نيران الحب

بارت 15

غيم خلص دوامي واني بس اريد ارجع الاهلي و ماشوف ورد الي وين ماروح الگاها گبالي واشوف بيها اخوي الي راح بسببها
.
خلص دوام ورحت ادور على نجم ولكيته
يلا

نجم : تعبانه شيلي جنطتي
غيم : جيبي هذا اول يوم وتعبانه هيج
نجم : خرب تعودت على فراش يمكن مكدر احرك روحي
غيم : نجم خلي نمشي للبيت مشي ماكدر اصعد الخط واشوف ورد كدامي
نجم : تمام
غيم :
كعدنه نمشي
والجو حلو جان بدايت اشته
ماشوف غير ولد كدامنه
ولد : هلو بنيات
غيم :
باوعت اله وكضيت ايد نجم
وخر عن طريقنه
ولد : واذا ماوخرت يحلو شسوين
غيم :
شمرت جنطتي وجنطت نجم بلكاع ونجم كاضه ايدي وترجف
ههههه شبيج خايفه نجومه معقوله جبانه لدرجه تخافين من زعطوط
وماحس غير اجه وكضني من شعري
ولد : منو زعطوط
غيم : انته
وعضيته بيدي لحد ماصرخ
واجت سياره وكفت يمنا بسرعه ونزل منه رجال لابس لبس ضابط
واجه بسرعه وكض الولد اني مانتبهت على وجه لأن جنت خايفه على نجم وباوعت للرجال وطلع هذا بهر!!
هذا الي بسببه وبسبب اخوه مات اخوي جنت اعرفه من كضيت جوال احمد اخوي وشفت كل حساباته واني بس اريد احفظ وجه حتا اندمه على حياته

كض الولد وفلش الولد يضربه بكل مكان واني التزمت صمت وكاضه ايد نجم الي تبجي وخايفه عكسي مانطيت ردت فعل وبينت مابيه شي
ضل يضرب لحد مافقد واجه عليه
بهر : بيجن شي سوالجن شي؟؟
غيم : ميخصك
بهر : هذا فوك ماساعدتجن
غيم بستهزاء : ههه اعتقد محد كلك تعال وصير البطل الخارق
بهر :
سمعته ومتحملت ردت اكضها وادفنها بكاعها
اصعدن اني اوصلجن
غيم : خير خويه اصعد وي واحد بسببه مات اخوي؟
بهر : نصدمت بيها تعرفني ضليت جامد مكامي لا اكدر اسولف ولا اكدر اتحرك الي يدور براسي هوا احمد مات بسببي
بهر : الشي صار وراح صعدن اوصلجن
غيم : شلت جنطتي خليته بظهري ونجم شالت جنطته
وكتله الوكت بينا وراح اخذ روحك مثل ماخذت روح اخوي..

بهر
نصدمت شلون تحجي وياي هيج ونظرته الي
وكضت ايد اختها
صعدت بسيارتي وضليت امشي وراهم بدون لا يحسن بس اريد اطمئن عليهن لأن هسه هنه ماعدهن سند بسببي ردت ابو اخو بس يرتاح گلبي من مات احمد واني لا ليلي ليل ولا نهاري نهار
شفته وصلت الباب بيتهم التفت يمنه يسره وبعدين باوعت السيارتي شويه ودخلت
هاي البنيه مو طبيعيه
عفته ومشيت شغلي
دخلت للمركز وكعدت اگلب بلملفات
_______________________

غيم
من وصلت الباب والتفت وشفته عرفته لحگني بس ليش مادري عفته ودخلت بسرعه وغفلت باب البيت وراي
نجم : هلو ماماتي
ليالي : هلا برويحتي
غيم : سلام
ليالي : هلا
غيم : راح اصعد ابدل وانام ماريد غدا شويه وكعديني ادرس
نجم : دللي
ليالي : يمه اختج بعده هذا لونه يعني كلت بلكت تروح تدرس تنسه الصار بس بعد تعب والقهر بعيونه
نجم : ماظن تنسه الموضوع هيه اجت
مشي حتا ماتصعد وي ورد
ليالي : وشنو راح تضل تمشي للمدرسه راح اجيب سايق اخلي يوصلجن ويرجعجن اخابر خالج بلكت يعرف واحد زين
نجم : بكيفج يمه وهسه يلا جوعانه
ليالي : كومي بدلي وتعاي
نجم : تمام

غيم : سبحت ولبست قميص نص اردان ابيض وبجامه سوده وتمددت وغفيت بسرعه من تعب مفكرت بشي
كعدتني نجم ساعه 3ونزلت لكيت امي بلمطبخ
الله يساعدج
ليالي : هلا
غيم : يمه اذا تعبانه عوفي شغل البيدج اني اكمله
ليالي : لا بنتي مو تعبانه سوي شي تاكلينه لا ضلين هيج من صبح لهسه
غيم : لا ماشتهي بس اريد جاي اصحصح راسي بيه نوب اكوم اقره
اجتني امي وكضت اديه
ليالي : لشوكت راح ضلين هيج باعي صار شضعفج حتا خدودج راحن اهتمي بصحتج واكلي خلي ترجعلج القوة مكافي ابني راح نوب انتِ شلعتي گلبي
غيم : بست راسه وايده
ماما لتخافين عليه اني قويه ومابيه شي چني الحايط
خليته ورحت سويت جاي وشربته ورحت طلعت الكتب وكعدت اقره لحد ماسمعت الأذان رحت صلين ونزلت الامي اشوفها
نجم : همزين اجيتي ردت اصعد حتا اصيلحج تجين تاكلين
غيم : اها
ليالي : بنتي مسويتلج برياني اعرف تحبينه وسويته الج
غيم : شكراً كعدت اكل والبيت كله هدوء وتذكرت احمد جان مايحب البرياني وميقبل اذا امي طبخته واني احبه
كعدت اكل ودموعي تنزل
ليالي : شبيجج بنتي
نجم : غيم عليمن تبجين
غيم : ضليت ساكته واكل بحرگه گلب ودموعي تنزل لا ارادياً احاول ابين مابيه شي بس دموعي تنزل بوحدها
ههه لا تخافن بس تذكرت شي وبجيت
خليت وكمت الغرفتي وحطيت المخده الوجهي وكعدت ابجي بصوت كاتم

نجم : ماما هلبنيه مو صاحيه تسودنت يمكن
ليالي : اوفف شلعتت گلبي

غيم
ضليت ساعه اكض كتابي واقره واتذكرت احمد وشمرت الكتاب وضليت افكر بيه وشلون هوا هسه راح للنار ولو منطيني فصليه ومو رايح اخوي احسن بس من اتذكر شلون من بجيت يمه وتوسلت بيه ماينطيني فصليه اموت الف موته
لميت كتبي وخليتهن بجنطه ورحت نمت
_______________________

ميرال
من سمعت بيه انتحر حتا ماينطني اخته فصليه متت ورحت سديت باب الغرفه عليه وطلعت صوره وكمت ابجي بحرگه گلب
ميرال : شلوننن يموتت بسبب اخويي
اوفف ياربي لو ميته اني ولا هوا شيصير لو ماطلبو فصليه منهم شفت شلون اخوي هسه مابيه شي وهوا راح كل ماتذكره تشيق روحي احس روحي راح تطلع واشوف صوره وهوا يضحك وهوا حاضن بهر

ريحانه : راوث تدري اليوم غيم داومت
راوث : ليش مجانت داوم
ريحانه : اي من مات اخوها وهيه تركت دراسه ومن اتصل عليه ماتفتح خط ومن اروح الهم بس تسلم وتضل كاعده بمكانها وصافنه
حياته خرب من موت اخوها كلش أذتني اليوم داومت وهم متحجي شي بس ساكته تدري شتاقيت السوالفه وضحكها
راوث : مو سهل صار وياها فقدت سندها واخوها الوحيد وجانت تكدر تصير فصليه على مايشفى ابنهم وترجع الاهله بس الله كاتبه يصير
ريحانه : صح يلا امشي انام نعست
راوث : تمام باجر كعدي من وكت علمود اخذج وياي
ريحانه : ليش متعب نفسك اروح وي الخط
راوث : لج خبله اريد نروح اني وياج احسن وين تعب
ريحانه : مو طريق شغلك بجه وطريقي بجه
راوث : حتلو عادي باجر اخذج اخذج
ريحانه : تمام
_______________________

غيم : كعدت صبح واحس راسي راح ينفجر كمت وضليت امشي وكاضه الحايط بيدي لا اوكع واريد بس اوصل للميز واخذ علاج مال راس
خراا بيجج غيم هذا كله من البجي بليل اخخ شيوصلني للميز
وصلت واخذت حبايه وشربته وكعدت على كرسي ورفعت راسي وغمضت عيوني
وكاضه راسي بيدي
ودخلت امي
ليالي : يمه اسم الله بنتي شبيج
غيم : مبيه شي ماما بس راسي يوجعني وشربت علاج هسه شويه ويصير زين
انزلي اكلي شي يمكن لأن ماماكله ارتفع ضغطج
غيم : مكدرت اكول لا حتا ماتعصب نزلت وياها واكلت وكعدت نجم واجت تاكل
ليالي : ناس تكول صباح الخير وانتي عابسه وجهج علينه
نجم : مبيه حيل يمه انعس