مكان غير معروف اضاءة خافتة كلش ضوة التيبل لامب فقط . صوت امينة الحمدالله مذيعة الاخبار بقناة (...) عالي ومغطي عالمكان ..
◥◢عاجل وردنا الان انفجار عبوة لاصقة في سيارة ضابط في وزارة الداخلية العراقية وسط العاصمة بغداد أسفر عن مصرعه مع عدد من من مرافقيه . الحصيلة الاولية لعدد القتلى والجرحى غير معروفة لحد الان ... ◥◢
طفة التلفزيون شخص گاعد علة مكتب صاج جوزي فتح بطل ويسكي سكوتچ صبه بگلاص گدامه شرب من عندة شوية وخلاه . رفع التلفون واتصل ..
- صورت العملية الصارت لو لا .. عاشت ايدك اليوم اريدهة تنزل علة كل المواقع ..ولاتنسة اريد اللوجو مال ولاية بغداد مبين بالفيديو .
رجع ظهرة عالكرسي واخذ الگلاص يشرب .
❏ ❐ ❑ ❒ ❏ ❐ ❏ ❐ ❑ ❒ ❏ ❐ ❑ ❒
- ليلى -
من سمعنة صوت الانفجار ولحد الان علة اعصابنة امي گلبت الدنيا علة أسد انريد نهديهة منگدر بصفهة گاعدة سعاد الحية اللي تتمنة أسد رايح بالانفجار حتة تاكل البيت هية و ولدهة .
امي عدهة السكر والضغط دائماً يرتفع .. ولگمة ماترضة تخلي بحلگهة اله تطمن علة اسد . مخلية التلفزيون علة قناة اخبارية مسوية بث مباشر بمكان الانفجار وطلعت صور الدم اللي بالگاع جاي يغسلوه فرق الدفاع المدني غير السيارات المحترگة وعدد الضحايا اللي راحت بالانفجار وكل قناة تگول رقم بكيفهة .وكل شوية وصاحت .
- سميرة -
راح ابني راح ولككككككم اريد اسسسسسد.. اريد وليدي ...
- سعاد -
شجاچ خية وحدي الله . وداعتج مابيه شي هسة يرجع وتكحلين عينج بشوفته .
- سميرة -
ولج مايرجع ماشفتي شيگولون الانفجار بسيارة ضابط والضابط مات . يعني راح وليدي .
- سعاد -
لا اله الا الله . يعني بس اسد ضابط يجوز غيرة . بس هدي نفسج مرة مريضة انتي لايصير بيج شي . يمة نغم جيبي شي خل تاكلة ما اكلت عمتج شي من الصبح لايصير بيهة شي .
- سميرة -
كلشي ماريد .. يمة كلشي لاتجيبين .
- سعاد -
بكيفج مو هية . كومي نغم سويلهة . اذا تخربطتي هسة علينة وين نطي وجوهنة وحتة رجال ماكو بالبيت .
جاي اتصل علة اسد بس ماكو فائدة الجهاز مغلق من ساعة صار الانفجار . احس بنار جواي تاكلني من الخوف عليه .
شوية وأندگت الباب حيل حسيتهة الدگة مالت أسد ركضت افتح الباب . فتحته وشفت ايمان تبچي و وضعيته موتمام شايلة ابنهة حسين بحضنهة وسالم وياسين يمشون وراهة . من شفتهة ماسيطرت علة روحي ضليت ابچي .
- ايمان -
ولج ليلى شصاير شبيج تبچين ؟
ايمان تصير اختي من ابوي وبنت سعاد الچبيرة ربت وي أسد وبنفس عمرة ومتعلقة بيه كلش .
- ليلى -
ولج ايمان اسسسد .
❏ ❐ ❑ ❒ ❏ ❐ ❏ ❐ ❑ ❒ ❏ ❐ ❑ ❒
- خيرات -
رجعت من الجامعة تعبانة كلش ومطايقة نفسي . فتحت الباب اول مسديته ضليت ابچي وگعدت بالگاع .
ليش ياربي هيج يصير بينة چنة شحلاتنة ومرتاحين الضحكة مافارگت وجوهنة لافد يوم اذينة احد ولا باوعنة علة لگمة غيرنة ماتركنة صلاة ولا صيام العلينة سويناه ليش تاخذ من عدنة احمد ليش .
أنت تقرأ
أسد الداخلية 🇮🇶
Actionالانتفاضة الشعبانية 1/آذار/1991 اني صح اذا انلزمت بالمعركه راح انعدم او انقتل بالمعركه وهاي يم ربج بس ما خفت ولا راح اخاف من عدهم.. تدرين ليش لان هذا البلد عمرة ماراح ينبني من غير دمنة وتضحيتنة برواحنة.. ضلت تبجي وايدهة على بطنهة تتحس ابنهة الي...
