لَيـالي الـنَــجوى المُـنتَظـرة

٢_ الانتظار

#لَيـالي_الـنَــجوى_المُـنتَظره

بقلم: ميقات كمال

insta:17_meeqat

تـهنيده وخيبـه وآهُ
من يشتـري حزني ماألقاهُ
من يَحتوي قَلبـاً تـلحّف نـزفهُ
ويخفف الفقـد الذي اضنـاهُ
من ذا يَمسح أدمعـي لما همـت
وجعاً ومن وجع نوه ويـلاهُ
فاشـدّ ما يلقى المحب من الهـوى
عصـف الحنيـن وموت من يهواهُ

كاعده على المـرجوحه واهز بـ رجلي وجعها يدك بـ كلبي اباوع شلون لفاف بي دم رفعت اردان دشداشه
اشوف طبع ضرب كل هذا ضرب لان كسرت مزهريه
بالغلط ....

مـريم
سحبني من فوك كسور المزهريه وحتى بدون تفاهم رأساً ركعني على كاع وبلش ضرب صرت ماعرف وين احط ايدي داحمي نفسي منه ماعرف شوكت عافني
كعدت لكيت جسمي كُلي ينزف
مديت ايدي على كنتور اسندها مشيتي صارت مثل طفل بدايه خطواته ضليت هيج اكثر نص ساعه بس اريد اوصل للحمام وجان لبيت مابي احد

كعدت على ارضيه الحمام ولدوش مفتوح واني ملابسي
ماعرف ياهو اكثر قطرات لمي لو دموعي
وجسمي يون عليه ...

فزيت على ندسة مؤتمن الي واني نـايمه على السَجـاده

كَال: كومي عمج المصون جوه وجايه عائلته الكريمه وياه شوفي مريم ممنوع تحجين كلمه هاي الاثار الي بوجهج اخفيها لو اخفيج من الوجود وامشي عدل هم
راح اوكف يم الباب كملي وننزل سوا

هزت براسي وطلع
بدلت وحطيت أساس اخفي بطولاته عليه
نزلنا صارت كعدتي يم عمه سُـهام كباله
تقربت عمه مني
- ها حبيبتي شلونج شلونه زوجج وياج
- الحمدالله زينين
- شوكت ترجعين للمدرسه
- بعدني ماحجيت وياه استحي انتظر اتعلم عليه واكوله
- خاف تضيع عليه سنه كامله
- لا عمه هل ايام اكوله
- يصير خير لعد

سَـجاد اجه كعد يمي هم ضل يسئلني نفس اسئلة امه
ويشاقه وياي ونضحك نسيت هذا كاعد رفعت راسي عليه لكيته خازرني فريت وجهي وكملت وياه سـجاد

للمغرب يلا راحو صعدنا فوك فتت قبله انداريت على ركعة لباب قويه واشوفه جاي بأتجاهي حتى مالحكت ارفع ايدي داحمي وجهي منه بدون تفاهم سب وغلط وفشر على اهلي وضرب لحد ما جسمي كله خدر بعد ماحس بشي عافني وطلع كمت مثل كل مره اسحل بروحي سحل داوصل للحمام اهله ميدخلون بيناتنا
اصلا تعبوا من وره خلال يومين خلاني ايدي ماكدر ارفعها

قرر يعزل بيت وحدنا حتى ياخذ راحته بـ تعنيفي
وشربه وحبوبه  وعلاقاته الي جنت يوميه يدخل لمسامعي اسم بنيه جديد وكلش عادي اذا اصيحه
يقفل خط ويجي يضربني واكثر من مره يكولهم هاي خادمتي او زوجتي ماتت محروكه لو مطلك لو زعلان منها او مرات يكول اعزب وهذا كله كدامي وماكدر احجي كلمه وياه وعنده استعداد اضل ساكته ساعات لان الغرفه جانت صغيره وميقبل انزل يم اهله