الجواهر اللماعه لاستحضار ملوك الجن فى الوقت والساعه

الجزء الاول

_العارف_

وقفت قدام المرايه بشيل الشاش وبشوف الجرح فى صدرى على الشمال مكان القلب او الى المفروض يبقا مكانه وكان من حظى الى مكنتش اعرفه انى مولود قلبى فى اليمين مش فى الشمال .

انا دايما عارف كل حاجه دى موهبتى عندى حاسه عاشره مش عند بقيه الخلق او كانت عند البشر زمان وتناسوها مع الوقت .

وفجأه سمعت صوت الزباله وقعت بره وفى قطط وكلاب بتهوهو فى نفس الوقت ، والباب بيخبط بصوت عالى ، روحت فتحت الباب وانا عريان من فوق ، وحاسس بحد افكاره مشوشه ومتورتر مش قادر القطها "اتسرقو اتسرقو" "انا الى هتعاقب " "السبع جواهر" .

فتحت الباب ملقتش حد ولا حسيت بوجوده فقفلت الباب ودخلت ، لقيت على الكرسى فى الصاله جسد غريب لا هو انس ولا جن ، عينه ديقه وجفونه بتقف بالجمب مش لفوق دماغه حجمها كبير وبيغطيها شعر كتير والجسم حسن قريب لاجسام البشر .

وقفت بعجب وقلت :

_انا ازاى مش عارف انت مين ولا جيت منين ولا دخلت ازاى انا ابقا العارف .

قام من مكانه وهو مجهد وفى شرارات كهربا بتخرج من جسمه :

- انا من مكان محجوب انت متعرفش عنه حاجه ولا اى عراف موجودين فى حيذ قدرته او يقدر يرصدنى .

_انت مين وايه الى عاجبك .

- انا جن من وادى عبقر ، المكان الى بيجمع صفوه الجن واذكاهم من علماء واطباء ومهندسين يفقوكم تطور .

_وعايز ايه من العارف .

بدأت الثقه الى فى صوته تتراجع وقال:

-انا جاى طالب مساعدتك .

_اتكلم سامعك ؟

-انا ابقى حارس الكهف الى فيه الجواهر الى بتحفظ التوازن فى عالم الجن سبع جواهر اولهم الجوهره الذهبيه (جوهره خادم يوم الاحد عبدالله المذهب) وثانيهم الجوهره الزرقاء (جوهره الملك مره خادم يوم الاثنين) والجوهره الحمراء (جوهر الملك ابا محرز الاحمر خادم يوم الثلاثاء)

الجوهره الرماديه (جوهره الملك برقان ابا العجائب خادم يوم الاربعاء) والجوهره البيضاء ( كان ملكها شمهورش قبل ان يقتل ومكانه ملك يدعى شمهورش كذلك خادم يوم الخميس ) والجوهره الخضراء (جوهره الملك الابيض خادم يوم الجمعه) والجوهره السوداء (جوهره الملك ميمون ابانوخ خادم يوم السبت ) وانا الموكل بحمايتهم الى مماتى ومن يومين اجسام مضيئه تخطت الحواجز والطلاسم والتعاويز بتاعت حراسه الكهف وسرقت الجواهر وتركتنى مغمى عليا ،انا متهم بسرقتهم دلوقتى محدش مصدق انى فى شئ يقدر يدخل الكهف غيرى وجتلك لانك اكتر حد عنده قدره المعرفه وممكن يساعدنى فى ورطتى دى .

حطيت ايدى على دقنى بتفكير وابتسمت:

_مفيش حد غير ماهر وداغر الى ممكن ينقذوك من الورطه دى .