أسد الداخلية 🇮🇶

أعلان 1

الانتفاضة الشعبانية 1/اذار / 1991

- اني صح اذا انلزمت راح انعدم او انقتل

بالمعركة وهاي يم ربج بس ماخفت ولا راح

اخاف من عدهم .. تدرين ليش لان هذا البلد

عمرة ماراح ينبني من غير دمنة وتضحيتنة

برواحنة ..

ضلت تبجي وايدهة علة بطنهة تتحسس

ابنهة اللي بعدة ماشم الهوة ..

-واني مافكرت بيه وهذا الطفل اللي ابطني

ماخفت عليه ..منو النة بعدك .. منو عزوته

ابتسم وخلة ايدة علة ايدهة ..

- هذا اللي ابطنج أسد مينخاف عليه راح

يدير باله عليج .. وبعدين ماتفرحين رجلج

شهيد ويگلولج مرت الشهيد محمد الراهب

اما ابني فالله عزوته.. وعزوتنة كل احنة

لزمت ايدة بقوة .. ودموعهة تصب علة

وجناتهة

- وانته شمدريك اللي ابطني ولد ..محمد

مااگدر اربيه وانته حسك مو بالدنيا شلون

اگدر .. شلون اعيش بلياك محمد واني ماريد

يگلولي مرت الشهيد اريد ابقة زوجة محمد

وبس..

ابتسم ..

- تعيشين سميرة.. تعيشين علموده وتربيه

احسن تربية وتزرعين بيه حب الوطن

والغيرة علة گاعة واهل بلدة .. وتعلميه حب

البلد عبادة هي امه وابوه واهله تعلميه ينط

ي روحة وهو الممنون اله ولو شيسوي يبقة

مقصر .. علميه سميرة علميه.. استودعتج

عند الله الذي لا تضيع ودائعه ..

دنگ باس بطنهة وراسهة و خلة سلاحة علة

چتفة وطلع وهي انهارت و وگعت عالگاع

تبچي وتصيح ..

- محممممممد لا تعععععوفنة فدوةةة..

محمممممد.. ارجع ..

بذاك اليوم جانت اخر مرة سميرة تشوف محمد نفذ وعدة اللي گاله واستشهد دفاعا عن بلده في قضاء الجبايش محافظة ذي قار ..بعدهة بأسبوعين ولدت سميرة ولد وسمته أسد مثل ماچان ابوه يسميه .. ياترى راح يكمل طريق ابوه ..

⊱━━━━⊰✾⊱━━━━⊰