بارت 6
قسوه حرب
&&&&&&&&
سما.. طبيت للمطبخ ماباوعتله خليت صينيه وصحون وجبت فواكه وجبت سجينه واكصكصهن ومبينه ضايجه
سد التليفون وخلا بجيبه واجه يمي اخذ عنب وياكل
هيثم.. شلونه مريتي
سما.. زينه اذا ماتشوفك
هيثم.. هااا شكو سما خير
سما.. تخوصرت والتفتله منو. هاي الجنت تحاجيها
هيثم.. ها احم وحده ليش
سما.. هيثم لاتلعب باعصابي احجي لا بسجينه اخرط وجهك اخليك تحلم بابنيه تباوعلك
هيثم.. عليمن عيني هو اتصال شبيج
سما.. تمام اني اجوني ناس خطبوني وافقت تدري؟
هيثم.. شوكت شو ماشفتهم
سما.. اجو لامي العصر وانتو بخطبه صاحبكم
هيثم.. سماااا
سما.. هاااا
هيثم.. جري عدل احسن لج شنو اجو ناس وافقتي
سما.. ها ضجت واني مالي حق اضوج من تحجي ويه بنات هسه لازم اجر عدل لان خاطبني انت بس انت عادي ماتلزم حدودك مو؟؟
هيثم.. الجنت احجي وياها طفله مو جبيره ماسمعتيني شلون احاجيها وبعدين انتي اكثر وحده تعرفيني عندي سوالف موزينه
سما.. وليش ماتحجي من البدايه
هيثم.. احب اشوف غيرتج حرام؟
سما. هيثم
هيثم.. عيونه
سما.. حباب والله اضوج وغار وكلبي ينمرد من هيج تسوي
هيثم.. اسم الله على كلبج يابعد حيلي انتي، اسف يروحي شجاي تسوين
سما.. اضيف البنيه خطيبه صاحبكم
وخرر كافي تاكل
هيثم.. حلال عمي وابن عمي ماكل من بيتج
سما.. اي خوش.. اكلك هسه هاي البنيه ماعده اهل يعني
هيثم.. متوفين وعايشه عد بيت عمها بس حسب مسمعت مأذيها ويردون يخلصون منها ويزوجوها وقبل يومين بالمستشفى ماشفتي حالتها
سما.. شفتها واستحيت اسئلها خاف تنحرج لان مبينه فقيره مو اجتماعيه
هيثم.. ديرو بالكم عليها لحد ميخلصن الشهرين وياخذها علي
سما.. وهسه اني شغلتها عماله؟
هيج.. هههههههههه شبيج احجي وياج
سما.. باوع ادم شلون يباوعلنه بحقد
هيثم.. عمت عيني اخوي مايكدر يحجي ويه رويده 👋🏻
ادم.. شبيك تخبلت تره هاذا اني مو بعيد تسويلي هلو تشمر بيدك
هيثم. . والله بعيد انت بره المطبخ يم باب الصاله واني جوه المطبخ
أنت تقرأ
قسوه حرب
Romanceحرب.. وخر منا لااسيح دمك وخر وامشي اطلع بره يلا رويده.. ابوي ماتحمل المهزله كدام العالم اتعذر منهم وهمه عرفو الوضع مو تمام وتراجعو حتى من الخطبه
