الجواهر اللماعه لاستحضار ملوك الجن فى الوقت والساعه

(الاخير)

لما نعوز نشوفك نعمل ايه .
زمرد: روحو واحة سيوه وهتوصلولى.
______________
_داغر_
مسكت حجر مسطح فى الارض وانا قاعد وسط اشجار النخيل ورميته فى البحيره الى قدامى .
لفيت واحة سيوه كلها رحت مناطق اثريه ابار معابد حتى المناطق السكنيه روحتها وبردو ملقتش زمرد .
ريحت ضهرى على نخله واصوات صراصير الليل بتضفى جو من الراحة النفسيه يخفف وطئه الشعور الى مش قادر اوصفه ده ، الهجان ومراته اختفو حتى بنت خالتى وامها ملقتهومش ، وناكح عايز حاجه مستحيله عشان يرجعهم .. يمكن لو ماتو مكنتش هفضل خايف كده وقلبى كل شويه يثبت وجوده وانه مش مجرد عضو لضخ الدم ، الموت بيريح الخطف بيفتح باب الاحتمالات؛ ايه الى ممكن يعمله فيهم لو مجبتش الجواهر .
_يااااااااااااااااااا زمرد .
ارتفع صدى صوتى بيشق هدوء المكان  وتكرر صوتى وخبى تدريجياً "زمرررررررد اد اد اد اد "
صوت خشخشخه من ناحية الشجر وقفت بقرب ناحية مصدر الصوت .
_ زمرد انت هنا ؟
*****
_ناكح_
قعدت فوق الطرابيزه المتكسره وانا باكل ساندوتش شوكلاته بخيار وماسك فى ايدى التانيه عصايه خشب .
واهل ماهر وداغر متربطين فى الكراسى قدامى .
_ خايفين مش كده ...بس الفكره خايفين عشان مخطوفين.. ولا عشان مش عارفين انتو فين ، خوفنا الاكبر كبشر من ان احنا نكون جاهلين بالشئ ، وخوفكو الاكبر منى انا ..لان انتو متعرفوش انا مين .
_وبما انكو بتسمعو ومش قادرين تتكلمو انا هحكى براحتى ....
الحكاية بدأت بطفل لقيط مرمى فى الصحرا وحيد وكأن الى سابه هناك عايزه يموت ويتعذب ، من حسن حظ الولد ده الى كان احتمال حياته ضئيل للغايه ان فى ست لقته واخدته بيتها وسط اهلها ، كانو كلهم مستغربين الولد الى فى ايديها ده وكان مشهد اشبه بدخول مريم العذراء بسيدنا عيسى "فَأَتَتْ بِهِ قَوْمَهَا تَحْمِلُهُ ۖ قَالُوا يَا مَرْيَمُ لَقَدْ جِئْتِ شَيْئًا فَرِيًّا " ، بس فى الحكايه دى كلهم كانو عارفين انه مستحيل يكون ابنها لان الست دى ...من الجن .
******
_ماهر_
من بعيد وسط الصحرا شوفت بركه او بحيره محاطه بالنخل وقلت لساهر :
_مشطو انتو المكان وانا هترمى هناك لحد ما تخلصو .
روحت هناك وانا بلهث م العطش وبزيح الفروع والزرع من قدامى وفجأه ظهر شخص قدامى بيقول :
_زمرد.
لحظه ده داغر !!!
_داغر انت بتعمل ايه هنا.
-ماهر ! انت الى بتعمل ايه هنا .
*****
_ناكح_
ركنت العصايه ووقفت بخلط سائل بمعلقه فى وعاء خشبى :
_من طيبة قلبها اختارت انها تربى البشرى ده رغم رفض اهلها والقبيله كلها لكن محدش يقدر يطردها من القبيله لانها بنت احد كبرائها ، هى وزوجها اتبنو الطفل ده وربوه واول ما كمل سنه وبقت عيونه بتقدر تشوف الصوره بشكل واضح مش بتشويش زى الاول ، مع اول نظره للجنيه الى بتربيه وشعره شاب وبقا ابيض ، روحه مستحملتش روحهم وده التأثير الوحيد وقتها عليه مع نظرات الذعر الى على وشه متخيلين ان اول حاجه يشوفها طفل،.. جن .
ادتلهم ضهرى ووقفت قدام المراية ببص لشعرى الابيض واخدت الصبغه الى كنت بخلطها من الطبق ومسحت بيها على شعرى .
_اعذرونى ....نكمل كلامنا ....
*****
_داغر_
ظهرلى وش ماهر من خلف الشجر !
وقلنا فى نفس الوقت:
_داغر انت بتعمل ايه هنا.
-ماهر ! انت الى بتعمل ايه هنا .
وقلنا بردو فى نفس الوقت :
_ناكح خطف اهلى وانا هنا عشان زمرد .
واكتشفت ان انا وماهر فى نفس الورطه وهدفنا واحد.
ظهر جنى قصير وقال لماهر :
_لا اثر له سيد ماهر .
-ازاى مفيش اثر هو بنفسه قايل ...
وسكت ماهر فجأه بيفكر :
_ساهر فى ناس او بشر عموماً فى الصحرا هنا بعيد عن المساكن .
-نعم هناك اربعون شخصاً ولكنهم قطاع طرق.
ضحك ماهر بنصر وكأنه اكتشف حاجه ،فقلت :
_ايه الى بيضحك يا ماهر ؟
_هههههه كل ما فى الامر انى عرفت مكان زمرد .
_ساهر دلنى على مكان قطاع الطرق دول بسرعه .
****
_ناكح_
وطيت على جردل الميه بغسل شعرى من الصبغه وقمت قدام المرايه اسرحه :
_هوووه رجع اسود زى ما هو .
ورجعت للاشخاص المخطوفين وفكيت الى على بوقهم وشاورت على البنت الشابة :
_اظن ان انتى بنت خالة داغر ..سحر مش كده .
وشاورت ع الى جمبها :
_وانتى امها ....واظن ان انت الهجان والى جمبك دى مراتك والد ووالدة داغر بالتبنى طبعاً....اما انتو والد ووالدة ماهر .
سقفت بايدى وهما ساكتين :
_ "مشعل" دخل الاكل .
دخل الاكل فى الاطباق طاير قدامهم وهما مش شايفين الى شايلينه بعينى ونزل الاكل على حجر كل واحد منهم.
وقال ابو ماهر الشخص الاربعينى ابو شعر ابيض ع الجناب وشعر داكن من فوق :
_هناكل ازاى وايدينا مربوطه .
قلت وانا بتصنع كرم الضيافه :
_ودى تفوتنى يا حاج .
سقفت بايدى تانى وبدأت المعالق تطلع لحد بوقهم وبمجرد ما حد يفتح بوقه تأكله .
ما عدا سحر بنت خالة داغر بالتبنى وطيت على ركبتى وحطيت الشوكه فى الطبق :
_كلى ؟
مدت راسها بحذر واكلت.
فى اكل جه على طرف بوقها شلته بصباعى وحطيت صباعى فى بوقى وانا ببصلها بأبتسامه .
اتهز الهجان فى كرسيه ووقع الاكل غضباً بسبب الحركه الى عملتها .
_فكنى لو راجل فوكنى وانا هوريك هعمل فيك ايه .
ضحكت :
_خليك هادى بشكلك الى طالع من مسلسل لن اعيش فى جلباب ابى ده .
مديت الاكل تانى على سحر وقالت وهى بتبعد :
_ايه الى حصل للطفل ده بعدين ؟
_هه هحكيلكو .
*****
_داغر_
مشيت ورا ماهر وخدامه ووقفنا .
-عند اشارتى يا داغر.
_فى ايه ، ايه الى وقفكو .
مجاليش الجواب من ماهر جانى الجواب على هيئه سكين ضخم على رقبتى .
_اثبت مكانك وطلعو كل الى معاكو بصيت لقيتهم كتير حوالينا انا وماهر .
ابتسملى ماهر فبادلته الابتسام .
رفعت الى ورايا على كتفى ورفعته لفوق وهبدته على الارض ومسكت السكينه الى معاه .
وخرج قليل من خدام ماهر اتشكلو على هيئه بشر وبدأت الحرب بينا وبينهم .
_الظاهر ان انتو متعرفوش بتتعاملو مع مين .
ولقيت ماهر ساند ضهره على ضهرى وانا كمان وكل واحد مننا ماسك سيفين او سكينتين لانهم متوسطين الحجم لا هم ده ولا ده .
متحاوطين بأشخاص ملثمين بالملايات.
_يلا يا داغر .
هجمت على الى اتقدمو ناحيتى نطيت ضربت واحد فى بطنه برجلى وطعنته فى صدره ونطيت من عليه على الى جمبه وتشقلبت وقسمت راسه نصين .
وقفت بنهج من القتال وماهر وخدامه المتشكلين قاعدين على الارض  :
_خلصت يا داغر .
-انا لوحدى انما انت معاك الى يساعدك ....احنا قتلناهم ليه اصلاً .
قام ماهر من ع الارض :
_لو الى فى دماغى صح يبقا احنا وصلنا لزمرد .
وقف وبص للشرق وقال :
_افتح يا سمسم .
صوت صفير صرصار الليل ومحصلش حاجه .
قال ماهر بخيبة امل :
_الظاهر انى طلعت غلطان والارواح دى ازهقت هباءاً ..يلا بينا ندور فى مكان تانى..
مشى خطوتين والارض اتهزت وارتفع التراب على هيئه جبل كأن الارض فرشه ودى حته كرمشت منها .
فضل ماهر يضحك بأنتشاء وفرحة وعنيه بتدمع وحسيت كأنه اتجنن :
_انت مش فاهم يا داغر الاسطورة الى تناقلتها الاجيال حقيقه اربعين حرامى ورثو لابنائهم حراسة مغارة على بابا ....(وخبط ع الارض بانتصار) ....انا صح انا صح الاربعين حرامى اربعين حارس بيحرسو وادى عبقر ناكح خبى الجواهر بنفس الطريقه واكيد دى كانت فكرة زبرجد .
******
_ناكح_
_الجنية دى سمت الطفل رجيم ..وتربى الطفل ده فى كنف قبيله من الجن المسلم بس الى كان يعيبه انه روحه ضعيفه الانسان عموماً رؤية الجن بتأثر عليه خصوصاً لو نجمه خفيف لكنه كان بيتعامل عادى رغم ان كان شكله كبير ، قبيله الجن المسلم دى بقا كان فى مشاكل بينها وبين قبليه جن من الyهوd .
نطقت والدة ماهر :
_ياربى لا سايبين انس ولا جن ؟ يكونوش البعده احتلو حته عندكو .
_غصب عنى نزلت دمعه من عينى كان عدد المحاربين فى القبيلع اكتر بس يوم المعركه طلعلهم اعوان من العدم وهزموهم فى الحرب وقتلو كل الناس الى فى القبيله وفى اخر لحظه رجيم هرب بفضل امه فى الصحرا ، قتلو وشردو واغتصبو ، وكانو السبب فى موت رجيم وولادة ناكح .
قالت سحر بنت خالة داغر :
_مش قولت رجيم هرب ؟
_سيبينى احكيلك وهتفهمى ....
هرب رجيم بدون هدف وكان فى حرب فكريه وعقائديه فى دماغه ازاى ربنا يخليهم ينهزمو ، لو هو موجود ليه يسيب المسلمين يموتو ودول يعيشو ويومها رجيم الحد باى ديانه وهام على وجهة فى كل مكان و انعزل لسنين فى اكتر من مكان فاضى لوحده وكل منهم فى علامه ليه واعتبرهم بيته كل مكان فيه كتب ، لانه قرا فى روايه لنجيب محفوظ زمان العباره دى "ماذا يحتاج الفتى فى هذا الوطن ؟ المسدس ليتكفل بالماضى . والكتاب ليتكفل بالمستقبل ! "
قرا كل الكتب المتعلقه عن اى قائد او ديكتاتور الناس الى اعتبروهم اشرار وهما عباقره ، وزى ما الست بتعرف اكتر من طريقه لعمل اكله معينه وفى الاخر بتعمل خلاصه  للاكل دى طريقتها الخاصه من الطرق دى ، وده الى عمله رجيم قرأ جميع الكتب السماويه والديانات وكل الكتب الى فيها فكر وبقى له وعيه الخاص ...من ساعة الى حصل لقبيلته وموتهم مر عشر سنين وهو من غير ونيس لوحده هو والكتب ، بس روحه بقت قويه .
قالت خالة داغر :
_يعنى نجمه بقا جامد مش زى بنتى كده نجمها خفيف .
قالت سحر بنتها :
_يعنى ايه.
_الساحر لما يكون هيقابل جن مثلاً بيدخل فى خلوه قبلها ممكن تكون ايام اسابيع شهور بيحفظ فيها نفسه من الشهوات ومش بياكل ويشرب كتير الا شق تمره فى اليوم وده بيقوى روحه عشان يقدر يستحمل رؤية الجن ، وده الى حصل لرجيم انعزل عشر سنين كان زاهد فيهم تماماً وبعدهم رجع تانى عشان يحقق انتقامه اتباعا لمقولة نجيب محفوظ "ماذا يحتاج الفتى فى هذا الوطن ؟ المسدس ليتكفل بالماضى . والكتاب ليتكفل بالمستقبل !"
فى وسط احتفال للقبيله الى قتلت اهله استغل انشغالهم وحرقهم كلهم ومتبقاش منهم غير طفل حكى الحكايه من وجهة نظره والى خلا الجن لما عرفو الحكايه يطلقو عليه لقب "ناكح" ..
وناكح اسم جاى من النكاح المضاجعة ، اخذ الشرف والعفه ، الدم .
كان لازم يتم استغلال الاسم ده بأنه يدعو جميع الطوائف لديانة المسواه وفض الحاجز بين عالم الانس والجان وجعل القوه المتساويه وبقا ليه اتباع كتير لامنطقه كان فيه شئ م المنطق لبعض الناس،بس رغم ده عمره ما استخدم السحر يمكن لسه فى جزء مؤمن جواه او مش ناسى تحذير امه ليه من الجن ،وعشان يحقق المساواه سرق ٧ جواهر وفى الاخر ماهر وداغر جه سرقوها منه .
_ولادكو لو مرجعوليش الجواهر هخليهم يفقدو كل غالى على قلبهم ومظنش عندهم اغلى منكو .
*****
_ماهر_
انفتحت البوابه وخرج صوت جهورى يصدح فى الصحراء :
_من انتم وماذا تريدون ؟
قلت :
_انا ماهر وده ابنى داغر ...سلم على عمو ياض ..
-مش وقت هزار انت اتجننت م الفرحه ولا ايه .
_احنا هنا عشان نقابل زمرد حارس جواهر ملوك الايام السبعه ؟
ونزلت البوابه وبقت جزء من الارض تانى مع سقوطها واختفت .
قال داغر:
_دلوقتى هنعمل ايه .
_اصبر .
انفتحت البوابه تانى وخرج زمرد متفاجئ بينا :
_انا مكنتش متوقع ان انتو هتيجو.....لحظه ايه الى عملتوه فى حراس البوابه ده .
قال داغر :
_مش مهم دلوقتى ..المهم ان ناكح خطف اهالينا ومش هيرجعو الا لو رجعناله الجواهر .
صمت زمرد ومتكلمش .
فقلت:
_ايه سكت ليه ؟
-اقول ايه يا ماهر مقدرش الموضوع مش فى ايدى .
زعقت ومسكت فيه :
_يعنى ايه مش فى ايدك الجواهر دى لولايا انا وداغر مكنتش رجعتلك .
قال زمرد وهو مسحول :
_يا ماهر الجواهر مش هينفع تاخدها الا بموافقة مجلس الوادى .
_خدنا ليهم !!!
*****
_ناكح_
_طرازان اتربى وسط القرود فبقى عنده لياقة القرود؛ ماوكلى ربته الذئاب وبقى عنده القدره يصطاد زيهم عشان ياكل وبقا نصف ذئب ، طب والى زيي الى عاش وسط الجن تفتكرو حصله ايه .
عيونهم مترقبه للى ممكن يحصل منى وخايفين .
_ممكن يحصل كده !
سحر : هو راح فين ؟
امها : بسم الله الرحمن الرحيم ده اختفى .
والباقين فضلو صامتين .
_الاختفاء عن الناس قدره من قدرات الجن وواحده من قدراتى .
ظهرت قدامهم وانا ماسك العصايه الى كانت مسنوده على الطرابيزه .
_انا شعرى رجع ابيض تانى !!!! Shit .
*****
_داغر_
دخلنا المجلس كان عباره عن طاوله كبيره من الدهب المرصع بالالماس واليها كراسى مصنوعه من الماس .
انا وماهر عند اول الطرابيزه وواقف ورانا زمرد وعشره من الجن كبار وادى عبقر قدامنا .
قال الاول : We will not sacrifice jewelery for some people
"لن نضحى بالجواهر من اجل بعض البشر"
تدخل زمرد : ولكنهم ساعدونا فى استعادتها .
قال الثانى : Mi cuerpo tiene que darles esas gemas
"على جثتى ان اعطيهم تلك الجواهر"
قال الثالث :Su misión con nosotros está terminada, gástalos afuera.
"مهمتهم معنا انتهت اصرفوهم خارجاً "
قال الرابع:Zuallererst sollten sie getötet werden, nachdem sie unseren Platz kennen.
"قبل كل شئ يجب ان يقتلو بعدما عرفو مكاننا"
قال الخامس : اتفق معه .
وقال السادس : لن نضحى من اجلهم .
قال السابع :Bêre hul velle vir wat hulle aan die hekwagters gedoen het.
"اسلخو جلودهم على ما فعلو بحراس البوابه"
قال الثامن :Amali e impedisci loro di mangiare e bere.
"احبسوهم وامنعو عنهم الاكل والشرب"
تدخل زمرد : لولاهم لكنا تحت رحمه ناكح.
قال التاسع : هذا ليس من شئننا .
وقال العاشر كبيرهم : يكفى هذه الضجه خذهم خارجاً .
كلامهم كان باكتر من لغه وممفهمناش غير طرطشه كلام وكلمة اخر واحد منهم كانت الحاسمه .
غضبت وخبطت على الطرابيزه :
_يعنى ايه يا ولاد ال .....
قاطعنى ماهر:
-بس يا داغر الناس كلامهم كان واضح.. (غمزلى ) ..ممكن توصلنا بره يا زمرد .
هاودت ماهر وخرجت معاهم وزمرد بيكلمنا بيقول :
_انا اسف جداً يا جماعه بس لازم تفهمو موقفى .
قال ماهر :
_عند اشارتى .
وخرجنا بره مع زمرد وماهر مسكه وحط خنجر سليمان على رقبته وحوالينا عدد مهول من الجن .
قال ماهر :
_فين الجواهر ....(متكلمش)
جرحه فى رقبته .
-حاضر حاضر .
_يلا يا داغر دلوقتى .
خرجت ال ٣ تماثيل من جيبى ورميتهم فوق وثبتو فوق البنايات الى شكلها غريب من ابراج وبيوت هابطه ودائريه ومتوازيه الاضلاع .
قلت :
_بهريوف كالى ابوفيس .
رددت اسمائهم واحجامهم كبرت وبسيوفهم حاربو ضدد حراس وادى عبقر.
ورجع ماهر بشوالين ! وقالى :
_يلا نهرب بسرعه .
قلت للعفاريت الثلاثه :
_احمو ضهرى .
وجريت مع ماهر ونطينا بره البوابه .
*****
_ناكح_
دخل احد اتباعى وقال :
_سيد ناكح الموكل بمراقبتهم اعلمنا انهم تحصلو على الجواهر .
بصيت وانا فاشخ بوقى بأبتسامه مبالغ فيها :
_اظن ضيافتكو انتهت عندنا .
*****
_ماهر_
فضلنا نجرى فى الصحرا لحد ما نهجت ونزلت على ركبى باخد نفسى قلت وانا بضحك :
_زمان كنت بهرب منك زى كده ..هه..دلوقتى انت بتهرب معايا .
داغر وهو بيلتقط انفاسه :
_فهمنى ليه معاك شوالين .
-زمرد حاول يخدعنى ويدينى جواهر مزيفه كشفته وجبت الجواهر الاصليه والمزيفه .
التقطنا انفاسنا وجانا صوت بعيد من الظلام بيقول :
_برافو .
وخرج صوت تسقيف وكان شخص واقف ووراه ٦ اشخاص  .
قرب للنور وظهر وشه .. ناكح .
ماسك عصايه فى ايده اليمين مد ايده الشمال وقال :
_سلمنى الجواهر يا ماهر تستلم اهلك واهل داغر .
-هما فين ؟
_تقدمو وخليهم يجثو على ركبهم .
ظهرو فى النور الجن ماسكينهم وايديهم متربطه وبوقهم ونزلوهم على ركبهم .
ابويا وامى ..ام وابو داغر وخالته وبنت خالته بالتبنى .
قال داغر :
_انت هتدفع تمن الربطه دى يا ناكح الاهل ملهومش دخل انت مش راجل وبتضرب تحت الحزام .
-هه برغم ذلك خليتكو تجيبو الجواهر وتخاطرو بحياتكو ..هات الجواهر سلم استلم .
مسكت شوال وادتهوله مسكه فى ايده :
_كده سلمت ...كده استلم .
قال كلمته الاخير وزقنى رفع العصايه وضرب بيها على الارض فحصل زلزال والارض اتهزت بينا وانشقت الى نصفين وتباعدنا كل منا فى جانب كدت انط فسحبنى داغر .
وشاور على الشق :
_دى حمم بركانيه يا ماهر .
قلت بغل :
_ايه العصايه الى معاه دى .
******
(فلاش باك لقاء ناكح وابليس)
ناكح : ممممممممم متفقين يا بعلزبول .
ابليس:الاتفاق بالدم الدبوس قدامك...
ناكح:ههههههه الجواهر مقابل رجوعى بس !! انا عايز حاجه كمان .
ابليس:قول اسم الحاجه وهتكون ليك .
حط ناكح ايده على الطرابيزه وقال :
_عصا موسى .
******
بص ناكح جوا الشوال وقال بأبتسامه سمجه :
_كده انتو التزمتو بالاتفاق ...وانا نفسى ..نفسى التزم بالاتفاق ، بس خيانتك ليا يا ماهر مش سمحالى التزم بجانبى م الاتفاق .
سحب الجن اهلى واهل داغر وقعدوهم قدام الهاويه على الحافه .
_ناكح ارجوك لأ بلاش بلاش تعمل فيهم حاجه .
وقف ناكح وراهم ماسك عصايته وهو بيقول بتصنع :
_الحيره بقا ابدأ بمين الاول .
فضل يتمشى بيمر من الشمال لليمين جمب ..ابويا ..امى ..ابو داغر ..امه ..خالته ..بنت خالته .
ورجع م اليمين للشمال تانى .
قال بملل :
_انا مليش فى التشويق ده .
ودفع ابويا برجله وكل حاجه توقفت وانا شايف نظره الدهشه والهلع فى عيون ابويا وهو بياخد الضربه فى ضهره والجاذبيه بتدفعه نحو السقوط .
_لأااعععع ..انا هموتك يا ناكح هموتك .
سمعت ابويا بيصرخ وهو بيغرق فى الحمم وكأن صرخته جايه من اعماق الجحيم .
فضلت اعيط وحضنت داغر بتشبث فيه بضوافرى ومش سامع ولا كلمه من الى بيقولها .
وبدأت الدنيا تمطر والرعد والبرق بيضربو فى السماء .
*****
_داغر_
بص ناكح للسما بيضحك :
_دايما فى اللحظات المأساويه الى زى دى السما بتمطر .
مشى بيتعكز على العصايه :
_اختار مين ....امممم ده راجل كبير يبقا نقتل بنت وصغيره .
-ابعد يا ماهر ...لا لا لا ابوس ايدك سحر لأ.
_امممم اتأخرت .
ونغزها بالعصايه فى ضهرها ومقدرتش تتوازن والرعب فى عينيها وهى بتشوف الحمم وسقطت جسدها يحترق فى النار .
_كنت بتحبها صح ...هاها العاشق تفضحه عيناه يا داغر .
صرخت وانا رافع راسى للسما وجسمى متخشب .
والبرق والرعد بيضرب فى السما وزق ناكح خالتى .
_ملكيش ذنب تعيشى بعد موت بنتك تشاووو.
ووقعت فى الحمم تتحرق بنار الدنيا الدانيه ومتفضلش منها شئ يتدفن.
******
_ماهر_
رجع ناكح وقف ورا امى وفك الرباط الى على بوقها وفضلت ساكته وخايفه وبتبكى على ابويا :
_ناكح كفايه بقيت يتيم الاب بلاش امى بلاش امى بلاش امى ارجوك .
-ده الحجه غاليه علينا ي مهور.
نزل على ركبه وخنقها من رقبتها وهو باصص لعينى وملامحها بتتغير ووشها بيزرق مش قادره تاخد نفسها وانا مش قادر اعمل حاجه ،واخيراً سابها تاخد نفسها وراح زاققها .
صرخت صرخه خلتنى اسجد ع الارض بتنفس بصعوبه كأنى اتعرضت لسكته قلبيه الصدمه على معالم وشى وكسرتنى من جوه .
وقمت بصعوبه وبأليه وبطئ قمت مسكت الشوال ووقفت على الحافه وقلت :
_الى معاك دى جواهر مزيفه الاصليه معايا .
راح جرى ع الشوال معاه خرج منه جوهره واتكسرت فى ايده .
-ماهر لأ  مترميش الجواهر الى معاك سيبهم ارجوك .
سبت الشوال من ايدى يوقع فى الحمم وناكح بيصرخ وفى صاعقه من السماء ضربت داغر والحمم بيطلع منها انفجارات والوان قوس قزح .
_ساهر ...
-سيدى.
_قول لكل خدامى انى بوهبهم جسمى يلبسوه ويجرو فى عروقى مجرى الدم .
-ولكن ؟
_نفذ .
وخرج الجن الى فى الخاتم كلهم حواليا اول واحد منهم دخل من سرتى خلانى احس كأنى اتعرضت للطعن وفتحت بوقى وكلهم اتلمو كسحابه سوده ودخلو من بوقى وسقطت صريع على الارض
*****
_داغر_
نزل عليا صاعقه من السماء وانا بصرخ امتصيت كهربتها كلها وجسمى بدأ يشع ازرق وطرت فى الهوا والشرارات بتخرج من جسمى.
ماهر مرمى على الارض وجسمه بقا اسود وفجأه قام بيطير فى الهوا وعيونه سوده وقال بصوت خشن :
_يمكن يقدر يحتلو جسمى لكنى انا المتحكم فى جسمى بعقلى .
انا طاير وجمبى ماهر .
ناكح واقع على ركبه مصدوم وبيهمس:
_حلمى ضاع ....الحلم الحريه القوه ...كل شئ ضاع ...
قالها وشعره تطاير ولقيته بيطفو زينا فى الجو ، رفعت ايدى وسعقته ، وماهر جرى عليه بيسحبو لتحت للحمم وبيضربو بعض وهما طافيين.
جريت على الهجان ومراته وخالتى حضنتهم وانتقلت رجعتهم البيت ورجعت تانى وانا بعيط على سحر .
رجعت لقيت ماهر ماسك ناكح رافعه من هدومه وهو بيطفو وبيضربو بالوكاميات .
الغضب عمانى ورفعت ايدى وانا بزعق وضربت ناكح بالصاعقه واتكهرب هو وماهر ووقعو على الارض .
وانا فضلت انهج بسبب القوه الى ضربتهم بيها واستنفدت طاقتى واغمى عليا ..
****
_ماهر_
مش قادر احرك جسمى لكنى فتحت عينى بالعافيه وشوفت حواليا العارف ونذير وزوغدانه .
وافتكرت الى حصل وموت ابويا وامى وفضلت اعيط وانا مغمض عنيا .
_ماهر قوم يا ماهر .
*****
_ناكح_
قومت لقيتنى قاعد مع بنت لابسه هدوم عصريه وقلت :
_انا فين .
لفت البنت وركزت فى ملامحها وفى السكين الى فى ايديها ....لاقيس!!!
_انت هنا عشان تدفع الشرط الجزائى يا ناكح ...روحك .
*****
_داغر_
زحفت وانا جسمى متهالك بسبب طاقتى الى استنفدت ومسكت العصايه.
وانتقلت .......
#تمت #النهايه #انتهت