နောင်တရမယ့်အရာတွေရှိလာခဲ့မယ်ဆိုရင်မောင်ငါ့တန်ဖိုးကိုသိလာပါလိမ့်မယ် [One Short]

Unicode

အရုပ်ကြိုးပျက်လဲကျသွားသောကျွန်တော်ရဲ့ခန္ဓာကိုယ်။ကျွန်တော်အသိရှိနေခဲ့ပါသေးသည်။မောင်ပြန်လာမလားဟူ၍ မျှော်လင့်ချက်သေးသေးလေးဖြင့်ဆက်၍သာ ထိုနေရာတွင် လဲလျှက်စောင့်နေမိသည်။ကျွန်တော်လောကကြီးနှင့်အဆက်အသွယ်ပျက်သွားသည်အထိ မောင်ဟာရောက်မလာခဲ့ပါ။

~°~°~°~°~°

" မောင် "

ကျွန်တော့်ရဲ့မျက်လုံးအစုံကိုအားယူကာဖွင့်သည်။လူကနည်းနည်းမျှပင်အားမရှိတော့ တစ်ကိုယ်လုံး ကိုင်ပေါက်ခံထားရသကဲ့သို့ နာကျင်နေသည်။ဘေးနားကအသံတစ်ချို့ကိုတော့ ကျွန်တော်ကြားနေမိသည်။

" သောယံ "

" မောင်.. မောင်လားဟင် "

" သောယံသတိထားပါဦး ငါလေ ဒါဒါ "

" မောင်... မောင် ငါ့ကိုမထားခဲ့ပါနဲ့ "

" သောယံ ... သတိထားပါဦး သူငယ်ချင်း "

' တီ တီ တီ '

ရုတ်တရပ်ကျဆင်းသွားတဲ့နှလုံးခုန်နှုန်း

" ဘေးဖယ်ပေးကြပါ။အပြင်ထွက်ပေးကြပါ "

" ဒေါက်တာ ကျွန်မသူငယ်ချင်းကို ကယ်ပေးပါနော် "

" အခုအပြင်ထွက်ပေးပါ။ ကျွန်တော်တို့အစွမ်းကုန် ကြိုးစားပေးပါ့မယ် "

ဒါဒါ မျက်ရည်တွေဝဲလာသည်။ငယ်ငယ်ကတည်းကပေါင်းလာသည့်သူငယ်ချင်းမို့ပိုလို့ပင်စိုးရိမ်နေမိသည်။

အခုလိုအခြေအနေမျိုးမှာပင်ပေါ်မလာသည့် သောယံ၏ မောင်ဆိုသောသူကိုသိပ်ကိုအသည်းပေါက်မိသည်။အခန်းရှေ့ဝယ် ခေါက်ပြန်လျှောက်ရင်း ရသမျှဘုရားကိုရွတ်ဆို နေမိတော့သည်။

" လူနာပုံမှန်ပြန်ဖြစ်သွားပါပြီ "

" ရှင်... ကျေးဇူးတင်လိုက်တာဒေါက်တာရယ် ဒါဆို ကျွန်မ... ဝင်ကြည့်လို့ရပြီလားမသိဘူး "

" လူနာရှင်နဲ့ကျွန်တော်စကားပြောချင်ပါတယ်။ရုံးခန်းထဲလိုက်ခဲ့ပေးလို့ရမလား "

" ဟုတ်ကဲ့ပါဒေါက်တာ "

ဒါနရီထက် ဒေါက်တာ့နောက်သို့လိုက်သွားလိုက်သည်။ပြောမည့်စကားများကသီတင်းကောင်းသာဖြစ်ပါစေဟုသူဆုတောင်းရင်းပေါ့