لَيـالي الـنَــجوى المُـنتَظـرة

٨_ الانتظار

#لَيـالي_الـنَــجوى_المُـنتَظـرة

بـقلم: ميقات كمال

insta: 17_meeqat

انـتَ لو مو غلط منـك ..
چا تلاحگـت على روحـك, چا بقيت
انـتَ حتى استكثرت بيـة معزتي وما بچيـت...

شَـلتها وخطيـت درجـاتي يـم الكَبـر
ومسحت على شاهده
ممكن اذا احد وياي بهذا ليوم يعرف شنو نظراتي
للكَبر
كَسره آلم ممكن ضعف
واني اشوفه دنياي كلها تحت لتراب
لملمت شَتاتي وطلعت بعد ما خابرت آسيري
دخلنا للبيت ودخلت ويانا مشاكلنا

الي وره فتره اسبوع ندك باب غرفه

- تفضل

دخلت عمتي مدنكَه ومتوتره
- عندي موضوع وياج بس اتمنى يضل بيناتنا

- اتفضلي عمه

كعدت يمي واخذت نمر من حضني

- اريدكم تشلون بسرعه وقت والله ياعمه بزعانه
يوميه صوتكم واصل للنهايه فرع كل ما تصير مشكله
وجيراين يضلون يحجون

- عمه والله لو بيدي ليوم قبل باجر نشيل بس تعرفين
اني وياه مثل نار وبانزين

- ميخالف احجي وياه جيبي بـ سياسه

- عمه مقتنعه بهذا كلامج ليش ابنج مثل سياسه

- شنسوي لعد نبقى بهذا وضعنا لا انتو مرتاحين
ولا احنا بالنا مرتاح

- كولي عمي هو يحجي او انتِ

- حجينا قبل فترة وياه كال ماعندي فلوس اطلع إيجار
وافتح بيت

- لعد عمه من تعرفين سبب منه ليش جايه عليه

- عندي إلج اقتراح واتمنى تمشين عليه

- الي هو

- تبعين ذهبج

- بس اني ضامتهن لليوم اسود ولو ايامي ويه ابنج كلهن سود

- شمدريج يجوز هاي نقله بيها خير الكم وينصلح حالكم

- هاهيه تدللين اذا على ذهب اعتبري مبيوع
بس اتمنى فلوسه يروحن على لبيت مو على سوالفه لمكسره ونسوان

- اني ضمانه

- تمام عمه

- تسلمين يمه اني علمودكم

- الله يسلمج ادري تعبوا منا وهذا حقكم

باست نمر وطلعت
شي بداخلي ارتاح طخت بالي دراستي اكدر هناك
اخلي يقبل

تقريبا مَرّ اسبوع على هذا حجي وبلشنا نحضر
واسـتقرينا

حاولت ابلش من جديد واستقر بحياتي وحاولت
مع كل هذا هو جان ضد فكره نعيش حياتنـا
مثل اي اثنين متزوجين وبيناتهم طفل
مشكله اكبر مصلحتي دائما هو محورها حتى مااسترجي اكوله اريد هيج وجان اصعب موضوع دخولي للجامعه الي كلما احاول افاتحه اتراجع
بيوم اله قويت كَلبي ورحت عليه