روايه جديده واول روايه الي اتمنى تعجبكم
وماتنتقدونه
كاتبه Nihad
: بنتي اكعدي تأخرتي الخط راح يجي
غيم: كعدتت اميي بسرعه كمت سبحت وبدلت وماحطيت مكياج لأن تاخرت وطلعت اركض وامي صيح وراي ارجع اخذ لفه بس مالحكت وطلعت للخط وكلعاده
سعد: تأخرتي بنتي وراي بنات اجيبهن
غيم: اسفه عمو اخر مرا
سعد: يوميه تگولين اخر مرا ويوميه متأخره
سكتت لأن كلامه صح كعدت ومشه بينه لخط وجمع كل بنات واخذنه دخلنه للمدرسه وجان اول درس احياء
ريحانه: اكلج غيم شنو اول درس عدنه
غيم: احياء وعدنه امتحان مهم
ريحانه: جذب لج عدنه امتحان رياضيات منين اجه الاحياء
غيم: لج شبيج ماسمعتي وشويه بعد تجي مدرسه دعاء وتشلع گلوبنه حت ماتكدرين تغشين
ريحانه: صخام صخمج غيم شلون بيه راح اشرد الاهلي
غيم: گبل طكيته ضحكه بوجها لججج اجذب عليج عدنه بس رياضيات
ريحانه: ولج شبيج سودنتيني شمالج
غيم: خاب لا تتنعوصين وامشي ندخل صف
دخلنه وچان اول درس احياء ودرسنه وخلص درس الحمدلله طلعنه اني وريحانه
غيم: يلا بسرعه نراجع رياضيات
طلعنه كتبنه وقرينه وفجاء سمعنه درس وركضنه للصف وشفنا استاذ بلصف ماعرفه دگينه لباب نريد ندخل وگال للمديره بسرعه
غيم: استاذ فدوه اخر مرا والله مانتأخر
سيف: اني كلت للمديره بسرعه ليش ماتمسعن الكلام
غيم: حجيت ودمعه بعيني حاضر استاذ
ومشينه اني وريحانه معصبه واني دمعه بطرف عيني لأن عصب عليه كدام البنات صف كلهن
_____________________________
سيف: انتقلت لغير مدرسه واني استاذ رياضيات و اول يوم الي بهل مدرسه وشويه دخلت صف ودخلن بنات اثنين متأخرات عصبت على وحده منهن بس شنو من جمال شايله مع ذلك انقهرت عليها من شفتها دمعه بيعنه بس ماهتميت وكملت ادرس بيهم
وفجاء دخلت ام دمعيه
سيف: رحتن للمديره؟
غيم: اي
سيف: شنو اسمائجن؟
غيم: غيم.
ريحانه: ريحانه
سيف تمام اكعدن
غيم: كعدت واني مطنگره
لحضه بس والله حلو الاستاذ جديد ليش محد گالت راح يجنه استاذ جديد(احجي بگلبي)
سيف: ست غيم انتِ ويانه؟
غيم: شفته مخنزر عليه خفت كتله اي استاذ
سيف: وين وصلنه؟
غيم: هااا مووء
سيف: اكعدي وانتبهى لا اوديج مرا ثانيه للمديره
غيم: وكعدت متفشله من الموقف صرت بيه
اهخ ياربي اليوم مصبحه بوجه منو وصار يومي هيج فد خرا يبوو نسيت مصبحه بوجهه امي امده حظي اكو واحد يحجي هيج على امه اسفه يارب سامحني ماجنت اقصد
دك جرس
غيم: اوف واخيراً
ريحانه: ليش محد گال راح يجينه مدرس جديد
اسراء: شدرانه احنه هم تفاجئنه مثلج
ريحانه: صح شسمه؟
اسراء: استاذ سيف بس شنو من سيف يخبل
رياحنه: اي والله حلو
غيم: فقط اسمع ماحجيت شيء بس صراحه صدك حلو طويل وشواربه حلوات وعضلاته مبينه من قميص
انتبهي لروحج غيم شتحجين سكتي لاحد يسمعج (احجي وي نفسي) وهيج خلصت درس ورا درس وخلصنه ونريد نروح للبيت وطلعت اركض تأخرت وطكيت بشخص وكعت بلكاع
غيم: اهخ شبيك ماشوف جانت شمس على وجه ومامبين فجاء مد ايده يساعدني وطلع استاذ سيف
سيف: مخنزر عليه انتي جيتي تركضين
غيم: اي وانتَ واكف جنك حايط وفجاء كضني من زندي
سيف : شگلتي؟ منو الحايط
غيم : اووي وجعتني عوفني
سيف: منو الحايط
غيم : محد محد اعتذر بس عوفني
سيف : عفت زندها ومشيت عنها
غيم : عابت لك شكد غثيث رحت اركض حت الحگ على الخط وادعي بگلبي على هذاك الغثيث سيف
وصعدت ورحت كعدت يم ريحانه
ريحانه: وين طولتي
غيم : هنا وشلون تعوفيني وترحين يلخاينه
ريحانه: لج عبالي اجيتي گبلي واجيت اركض وراج
غيم: عوفج من لهموضوع جوعانه؟
ريحانه : تعاي اكليني غير راح نرجع على بيوتنه واكلي المطبخ كله
غيم: شايفتني مثلج ام كرش
ريحانه : منو ام كرش لج
غيم: خالتي غير انتِ واضحك
ريحانه : لج غيم اشمرج من شباج واگلهم انتحرت
غيم : ضحكت على سوالف ريحانه وشافتني اضحك وضحكت علواهس
وصلت للبيت ولكيت اختي نجم گبالي
غيم : هلا بلحلو ليمته اجيتي من مدرسه؟
نجم : قبل شوي اخوج صار حنين واجه اخذني مدرس شعجب
غيم : ههههههه لج حميد من زمان حنين
نجم : اي كلُش
غيم: شنو غدانه؟
نجم : برياني
غيم: شهيتني اروح اغير ملابسي وارجع صعدت غسلت وبدلت لبست تراك رصاصي وسويت شعري ذيل الحصان ونزلت
لكيت اخوي احمد جاي رحت حضنته ملاحضه(اخوي يشتغل رائد بجيش)
غيم: شلونك حمودي
احمد: بخير بشري شلونه العلمي وياج؟
غيم: الحمدلله زين
احمد: الحمدلله يلا امشي نتغدا ساعه منتضريج
غيم: ميته جوع
احمد: شكثر تاكلين
غيم: بالله شبيكم اليوم وياي عادي حتلو اكل المطبخ كله
احمد: ها منو مضوج اخيتي؟
غيم: صديقتي ريحانه كل ماكل تكلي شمثر تاكلين ماكله من جدر ابوها
احمد: ههههههه ختولي تغار منج
غيم : شتغار هيه احلى مني
احمد: ماعتقد اكو احلى منج
غيم : فدوه الاخوي وكلامه
نجم: متنا جوع شوكت تنزلون تاكلون؟
احمد : يلا مشينا
ورحنه ناكل ونسولف وي امي ونتونس وخلصنه ولملمت الماعين وسفره
وتعاركنه اني ونجم على منو يغسل ماعين وامي عصبت علينا
ليالي: البنات كله تشتغل لمهاتها واني بناتي يتعاركن على ماعين
غيم : دخل احمد للمطبخ ويشمت بينا لأن امي عصبت علينا وقررت اغسلهن اني وغسلتهن ومسحت مطبخ طلعت لكيت احمد كاعد يقري نجم بصاله طبعاً نجم صف ثاني متوسط عمرها 14 واني صعدت غرفتي اقره وفجاء تذكرت الاستاذ الغثيث بعدين صفنت وتذكرت هيبته ورجولته بعدين كعدت اقره ومن خلصت اجيت انام شوي وتذكرت ابوي الله يرحمه دمعت عيني وتذكرت شلون جان يحبني ويهتم بي وفجاء القدر اخذه مني
_________________
أنت تقرأ
نيران الحب
Misterio / Suspensoفي روايَة اخَرى، غَالبَاً مَحبوبكَ القَديم يَتحدث عنكَ عند مَحبوبَه الجَديد ويُخبره كم كُنت سَيئاً مُقَارنَة به، والجَديد يَبتسم بَبلاهَه مُعتقداً أنه تَفوق عليكَ بهَذا الغَزل الرخَيص. اقتباس من روايتي 👆 "روايه عراقيه"
