فتاة تعيش حياتها بكل هدوء
في يوم من الأيام تذهب إلى حفل وفي الطريق يتم خطفها من قبل اشخاص لا تعرف معنى الرحمه اتخذت الدين غطاءاً لها تسمى "داعـش"
ماذا حصل لها ومن سينقذها وكيف ستعيش حياتها بين الاتهامات الكاذبه وبين الانتظار الطويل الى شخص...
هجران: شحدهم محد يجي يمج اطمني ديصير بينهم وبين الجيش والحشد اشتباكات كلش قويه وملتهين انتضريني قبل لا ياخذونج نطلع منا بس ادبر الطريق الطلعه ابدد مو سهله انتضريني
فرح: خ خايفه
هجران: لا تخافين يول انتي قويه هسه اني حروح وهاج هذا مي ادري بيج عطشانه واني كل ما صار الي فرصه اجي الج خوش
فرح هزيت راسي بمعنى اي وطلعت رجعت كعدت بزويه وشربت المي وايدي ترجف رجعت راسي وكمت ابجي بين التفكير والخوف غفيت
فزيت على صوت ركض كل قوي كمت وكفت وخايفه لا يجوني
شويه وراح الصوت ونفتح الباب
هجران: فرح وينج
فرح: هنا هنا
هجران: يلا راح نطلع
فرح: صدكك
هجران: اي اي ماكو وقت بسرعهه لا يجون هاج
فرح باوعت مستغربه: شنو هذا
هجران: سلاح كاتم تكدرين تشيلينه
_هزيت راسي بمعنى اي: اي اي اكدر اشيله
هجران: خوش يلاا
اخذته منها ولزمته وطلعنا من الغرفه وصرنا نمشيي بالممراتت بسرعه قبل لا يجونا وصلنا نهايه المرر صعدت هجران وفتحت شي مثل الباب صعدت وطلعنا اول ما طلعنا داعشي اجه علينا اخذ هجران ولزمها من ركبها
