💖خالي 😎 عزوتي😍

اذهاب الى ارض الجنه

مهند.. رحت لحمام وجان اشوف جبل وحسان وماركلوس وجبل حاضن زهراء وهاي الثوله نايمه ... هاي شكو اشصاير هنا اريد اعرف وانته الاستاذ ليش حاضن زهراء
جبل .. انتبهت على زهراء نامت ومهند راح للحمام وشفت زهراء رادت توكع من الكرسي واني شلتها وما اشوفلك بس اثنين واكفين يم راسي
حسان.. شفت زهراء كامت تثاوب ونامت وحطت راسلها على الكرسي ومهند استأذن من الاستاذ وطلع اني عيني على الدرس وبالي يم زهراء انتبهت على الاستاذ جان يباوع على زهراء وما اشوفه بس ركض وحضن زهراء كمت اشوف شكو وشفت ماركلوس واكف وياي
ماركلوس .. اني عيني على الدرس واشوفلك الاستاذ جبل ركض وحضن زهراء واكف وياي حسان .. ها شنو وكعت
جبل .. اي رادت توكع من الكرسي وشلتها اجه مهند
مهند.. شكرت الاستاذ واخذت زهراء نومتها بحضني خلصت المحاضره راد يطلع الاستاذ ورجع عليه كال
جبل.. اكلك مهند استاذه شذى راح تجي ورايه انته تدري استاذه شذى متحب احد غريب بالمحاضره شنو رائيك تاخذها لغرفتي تكمل نومتها بين ما تخلص المحاضره هاا شكلت
مهند.. اوووف ماعندي حل ثاني لن صدك دكتورا  شذى متحب احد غريب يدخل المحاضره مالتها .. ماشي استاذ لعد يله حتى الحگ ارجع للمحاضره مشينه للغرفه مال الاستاذ جبل دخلت وخليته على الكرويته وطلعنا ثنينه هو دخل قاعة الاساتذه واني دخلت للمحاضره وما اشوف بس الهجوم😨..
جبل.. قنعت مهند يودي زهراء على غرفتي طلعنا اني ويا من الغرفة حتى يرتاح ويتطمن شفته دخل المحاضره ورجعت للغرفه مالتي دخلت عبالك حرامي قفلت الباب درت وجهي جان اشوفلك التحفه الفنية الكدامي تسطر اني بعمري وماهزتني مره هزتني وحد عمرها ١٦سنه خرب حضي تقربت عليها بنت الحلوه اكو شعرايه نازله بهمال على وجه الطفولي وهي عاقجه وجها تقربت عليها حتى اوخر الشعره جان تفتح عيونها ضلت صافنه ابتسمت بوجهي نوب غمضت وفتحت عيونها على وسعهن وطفرت عبالك شافت جني 😱😰👻
زهراء جنت كاعده يم مهند وحطيت راسي على الكرسي مالتي نمت مادري بنفسي .. كعدت جان اشووف جبل كدامي عبالي اتخيل تبسمت بوجها ورجعت غمضت من حسيت انفاسه حاره رجعت فتحت عيني على وسعهن طلع صدك جبل يمي نوب عزززه الوحدنه شنو خطفني معقوله.😱😱😱 كتله. اني شجابني هنا وانته شسوي يمي ومنهد وين ليش ساكت ممكن تجاوب
جبل.. شبيج كمت تخرطين عليه على كيفج وحده وحده واني اجاوبج اول شي مهند جابج وثاني شي هذا مكتبي وجنت جاي اخذ اوراق مهمه وانتي كمزتي بوجهي وثالث شي اني ساكت لن انتي متنطين مجال اجاوب خلص افتهمتي ☺
زهراء.. عززه شلون يحجي واني خيالي سرح الوحده كتله. اسفة خاف قللت ادب وياك وشكرا لن خليتني انام بغرفتك 😳😳😳😳
جبل.. شفتها خجلت خرب صارت طماطه مال كرط بنت الحلوه كتلها.. ولا يهمج عادي تصير المهم رتاحيتي
زهراء.. شكرا اي والله رتاحيت من نمت .. شو راح كعد على المكتب وطلب مني اكعد حسيت نفسي متهمه وهو القاضي  تفضل ؟؟
جبل .. رحت كعدت على الكرسي وكعدت هي كبالي عبالك متهمه شكلها خايفة كتلها.. اي زهراء احجيلي عن نفسج بين ماتخلص المحاضره مال مهند
زهراء.. اسمي زهراء اصلي اهلي من العماره بس اني مولوده بغداد وهسه يم بيت جدي زياره
جبل .. اوك الاسبوع الجاي الكلية تسوي رحله للزوراء تجين ويانه
زهراء.. لا احنا راح نروح غير رحله بس الصراحه رحلتنه احلى بهواي من رحلتكم
جبل.. وشلون بله
زهراء.. لن احنا رايحين للكاظمية و ابو حنيفة ولكنيسه مريم العذراء ونروح الكربلاء ونجف هاا يا رحله احلى
جبل.. الصراحه رحلتكم احلى بس انتي مو خوش صديقة 😞
زهراء.. ياا شو هذا بوزم . ليش بله موخوش صديقة
جبل.. غير تدعيني على الرحله موخوش معزبه
زهراء.. عززه وين ورطت نفسي خاف اكوله تعال المجموعة متقبل شسوي عزززه😰😰...
لا اهلا وسهلا بيك استاذ تعال ويانه بلا دعوه
جبل.. هاي هيه راح اجي وياكم شوكت تطلعون نجمع باب الكليه ونروح بل 6 الصبح حتى نلحك نوصل لكربلاء
زهراء.. هاي هيه استاذ اني اترخص ردت اطلع جان يسال اكثر سوال ماريد احد يساله
جبل.. زهراء انتي حجيتي كلشي عن نفسج ما عدا عمرج ماكلتي شكد
زهراء.. خرررب هسه شسوي ... هاا استاذ تره العمر مجرد رقم ميفرق واذا على عمري اني عمري ونقذتني دكت الباب اووووووف الحمدالله مهند اجه بلوقت المناسب
جبل.. خرررب بلحظ جان عرفت جكد الفرق العمر البيناتنه تفضل طلع مهند
مهند.. دخلت للمحاضره وما اشوف بس اني محاوط من كل الجهات
حسان.. مهند انته عقلك طاك بيه فيوز هيج بس كالك رحت وديته بغرفته
مهند.. اي وديتها احسن ماتنطرد من الكلية كلها تبقه نايمه بغرفت استاذ جبل وبعدين استاذ جبل راح لقاعة الاساتذه
محمد.. يعني غرفة الاساتذه كاتبين تفضل بدخول وممنوع الخروج شبيك مهند صار بلبنيه شي
مهند.. اني اعرف تربيتي كلش زين وبعدين محد يعرف زهراء بكدي
ماركلوس.. وهو من جاب طاري زهراء احنا نحجي على العقده جبل لايسويلها شي
مهند.. كلهم جانو يحجون بعصبيه وخايفين عليها صدك فرحت.. شكرا لن خايفين عليها بس زهراء تعرف دبر نفسها راد يحجي حسان جان تدخل دكتوره شذى
شذى.. شكو ملتمين صاير يله كل شخص على كرسية بسرعة راح نص الوقت
الكل.. حاضر
مهند.. خلص المحاضره وكمت ردت اروح شو كلها جفتت وياي وصلت يم الغرفه وسمعت صواتهم  من اول ماكال عرفيني عن نفسج لحد ما كال شكد عمرج دكيت الباب ودخلت حسيت الاستاذ جبل عصب بس سويت نفسي مانتبهت و زهراء رتاحت من اجيت راسن لزمت يدي له شويه تحضني كتله.. شكرا استاذ تعبتك وياي وحتلينه غرفتك اسفين على الازعاج ماعرف شلون ارد معرفك
جبل.. لا عاي باي وقت تكدر تجي وتحتلها لا تخاف ردو المعرف برحله
مهند.. يارحله استاذ
جبل.. الرحله الترفيهيه والدينيه
مهند.. ومنو كالك عليها ردت افاجئك بيها استاااذ
جبل.. زهراء كالت وعزمتني
مهند.. هلا بيك استاذ يله احنا نترخص
جبل.. مرخوصين
مهند.. طلعت اني و زهراء كتلها انتي ماتلزمين لسانج شلون ورطه هاي
زهراء.. عاط بيه مهند كتله اني شعليه هو عزم نفسه وحجيتله كلشي صار
مهند.. ادري سمعت كل شي ولا تنترين بوجهي خوش😠
زهراء.. الدمعه بطرف عيني اسفة خالي صرت مصر ازعاج الك اسفة عفته وركضت ضال يصيح عليه بس ما لتفتت ولا رديت عليه رحت كعدت بالحديقه الجامعه اجه محمد كعد يمي
محمد .. شكو ليش كاعده تبجين منو مزعلج
زهراء .. والله اذا اكلك مراح تكدر تساعدني بشيء وخاف انته هم تصيح عليه
محمد.. ليش شمسويه يا ستار علمود اني اصيح عليج
زهراء.. مووو اننيي عزمت وهوه مو عزمت هوه عزم روحه
محمد.. بس لا لبالي صحيح تره اشنقج
زهراء.. اكلك راح اروح اشرب عصير قبل ما اموت
محمد.. تشربين عصير يعني عزمتي جبل ماكو غيرها مووو؟؟
زهراء.. هوه دا  ياحبيبي مغلطش ابدا
محمد ... طح حظج على هاي الدكه اي والله منو كلج اعزمي راح يخرب علينه الطلعه
زهراء..  و اني شعليه هوه عزم روحه
محمد.. لو لسانج شويه تلزمين جا ما عزم روحه
زهراء.. تره هوه سامعنه من جنه باللكافتريا وسألني عليها وعزم روحه
محمد.. زين مهند شبي وياج هم علمود هاي هزت راسها اي
زهراء.. ضليت ساكته مدري اول مره احس  مهند يعصب عليه ضليت كاعده بالحديقة ولا سأل كال بنت اختي اندعمت ماتت او صار بيها شي ولا اجه
محمد..  تعالي كومي عازمج على غده معدل يعجبج
زهراء.. شكرا ماجوعانه روح شوف المحاضرات مالتك .. شو هاذا كام يلزم بكصتي جان يكول
محمد.. هااي شنو عبالي مصخنه شعجب انتي مترفضين عزيمه مال اكل لو طلعه اكول بيها مجال بس اكل وانتي تكولين لا مو معقوله لعد هواي متاثره بل حجي مال مهند
زهراء.. تعرف شنو يعنيلي مهند هو مو بس خالي هذا ابويه امي اخويه صديقي حبيبي احس نفسي طفل يمه خوو من انام بحضنه احسه امي حضنه دافي من يوكف وياي احسه اخويه ومن يدافعلي وهو يعرف اني غلطانه بس ميحب ينزل قيمتي كدام احد احسه ابويه هههههه ومن نطلع اخلص فلوسه ميكول كافي او يحجي عليه ابد احس نفسي حبيبته احس مهند الدنيا كلها هو العوض الي الله سبحانه وتعاله عوضني بي بس اليوم اول مره يصيح ويعصب عليه حيل نقهرت اني بطبعي ما اهتم لاي احد شما يحجي بس هذا مهند ما اكدر احس كلامه خنجر بلكلب وحيل تاذيت من عاط بوجهي
محمد.. لعد شكد مهند محضوض عنده شخص هل كد يحبه ويعتبره الدنيا كلها هنياله اي والله
مهند.. عين الحسود بيها الف عود ... سمعت كل الحجي الي كالته زهراء وماجنت متصور زهراء لهاي الدرجه متعلقة بيه حضنتها من ورا ومحمد عافنه وكام شوهاي كامت تبجي وتناشغ .. كوون يغسلني هاي الدموع اذا زعلتج بعد
زهراء.. لا سم الله عليك يومي قبل يومك وحضنته حييل وضليت كاعده بحضنه وما اشوف بس الفوج كله فوك راسي
حسان .. هنيالك مهند عندك واحد يحبك هيج
لميس .. كافي يا عمري شوف شلون صارت حمره من البجي جيبولها مي خلي تشرب
زهراء...شفتهم شلون خايفين عليه وخطية ماركلوس ركض يجيبلي مي هو اجه واجه ويا جبل
جبل... كل الي صار سمعته وكلش ضجت من شفتها شلون تبجي وتناشغ من تحجي ويا محمد
ومهند ونوب حضنت مهند وضلت تبجي اني كلت هسه يطلع شكلها الحقيقي شوهاي من رفعت راسها من حضن منهد شكلها صاير احلى العيون حمر دم الحشم احمر الحلك احمر دم ماكو هيج بنيه بكل حالاتها حلوه كالت لميس جيبولها مي جبتلها وماركلوس هم جابت صرنا اثنينها كدامها خلي نشوف من منو راح تاخذ المي
زهراء.. يمه هو لوطكه لو طلع مخه بس يله نطونيهن اخذتهن اثنينهن وشرب البطل مال جبل وكمت محمد
محمد .. ضحكت عليهم شلون ضلو صافنين مين راح تاخذ المي اخذتهن اثنينهن بس شربت مال جبل وخطيه ماركلوس طنكر وجها مبين حبها بس مالهم مستقبل سوا شو كامت وكالت محمد كتلها تفضلي
زهراء .. انته موكلت اغديج لوتراجعت 😶😳
محمد.. مو اكول مهند كال اهم شي بطنها تعجبت من رفضتي قبل شويه يله لعد الكل عازمهم على الغدا بمناسبة العضو الجديد بل مجموعة يله
الكل.. يله 😊😊😊
مهند.. الكل فرحان بزهراء بس نضرات جبل وحسان وماركلوس مارتاحيتلهن المهم رحنا تغدينه وضربنه المحاضرة مدخلنه جان اجه جبل كال
جبل .. رحت للمحاضره حته اسالهم اذا عدهم مانع اروح وياهم لو لا (بعد وكت ) مالكيتهم طلع للكافتيرا لكيتهم كعدت وياهم وكتلهم اسف خاف ازعجتكم لن فرضت نفسي على الرحله مالتكم اذا متردون اجي وياكم ترا عادي ما بيها شي كولو ولا تستحون مني شو كلها مصدومه مادري شبيهم بس يمكن لن اني نعزالي وماحاجي وياهم من قبل هيج متفاجئين
مهند.. بعد ماطلعت من الصدمه كتله لا اهلاوسهلا بيك استاذ جان يكول الشي الصدمنه فوك ما احنا مصدومين
جبل.. من نكون وحدنه كولو جبل بلا القاب ماشي يله عن اذنكم
زهراء.. شوو هذوله عبالك واحد راش عليهم سبريه مال شعر استاذن محد رد عليه كتله مرخوص
جبل.. ردت عليه زهراء وطلعت استاذنت من المدير ورحت للبيت وضليت افكر بل بلوه الشفتها
مهند.. 😱😱 سمعتوو لو اذني وشت
الكل .. 😱😱😱😨😨 سمعنه سمعنه لكم عبالك عدلو اعداداته اليوم يضحك ويحجي ويانه كون يضال هيج دائمآ
مهند .. يله احنا نترخص يله زهورة خلي نرجع للبيت
زهراء.. يله حبيبي احس نفسي شوية واموووت تعب
الكل.. سم الله عليج
زهراء.. يعمري فديتكم فدي من البجامه للبدي
الكل... هههههههههههايي
زهراء و مهند.. يله اودعناكم باي
الكل.. الله وياكم باي
زهراء.. الصراحه كلشش تونست رجعنه للبيت ومهند كل شويه يباوع عليه كتله شبيك مضيع شي بوجهي
مهند.. لا بس جاي افكر بشغلة مال كبار
زهراء.. شنوووووو قصدك اني صغيرة زعلت
مهند.. لا لا والله بش شغلة بشغلي
زهراء .. هاااا كول هيج عبالي غير شغالة
مهند .. وشنو الشغلة الي بالج
زهراء.. شغلة مال كبار
مهند .. ولا جوزين
زهراء و مهند... ههههههههههههه
زهراء.. وصلنه للبيت دخلت صار كبالي خالي جان كال
اياد.. بهذا فستانج الكه الكلية كلها بشارعنه واكفة
زهراء برائة.. ليش كلها بشارعنة شكوو
اياد.. دطبي جوه طبي
زهراء... هاذا شبي اليوم دخلت سلمت ردت ادخل غرفت مهند صارت وفاء كبالي وكالت
وفاء .. وين هذيج غرفتج خلصناها وعزلنها ورتبنه هدومج ومكياجج
زهراء.. صدك خلصت دخلتلها تخبل بكل معنى الكلمه