إختطاف بالغلط(🇲🇦)

البارت الاول

نعرفكم عليا، أنا سميتي نورة عمري 19 سنة من عائلة محافظة ومن طبقة متوسطة ماعنديش وماخاصنيش😉 ، وصفي : بشرتي حنطية فورماي متوسطة ما غليضة ما رقيقة وقامتي حتى هي نورمال ماطويلة ماقصيرة بصفة عامة كلشي فيا متوسط حتى من جمالي جمال عادي زوينة عندي عينين مجبدين شنايف منفوخين وحجبان مطراسيين ونيفي عادي، والوجه والله ماعرفت شكلو عييت مانشوف فلمرايا ولا ماقشّْعت فيه .المهم كندرس فأولى باك او السيزياماني ،كنقرا فحال كأيها الناس نفيق فالصباح نفطر أو كاع ماكنفطر على حساب ݣانتي ونمشي لليسي ونقرا ونرجع وهكا ولكن انا شويا مختالفة على بعض لبنات عندي ݣود نمشي نقرا وإلى عندي ساعة خاويا كنبقى فالجامع تاع لمدرسة لي عيا لمدير ما يجري علينا منو ، وواحد النهار ماجاش لينا الفرنسية وحنا نمشو ليه انا واريكة تاع لبنات ݣلسنا وبدينا نجمعو حتى كنسمعو لمدير تم جاي جيهتنا وحنا نسدو باب الجامع وصمتنا ومع هو كبير مقسم على زوج لبلاصة لكبيرة للدراري والبلاصة الصغيرة لبنات ومفرقين غير بخشبة شويا كبيرة ولكن كتزعزع ، إوا لمدير بقا كيدق فداك لباب وحنا ضاربين الطم ووحدة تقرص فلخرا وانا حابسا الضحكة غير بزز ، وبدا كيقول الى كاينة شي وحدا تخرج وبقا يدق حتى شحف ، وشنو دار مشا للجيها لخرى تاع الدراري باش ادخل للجامع واجي اطل علينا وواحد شوي بدينا كنسمعو الجرى وشكون الدراري جايين عندنا حنا نقزو من لخشبة وخرجو من لباب ونقزو من فوق الصور لي وراه بلاصت السبور وحنا ضربناها بجرية ماوقفنا حتى لحيط لي مقابل مع حيط لمدرسة .ودرنا فيلم تماك ،خللي عليك مرحاض تاع لبنات لي حولوه لصالون اربي عندك عكر حمر ،عافاك عافاك اختي عندك ماسكرا ،،لالا والله ماجا معاك بدليه وراه ماعنديش راه غير شديتو أربي ضبري ليا على لون آخر 😅 وخاصهوم غير بلاكة تكون فيها سميت الصالون ، وبصراحة حتى هو فايتا مخبيا فيه أنا واحد صاحبتي كيقولو ليها (پوينتا لݣارُّو ) ماشي أنا هوما أما انا كنقول ليها فاتي نيشان😅 ،دخلنا ليه واحد لمرة فاش كانت عندنا ساعة متقوبة والجامع مسدود هه ولمدير بغا يدير بينا داك النهار مفاجأة بدا يعيط واش شي وحدة هنا ولا ندخل ،سكتنا وخليت لباب محلول زعما باش مانعيقش لمهم ماعرفش وهو يمشي اه اقلبي شوي ويخرج بقينا تما حتى صونات وديمارينا ،، انا ماشي كنخاف منو وانما مابغيتش الصداع جيب والديك وورقة اما راه فمقدوري حتى انا نطلع مع لبنات لبحر وندخل لديك الجردة لي حدا لمدرسة ونتسركل مع هادا ونقشب مع هاداك ونتفدا هاد الصداع تاع لمدرسة ولمغامرات ولكن لا مسيفطيني والديا باش نقرا وكنخاف من لفوق . وبصراحه لداخل تاع لليسي كنرتاح فيه كتر ما نبقا فبرا ماعلينا كنمشي نقرا ونجي وماكنغيبش هدا الى مرضت أما فلماضي ماعمري مامرضت ݣاع بحال الأساتذة لي ماكيمرضوش لي كنقولو ديما واش هادا ماكيمرضش نرتاحو من واحد الشوية هههه 😅
ندخلو فصميم لموضوع ( لمعقول)
ارا ليك واحد النهار فقت بكري باش نمشي لليسي فطرت وعرݣتها مزيااان ،لبست حوايجي لي عبارة عن عباءة وشال وصبيبيط متكتكين ،، وهزيت شي فليسات مخبياهوم شحال وأنا نجمع فيهم بزز باش تجمعو ،جمعتهوم باش نشري بيهوم لغدا تاع ليوم وتاع نهار السبت حتاش داخلة من 8 حتال 12 ومن 2 حتال 6 اليوم والسبت حتال 4 وصافي بحكم لمدرسة بعيدة عليا غادي نبقى تماك ولواليدة عارفا ،وهزيت كارطابي وانا نسمع لوليدة كتعيط ..
لواليدة : وااانويرة
أنا: نعام أمي علاش كتعوجي سميتي
لواليدة: قريتي الادكار ( جاوبات هي على راسها ) لا وغا لعبي تم راه الدنيا كتخلع
أنا : أربي أمي شكون مدِّيها فيا آش فيا مايتعجب!
لواليدة: غير كولي هكاك انا قلت ليك ابنتي للومة على راسك
أنا : واخا ألميمة هدرتك هي لولا شحال من أم عندي من غيرك الله اخليك ليلي يالهوي فااات عليا لحال بسلااااامة،،، بست لوليدة ودعت خوتي وضركت زلافتي ( وجهي) غاديا فطريق لي شبه خاويا ومع زهري لمنحوس ماجات معايا فلقسم حتى وحدة ساكنة حدايا لذلك غاديا بوحدي كي لغول🧟 غاديا ودازت حدايا واحد طموبيل كحلا عزّْيا بمعنى لكلمة والو ماكيبان فيها برّْق ماتقشع ،ماتسوقت ليها فحال اي طموبيل مع أنها مشكوكة وواحد شويا شفتها ضربات الضورة رجعات وولات قدامي على بعد خطوات قليلة فحالا كتسناني😖 شداتني لخلعة من رجليا لما فالركابي وهو يخرج واحد الشاب بصراحة متيتز دغيا عبرتو واخا مخلوعة وجا جيهتي شدني من ايدي بلا ماينطق بكلمة وحدة شوفاتوو تقتلك😳 وتخلعت يلاه بغيت نخدم لموتور تاع لغوات وهو يسدليا فمي وقال بحده
الشاب: طلعي😡
انا نجر وهو يجر وانا نسمع صوت جاي من طموبيل قال : هنِّينا اهاد الزمر. اوا شفت ايدو دخلات لجيبو وجبدها فديك ساع وبانت ليا شي حاجة بيضة خرجو لعينين صراحة تخلطت وتمات ايدو جايا جيهتي ، وتماك .....
فناضاركم شنو تتمة هاد لبارت؟؟؟ عافاكوم تفاعلو ❤️❤️💜. فأقرب وقت نحطو 🥰