بارت 12
قسوه حرب
&&&&&&&
ساره.. ثاني يوم بهوسه الصالون وضحك البنات
وفرحتهن،
جنت كاعده ع كرسي واباوع لنفسي.
اباوع للي حولي محد بيهم من اهلي
للحضه حسيت نفسي مكطوعه من شجره
دمعت عيوني ومسحتهن ماريد احد يشوفني هيج. ابجي ماحب احد يعرف شنو بداخلي
راحن كلهن يبدلن واني كاعده بالبدله ضليت وحدي
ماسيطرت ع نفسي بجيت
ردت احد يمي بهل يوم
ناس ماعرفهم واكفين وياي وصايرين اهلي وناسي وعزوتي
عزت عليه نفسي بهل يوم..
حاولن يسكتني ماكدرت كتمت هواي واني بيتهم
هسه ماكدر اكتم شي
بس حبيبتي خرب المكياج، متسوه اهدئي
رويده.. اذا ضليتي تبجين بعد ماحجي وياج وهسه اتصل بادم يرجعني للبيت
ساره.. سكتت وحسي فرغت البداخلي كله وارتاحيت
اجه حرب اخذنه ورجعنه للبيت حلف له ياخذني من بيتهم..
كعدت بصاله مرتاحه ابتسمت مثلي مثل اي عروس
ام حرب تعودت عليه وتحبني من شافتني ضلت تبجي مثل مابجت ع بناتها من زوجن
اجت الزفه ودخل علي وياه زلم كبار اخذني وطلعنه.. سياره محد بيها بس اني وياه
علي اريد ارفع الكبوس مو مضلله السياره
علي.. اي حبيبتي ارفعيهامحد يشوف
رفعتها واخذت نفس والتفت عليه
باوعلي وابتسم
اللهم صلي على محمد وآل محمد
اختيار موفق
ضليت صافنه عليه لثواني
شبيج صافنه
جاي استوعب منو انت وشجاي يصير منين طلعتلي احس روحي بدوامه
اني علي زوجج لاخر عمرج
ولي جاي يصير عرسنا وهذوله الناس لي اخذتج منهم
يردونج تزوريهم كل فتره وماتكطعين بيهم
لان حسبوج اكثر من بنتهم وفرحانين اكثر مني
وحرب كلي شوكتمتردين تجين لاهلج تعاي النه احنه بمثابتهم
حتى من زعلين مني يريدج تجيهم متخيله اكدر ازعلج واخليج تروحين الهم وتعوفيني
ساره.. ضحكت ع وصيتهم الي واحس فراشات بكلبي
تمنيت احضنهم واحد واحد
بس ما عد حرب طبعا نسرين تعلك مشنقتي
نسرين.. ماشفته ابد من طلعنه بزفه شفته من بعيد وماشافني
شلون كاشخ ومرتب شكله يلفت ولي يمه كلهن نسوان عود اسم الله خطيبته ناسيني ومكابلهن
حتى ماكال تعاي وياي اني اخذج
مديت البوز وضجت ونقهرت ليش هيج يسوي
بيت علي ذبيت العبايه وكعدت يم امي بنص العالم وخليت ؤجل ع رجل وعدلت شعري
البنات كله تركص واني كاعده ضايجه باوعت هيج هسه اني شعليه من القهر من وره حرب
ركصت ركص اخو الصدك طلعت ضيم البكلبي باركص
بعدين زفوهم وجاي اليس بصايه حتى نرجع
سئلتني مره جبيره بالعمر شويه
اذا مزوجه كتلها مخطوبه..
كالت حرامت ادور لابني ع مره
صفنت عليها كتلها اي بس مو رسميه بس حجي واحتمال اهلي ميقبلون
مرخصتج..
عفتها ورحت سويتلي عمله بروحي شكبرها
ؤاح المره لامي وحجت وياها مانطت مجال لامي تفهما مخطوبه تره
اخر شي ام حرب سمعتها وكلتلها مخطوبه لابني
يلا اهم شي السالفه توصل يم حرب يرتاح كلبي
طلعنه وشافنهوتوه يذكر يوصلنه درت وجهي عنه ومشيت بصف امي يريد يحجي وياي ماخليته
صعدنه بسياره واني عيني ع جامه طول الطريق يباوع ولاجني اشوفه
نسرين.. وصات للبيت واستاذن من امي يريد يشوفني دخلت جوه وهو ضل يحجي بتليفون اعتقد امه
سد التليفون واجه اي ست نسرين يكولون اليوم مبدعه بالعرس
اني!! شوكت ليش عرس اخوي ابن عمي هوه
ابد والله لابسه كصيف شنو الموضوع
يحجي قمه الهدوء وهذا الهدوء رعبني..
لاعادي فستان ليش منو كلك انت
حرب.. امي دكت عليه كلتلي شطالعه اليوم نسرين
ياشر بيده ويحجي واني قطره دم ماضلت بيه
تخبل طالعه نسرين هيج لابسه وهيج لابسه حتى خطبوها وكتلهم مرت ابني
شنو هذا نسرين؟؟
عله صوته باخر كلمتين
باوعتله عيونه حمر من العصبيه ماكدر احجيمن الخوف
لزمني من شعري وجرني
تره بسس نسوان
ولج انتي براسج عقل
بس نسوان تتعرين ماضاله وحده ماساله عليج وخاطبتج اني شنو خراع خضره هنا
وخر عني هد شعري حرب انت ذاكرني حتى ماتصلت عليه واخذتني وياك تارس سيارتك بكرايبك
توك عرفت نسرين سحبت شعري منه
جابني براشدي وكعت خليت ايدي ع خدي احس خدي نصفط بوجهي صار حار
نزل لمستواي وكل
لاتراددين سمعتي لولا ما تحاسبيني انتي اصعدمن واخليمن
وهذا لبسج اذا شوفه عليج مره ثانيه اشكه افتهمتي لولا
قهرني كلش ماكدرت اسكت...
معليك ماعاجبك افصخ والبس اليعجبني
باوعلي بنضره غضب وجرني من شعري
تهدديني نسرين
شتريد تعتبرها اعتبرها وخر عني
عافني وطلع متت من القهر شكو شمسويه هو فستان
رحت لغرفتي كعدت ابجي وماسكتت
نمت بدون ماحس ع روحي
يتبع..
أنت تقرأ
قسوه حرب
Romanceحرب.. وخر منا لااسيح دمك وخر وامشي اطلع بره يلا رويده.. ابوي ماتحمل المهزله كدام العالم اتعذر منهم وهمه عرفو الوضع مو تمام وتراجعو حتى من الخطبه
