القدر ...
.............................................................................................................................
انس: السلام عليكم يا عمي
عم احمد: وعليكم السلام في شنو ..
انس: كيف حالك وصحتك
عم احمد: بخير الحمدلله.. عاوز قروش ؟؟
انس : لا لا ياعمي بس اتصلته اشوفكم كيف . ولو محتاجين حاجه..
عم احمد: هههه😂 هو انت كان قلنا ليك محتاجين حتدينا من وين😂؟؟
انس: .......................
عم احمد: لا لا شكرا ماعاوزين ااااي حاااجه .
انس: تمام .. يلا مع السلامه
عم احمد: هههه مع السلامه😂😂
(اصعب حاجه انو تكون داير تتطمن على زول وتتصل ليهو ويقول ليك عاوز قروش؟؟ ولا يقول ليك عاوزه شنو؟! .. فل نفترض انو كل مرة بتصل ليك او بجيك عشان حاجه .. احتمال ربنا هداني ما داير اشيل منك شي.. احتمال داير يديك حاجه !! )
انس كان مضايق من كلام عمو المفروض يكون بمسابه ابوه ...
فلاش باك ..
عم احمد: انس يا ولد تعال اقعد ..
انس: ايوة يا عمو ..
عم أحمد: طبعا يا ولدي ابوك ده مات وشبع موت.. فنحنا حنقسم الورثه تمام ..
انس: لكن ابوي الله يرحمو مات ليهو اسبوعين بس ...
عم احمد: في النهايه هو مات .. واستحاله يرجع ..فاحنقسم الورثه . وما مطلوب غير توقيع بسيط منك . .. وتاني اوعاا تقول ابوي مات .. انا ابوك ..
انس: حاضر ياعمي ..
عم احمد: اي .. وبعدين انت البيت ده قاعد فيهو براك كده ماكويس ... خلينا نبيعو ونمسكها ليك ..
انس: البتشوفو ياعمي ..
عم احمد : ههه تسلم 😏
بااك
انس: يا رب ترجع لي حقي ..
..
☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠☠
اسماء: يا لينا
لينا: ايوة يا ماما ..
اسماء: وين امل..من اول امبارح ماجاتك ..
لينا: ماعارفاها مالها .. ممكن امشي ليها اشوفها؟؟!
اسماء : اي امشي لكن ما تتاخري..
لينا درعت اقرب عبايه عندها ومشت ليها
فتح ليها الباب اخو امل عارف ..
لينا : عااارف ..
عارف: لا ما عااارف 😂😂😂😂💔
لينا : عليك الله في زول نصيح بتريق على روحو ؟؟😂 .. امل. وين
عارف: صحبتك منفسنه ليها كم يوم خشي ليها ..
لينا : طيب
خشيت سلمت على خالتو خلود .. وبعداك مشيت غرفه امل دقيت الباب قالت لي :
امل: يا ماما انا ما عاوزة ااكل تمااام ..
لينا : ما تماااام 😂
سكتت مسافه وبعداك جات فتحت لي ..
لينا: يازفته مالك بقيتي ما بتجيني 😭👊
امل: تعبان والله الايامات دي ..
لينا: سلامتك حبيبي انا .. مالك
امل:ارهاق بس ..
لينا: امل..
امل: ايوة ..
لينا: ااامل ...
امل: نعم
لينا: ااااامل .
امل: خير ياطير
لينا: اااااامااااال...
امل: نعمممم خييير فييي شنووو
لينا: ولا شي 😄
جرت فيني نور كداااا
لينا: امل عاوزة أسألك ..
امل: اتفضلي
لينا: انتي ايمن قال ليك شنو؟؟
امل : ولاشي بس قال انو بحب روان وداير يربط معاها ..
لينا: طيب وانتي ؟
امل: انا مالي ؟
لينا: انتي ما كنتي بتحبي ايمن؟؟
امل: لا لا لا 😄😂😂 بس كنته معجبه اعجاب بسيط ....
لينا: امل ما تعتبريني اخت ايمن ولا صحبت روان .. اعتبريني اختك صندوق اسرارك ..
امل: يابت ماف حاجه وحتى لو بحبو هو بحب روان 😊😊
لينا: يعني حتسييبيهو ..
امل: يا بت انا اصلا ما بحبو موت ..
لينا: طب انا ذنبي شنو؟؟
امل: ما عندك ذنب .. وانتي اصلا هسي مالك ..
لينا: طيب تمام انا حامشي عشان ماما قالت لي ما اتأخر ..
امل: طيب سلمي عليها ..
لينا: سمح 😂👊..
طلعت وبعداك جاتها تاني
لينا: امل امل ..
امل: مالك ..
لينا: انتي بتمشي المدرسه برجولك صح..
امل: اي لي السؤال
لينا: بكرة الساعه سبعه وخمسين دقيقه بمرق معاك للمدرسه
امل: سبعه وخمسين دقيقه ؟؟ يابت انت ما نصيحا سبعه الحصة الاوله بتنتهي عديلل ..
لينا: خلاص سبعه شوكه ..
امل: لا سته واربعين دقيقه ...
لينا : ظط يا زوله ..
امل: يلا برا بيتي لو سمحتي ..
لينا : ياعفنه اليبت ده بتاعك .. عليك الله قفلي قدومك
امل: يلا برا بيتي بدون كلااام ..
صحبتنا مرقت بي كرامتها ومشت بيتها وبب السرير جاك نفر ..
..............................................................................................................................
اخترقت اشعه الشمس عدساتها السوداء ... معلنه بدايه نهار جديد
نهار .. لاحظو كلمت نهار دي .... المدرسه يا عوق ..الساعه سبعه وعشرين دقيقه ..
وان شاء الله لينا حست نفسها امريكية اتثابت ببطء كده .. وكانت حاترجع تنوم تاني لكن ايمن الله يدي الصحه مابقصر .. ومعاهو امل .. وامل دي وشها احمااار طماطمه بس ..
لينا: يا زفت يا معفن يا كلب
ايمن: يا بت صحبتك واقفه في الشارع ليها سنه وانتي هنا نايمه ..
لينا عاينت في وش امل لقتها صارة وشها ومادة بوزها ..
لينا: ما هو اانا .. والله اناا كما شفتي .. والله انا كنت .. كنت حاسه بي تعب شويه
ايمن: ما كان تتصلي ليها بزفت التلفون بتاعك ده ..
لينا: انا اسفه والله يا امل لكن تعبانه بس وشالتني نومة ..
امل : ما مشكله ... وطلعت ..
ايمن بقى بكورك ليها يا امل يا املل ..وطلع لحقها ..
امل: نعم .
ايمن : انا بعتذر ليك .. وحا اخلي لينا تعتذر .. انتي عارفها غبية ..
امل: انا ما زعلت لكن انا اتاخرته فا حمشي
ايمن: طيب اطلعي اوصلك
امل : لا لا شكرا بمشي براي.
ايمن: ده ما سؤال دي معلومه..
امل ابتسمت ..
( لسه .. لسه في كل مرة بعاين ليك فيها حبي بزيد .. لو بيدي اشيك من بالي .. مش بالي من قلبي .. انت اسمك محفور هناك .. حا اتناساك بس .. يا رب طلعو من بالي ..)
نهايه البارت ..
