونسر خله ايده على حلكي واني لازمه ايده وعاصرتها بكل قوتي
وضليت لازَمه ايده حسيت اضفري نبلن ب زنده😂
خلصت ب طلعان الروح علما متت من الوجع وسناء وخالتي واكفات برا ميكدرن يفوتن بس مبين عليهن شكد قلقات بوقتها
طلعت الدكتوره وفاتت سناء
سناء:سلامات سلامات يمهههه متتتت من اسمع صريخج هاي خلتلج بنج لولا؟
نيران :
احاجيها واني امسح بدموعي
خلت خلت بس الوجع كلش قوي
نسر:ايدي
باوعت عليي
شبيك؟
_هديها
باوعت علي نفسي لازمه زنده بكل قوتي
وخرت ايدي من عنده
نزع البدله وشوفني ايده
_دباع السرسريه تتحارش ب زنودي
سناء:عزااا شمسويه ب ايده ولج
نيران :
احجي واني ابجي واضحك بنفس الوكت
شسويله هوا كلي لزمي ايدي حته يخف الألم من عندج وثاني شي مو هواي السبب خلي يتحمل
نسر:ولككك درنفيس توها ايدك مخيطه ووذبحتنه بصريخك وهم الك وجه تحجي؟
نيران :وخرر مالي خلكك
سناء:هاك اذا تريد خلي معقم جروح هنانا موجود وخليي ع ايدك
نسر:بالله ايدي وعالجناها و اذاني اليي انسدت من صريخها
نيران :جيبها اصرخ بيها حته تنفتح
نسر :هههههههههه مو اكلج سرسريه
سناء:اصيح امي شتكول نسر؟
نسر:عادي يابه روحي صيحيها
سناء:تمام
راحت سناء وطولت كلش واني جاي امسح الدم اليي ع ايدي خلصت من عنده وجان نسر واكف فوك راسي
رفعت راسي باوعتله
شبيك؟
اباوع لهلشحم الحلو
شنووووو؟
دغطي زنودج ادبسزز مو زين كاظ روحي خرب روحج
لبست الستره واني ادردم عليي وهوا يضحك
وخر منانا
ما
جاي اكلك وخر شكو واكف فوك راسي جنك غراب البين
لايابومه اني غراب البين منو ينگ ينگ انتي لوغيرج؟
لاغيري طبعا!  عندك مانع؟
مانع حمل؟ لاوالله ماعندي اشتريلج؟
_لككككك انتتتته صايررررر فدمرا زايعهااااااا شسالفتك
_بومه متتحمل شقة
_بشررررفك هاذا شقة؟
_اي!
_وجعي
_كافي لا افرك حلكج مو زين ساكتلج ترا واللله الزم افصمج نصين ايهسا
_شحدك!!
استغفرالله اخاف اطلع ويصير بيج شي ونبتلي لصمي حلكج احسلج
_غيرك يتمنى!
باوع عليا وحجاها ب حسرة وعيونه ذبلن
شالفايده طلع گول وفعل ابن الرافدين
شنو؟
سحب كرسي وكعد اباب الغرفه
نسرررر شدتحجي؟
_معليج
جاي اكلك شدتحجي شنو منوا هوا اصلا؟
_دفر باب الغرفه
جاااااييييي اكلجججججج معليججججججج
_سحبت الغطه خليته على وجهي وبجيت بحركه بدون صوت ابدا
نسر:لا تبجين
_باوعت عليي وعيوني حمرة دم من البجي
بشنو يهمك؟
_شلون ميهمني واللله كل دمعه تنزل تنبت سهام بكلبي
_بسبببككككك كله بسبببكككك كتلك عوفني يا اخي عوفني ضليت حاشر وهاك انته اول واحد تعيرني وبديت تشمر بسامير
_كافييييييي رحمه ل والديج كافيييييييي
_لا مو كافي وهوا مامسني ولا مس شرفي وكلي جاي أئذيج واحرك اعصاب نسر وانتقم من ضرغام
_حجي لسان
_لامووو حجيييي لساننننن بس انته مخلي الفكره الوصخه أبالك ومقتنع بيها
قاطعتنا جية سناء ونوال
نوال :شمالكم تتصارخون
نسر:ماكو شي سدوا الموضوع
سناء:لا اكوووو
نسر:انييييي مو كايلجججج اسكتي ولا تتدخلين
نوال :وسمممم لا اتصارخ واطلع منانا يلاااا شوفنا عرض اجتافك
طلع نسر وركع الباب بكل قوته
نوال :شبيج يمه تبجين
نيران :مابيه شي خاله
نوال :انجبي ولاتضلين مثل نسر صماخاتكم يابسه وماتتحاجون وااحدكم لسانه هطولة تحاليل ورحت اخذتهن وكلشي مابيج شكو هالبجي والعياط؟
_خالة نسر مقتنع مقتنعععععع انَو (مجهول) ماسني
_وخل يقتنع طبة طوبببب اول لو اخر واحد من تتزوجون راح يتأكد انو ماماسج أحد وكسري خشمه عود وخشم اكبر واحد يحجي وياج
_اصلا وجوده بحياتي ماراح اتقبله بعد
_حگج والله حگج بس هالشي مو معناه اتضل مخنجرين ونسكت عن حگنا ومانعرف نجاوب ليش يابه ماعدنا لسان ماعدنا صوت نهتف بي يمة الحگ حگ ينكال لو على گطع الارگاب هاذا حگج احجي بي ولاتسكتين وكَولي محد ماسني لاتضلين مخنجره وساكته وياكلون حگج الجلاب نسر اليوم بضهرج باجر لا ماتعرفين الدنيا شنو بيها وشنو ضامه وجود نسر مو عذر حته تسكتين وهاهيا نسر موجود يدافعلي لا وخلي نسر موجود ادافع عن نفسي وعنه لوما ضليتي ساكته من البدايه ماجان نسر اطاول وياج وحجه هيج
سناء:يمه اكطع سالفتج بخير بس نسر كال لحد يجيب الها طاري ويسألها
_اي ولهاذ السبب ابن المهيب شافله وجه حته ياكلج بي لو حاجيتله وحاجيتلنا من اول ماجينا بدون مانسألج جان الوضع صار غير شي
نيران :اللله كريمم
نوال :ونعم بالله خلي عقلج براسج وصيري ادمية بنتي اللسان الطويل والعتاد ميجيب حل يهجم بيوت بس گول الحگ ب حذافيره هاذ اليي يجيب حل مو اللسان الطويل والعناد والفشار
نيران :يصير خير
نوال :ايصير خير يمة يصير خير وهسا جايتج علا ومحمد صحبانج ذول كلبهم عليج اتلكيهم ب ضحكه وابتسامه لاتضلين مخنجره ومدلغمة وحاولي تتطرحيلهم انو مصارلج شي اكثر من هاذا
نيران :ان شاء الله
ضلت خاله نوال تحجي بس أحس راسي يأذيني وفكره تودي وفكره تجيب وبس اريد ابجي مختنكه كلش مرت أكثر من ساعه واجتي عُلا
نوال :هلايمه علا
علا:هلابيج خاله
نيران شلونج؟
نيران :الحمدلله بخير
علا:ها سناء عذريني ماشفتج والله
سناء:لاعادي حبيبي الحب يعمي عاذرتج
نوال :انجبي ولج
عُلا:لاخاله عذريها عادي
اي نيران ماكلتي شلون صرتي
_بخير  انتي شلونج
_الحمدلله تمام
_الحمدلله
نوال:اي يمة هيان صاحبتج كلشي مابيها بس تحب تتدلع على ابنه
علا:عادي دلع بنات شنسوي بس دامها بخير الحمد لله
نوال :اي يمة اكيد مادام عدت هالمرا سلامات ومحد اتأذى هاهيا والباقي على الله
_اي والله ََ
.علا:أكلج نيران ولو مو وكت هالحجي بس ضرغام مرافعته بالمحكمه قربت
نيران :ليش هوا وينننن؟
_بالسجن
_من شوكت؟؟؟
_مصارله  يومين
_وليش نسر ماحجه؟
نوال :مو وكتها يمة لان ضرغام طلعت وراه بلاوي صيري زينة و يصير خير
نيران :زين وفجر وبنين وين؟
علا:عوفي هاي الاسئله هسا هسا المهم بلغتج حته يصير عندج علم
_خاله بلا امرا عليج لحي ع نسر يرجعني على بيتنا
_اني ماخليج ترحين حته يذبحوج واللله
علا :نيران صدك تحجين ترا هالمرة عدت سلاامات المره الثانيه ماتتعدى
نيران :وتالي اضل معلعلى لخاطر منو ضرغام وبالسجن شكو بعد؟
نوال :صبري يمة ويصير خير
ما حسينا الا بهاء ومحمد اجوي
بهاء:ها ياعيوني يابنتي شلونها المحاميه مالتنا
نيران :شوفت عينك بخير مابيه شي
نوال :بهاء متأكد هالحجي ل نيران؟
بهاء:وال منو يعني ياخالة اكو غيرها ب كلبي
محمد :صار يمسلت الااخو طلعوا برااااااا
بهاء:انجب انته ضرتي
محمد :والله باينها اصير ضرتك
نوال :انجبوا ادبسززيه
نيران :خالة تاليها هيج لان يحبون نفس الابنيه
محمد :جذاب هوا يحب وهايم اني شكَو
علا :احمممم احممم
محمد :والله زين حسيتي ولا ندري بيج انتي هنانا هاهلو
علا :صاير دمك ثكيل امر من اليي ابالي
سناء:خايبين كلكم انجبوا ماكتلكم
شكو؟
نسر خطب نيرانننننن والحلقه بيدها
ما حسينا الا خالتي نوال جرتها من عباتها وتريد تلوحها حته تضربها
محمد :لوما اني جنت موجود من لبسها الحلقه
بهاء :انجبوا ماكو هيج حجي لاتلحَون
نيران :شمدريني عايشين اللحضه
نوال :ادبسززيه وين نسر عنكم
محمد :مجضوع يم الدكتورات شاف شكم وحده حاتة اللوتي سوا نفسوا ضغطوا مرفوع ووانجضع يمهن
نوال :اولل يمه فجي انعوج يالغه تحجيييي؟
بهاء:هاذ البهيم من الانبار
نوال :ايا لوتي الجذاب من اجه عدنا يحجي بغدادي حسيت بي جذاب
محمد :سئلي ابنج خاله كربسني براس العينتين
علا:اني اترخص لان لازم اروح
بهاء :اوصلج؟
علا:لا خلي محمد يوصلني
محمد :لا خلي بهاء اني ابات بالمستشفى ويا ضلعي نسر
بهاء:ها شكلتي؟
علا:تمام وصلني
نوال :يمة وصلنا بدربك اني واخيتك سناء
بهاء:هاا اييي اييي خالة تتدلليي
حجه محمد بصوت ناصي
انحصر حصرة الجلب مامكتوب يعترفلها
نيران :شنَو محمد شكلت؟
_ولاشي داكول تاروح اطلع برا مادام اكو حمايه هنانا
_تمام
راحوا كلهم وصارت الساعه بل 9 بليل ونسر ماكو مختفي واني ضليت اتكلب والوب وبعدين كلت دشو الا اروح اشوفه وين
طلعت من باب الغرفه والحمايه وراي كتلهم هنانا ماطلع برا ميصير تضلون وراي أتفهموا الوضع وضلوا بمكانهم
ضليت افتر بين الممرات وابوع ع الردهات نسر ماكو
وان شفته ب ردهة ضليت تقربت منها
جان متمدد ومشكل مغذي ومتمدد عالسديه وممرضه تحوم فوك راسه
فتحت باب الغرفه شو نترت بوجهي
شكو جايه؟
وانتي منوا حته تمنعيني؟
عيني المريض يحتاجله هدوء وراحه وكافي لسانج الطويل خربطه
_اااانييييي؟
_اي اكو غيرج؟
_؛شنو هالاسلوب وثاني شي خطيبته ومن حقي افوت يمه وانتي اليي تطلعين افتهمتي لولا؟
_اي هيا هاي
طلعت وتفر ب ايدها وتغلط
ديلا بالله
اتقرب يماا شفته نايم
كعدت بالكاع قريبه من السديه واباوع اله
ماحس الا بجيت بحركة دم
نسر واللله لو ادري هيج يصير بيك فلا عاندتك جان طاوعتك من البدايه بس انته مخليت ال رأيي اي اعتبار خليتني كدام الامر الواقع وتصرفك غلططط غلططط حته لو جنت خايف علياا ميصير تسوي هيج جان انته تأذيت قبل لا اني اتأذه شلون تجيبني يم اهلك واتجذب عليهم وفوك الضيم طلعت تحبني جان صارحتني من البدايه وانته تعرف الحب كلشي يخليك تسوي بدون وعييك وفوك كل هاذا ماتحجيلي بس تنرفزني وتلعب ب اعصابي ومتقبل تكلي شبيك زين انته مو تحبني ليش هيج حجيت وياي ليش
نسررر افهممم واللله احبككك والللله بس انته دمرتنيي
حجه بصوت فززنننييي
_هلا بكلشي وبعد كلشي ومابين الضوه ورمشي

انتتتهههههه كاعددددد؟
حجه بصوت متعوب
_والله مادري صبري اشوف نفسي كاعد لولا
_وووجع من شوكت كاعد
_من احبك نسررر ماكدر بدونك
_جذااببببب واللله ماكتلك  ماكدر بدونك
_امشي لج سرسريه جايني بالليل شتريدين مني
_دوخر اروح لغرفتي احسن
_تعاييي 
_شبيك؟
_تعبان
_بسببي؟
_اخخخخ منج اخخخ
_نسر احجي شبيك؟
_طلعي وسدي الباب
:دشو الا ابقا هنانا يمك
_اني مامسؤل عن نفسي شيصير بيج معليا
_اصلا ماتكدر تسوي شي
_وعيونج اكدر بس مخافة الله اكبر
_احبك
_اموت عليج
_نسر
_عيونه
_احبك
_احبج أضعاف حُبج

طلعت وخليته براحته جان تعبان كلش
رحت لغرفتي ونمت نومة جانت عميقه الى درجه
ماحسيت الا فدشي يخض بجسمي
_بسم الله شكَووو
_اشتغل ابليسج الخلفج كلت ماتت واللله
_شبيك نسر  صدك جذب
_لججج الساعه 3العصر وانتي من ال10 بليل نايمه
_أووففف شدعوه هيح نايمه
_سألي روحج
_صدك شلون صرتتتت؟
_بخير
_خير ان شاء الله
_يلا امشي اخذي علاجج ترا راح نطلع من المستشفى
_واخيرااااا
_يلا فضيني
_رحت طايره للدكتوره َوكتبتلي درزن علاجات ولو ماراح اخذهن بس ميخالف وانطتني كريمات تخفف ألم الحروق اليي صارن بجسمي
اخذتهن وطلعنا اني ونسر ماصدكتتت اطلع من المستشفى اختنكتتتت منهاااا
صعدت بالسياره ليورا
_اييي مو سايق عندج اني
_شبيك؟
_شبيه اكرص شكو كاعده ليورا
_نزلت وطبكت باب السياره
و كعدت ليكدام
_هوا هيج لليي يطبك الباب
_وتاليييي؟
_راضيني
_على شنو
_يلا ميحتاج كافي اجيتي تبجين يمي
_اهو عاد ترا لوما مريض فلا اجي يمك لو تموت
_سريريه جايتني بالليل
_درت وجهي عنه واباوع لمرايه السياره وجهي صاير اصفر عيوني ذبلانه التعب مبين عليااا
جان نسر يسوق سريع واني فكره تودي وفكره تجيب
_كافي تباوعين ع نفسج بالمرايه لاتنلبسين
_ومنو يلبسني مثلا شهالخريط
_جني ابو شورت
_شنووووو؟
ضحك وكال
لازم ماتعرفي؟
_وين اكو هيج جني؟
_اكو وداعتج اكووو
باوعت عليي
ناصب علياااا
_جان يتقرب مني كرصني من خشمي وباوع لعيني وعض شفته وكال
رَتبيني آنهَ تخربَطت بعَيُونچ ❤️
_سحبت نفسي ودرت وجهي عنه
_يلا ياابه وصلنا نزلي لو عاجبج تبقين هنا
_خلي ننزل يم النهر
_يجرالج
_نزلنا وكعدت بالمكان اليي اول ماجيت علييي كعدت بيي
اجه نسر وراي
_ها حنيتي
_تتذكر من جنت اضربك بوري شجنت تكول شعر؟
ضحك وكال
مو انه الانذل بالعشك انه المهيل لو غبت ماتكمل التعلوله
اييي ايييي هوا هاذاااا
اكو غيره هواي
_اقرالي واحد
غزل لو شنو؟
اليعجبك

كاال:
عيونك تشبه الغزلان واكبر
ومن حبك صحت الله واكبر
اخاف يلوح بيه الشيب واكبر
وتنساني وبعد ماتسأل عليا
_ابتسمت وكتله
وانته هيج حافضهن
_مثل ماحافضج حفظ الشعر هم هيج
_وين تعرفني انته
_حجي لسان
_ايي
_اييي يلا  كافي فوتي جوا
_كمت من مكاني واني انفض بالتراب اشتعلت الغيرة
_ادبسزز تريدني اشدلها كرون
فتنا جوا وجان تجي سناء
واخيرا جيتواااا لحكواااا
شنو شبيج شصاير
مصايب نسرررر مصايبببب...