នាពេលរាត្រីពោរពេញដោយពពកខ្មៅបាំងដេដាសពេញផ្ទៃវេហា វេលាស្មាលនេះគឺជាពេលដែលសាកសមបំផុតសម្រាប់សម្រាកបន្ទាប់ពីធ្វើការហត់ក៏ដូចជាការរៀនសូត្រហត់ពេញមួយថ្ងៃ នេះជាជីវិតរបស់អ្នកមាននិងអ្នកមិនខ្វះខាត ប៉ុន្តែបើសិនជាងាកមកមើលមួយផ្នែកទៀត ផ្នែកដែលជីវិតរបស់អ្នកលំបាកតោកយ៉ាកគឺកំពុងតែស្វែងរកទីទួលសមប្រកបដើម្បីជ្រកកោននៅមុនពេលមេឃភ្លៀងធ្លាក់ចុះមក ។
នៅតាមដងផ្លូវក៏មានក្មេងប្រុសម្នាក់កំពុងដើរនៅតាមផ្លូវតែម្នាក់ឯងស្របពេលដែលក្មេងដទៃគេមានឳពុកម្តាយដឹកដៃរវៀសរវៃត្រឡប់ទៅផ្ទះមុនភ្លៀងមកដល់
«ម៉ាក់ៗ..កូនរងារ»សំឡេងញញីញញ័រដោយសារអាកាសធាតុចុះត្រជាក់ ក្មេងប្រុសតូចសម្លឹងទៅមើលឆ្វេងស្តាំមិនឃើញមានអ្នកណាប៉ុន្តែពេលក្រឡេកមើលទៅខាងក្រោយនាយតូចក៏ត្រូវយកដៃមកបាំងពន្លឺឡានដែលចាំងឆ្វាចសម្តៅមករកគេ បន្តិចក្រោយមកក៏មានមនុស្សប្រុសមាឌធំពីរនាក់ក្នុងសម្លៀកបំពាក់ខ្មៅសឹងតែមើលមិនឃើញ បុរសទាំងពីរនោះក៏បានចាប់ក្មេងប្រុសតូចដ៏កម្សត់នេះយកទៅដោយមិនខ្វល់ពីការស្រែកយំរបស់គេឡើយ
_____________
«ហ្ហឹកៗ...លែងខ្ញុំទៅ!!»កម្លាំងតូចៗខំប្រឹងរើបម្រះចេញពីចំណងដែលចងភ្ជាប់ខ្លួនជាមួយនិងក្បាលគ្រែភ្នែកក៏បាំងបិទជិតដោយចំណងខ្សែពណ៌ខ្មៅមិនអាចមើលឃើញពីទិដ្ឋភាពដ៏គួរឲ្យខ្លាចមួយនេះក៏ប៉ុន្តែគេក៏នៅតែអាចស្រម៉ៃឃើញនៅរូបភាពដែលគេមិនចង់ឃើញបាន
«នេះជាក្មេងថ្មីចៅហ្វាយ..»ឮសំឡេងនេះហើយ នាយតូចក៏ឈប់យំរង់ចាំផ្ទៀងត្រចៀកស្តាប់នៅការសន្ទនាមួយនេះ
«បញ្ជូនគេទៅបន្ទប់មួយទៀតហើយ បន្តិចទៀតគេនឹងមកដល់ហើយ»សំឡេងរបស់បុរសម្នាក់ទៀតនិយាយឡើង ដោយសម្តីម៉ើងម៉ាត់បំផុត
«បាទចៅហ្វាយ!»
«លោកគីម!លោកគីម!!ពេលនេះលោកស្រីកំពុងតែឈឺពោះហើយ សូមលោកប្រញ៉ាប់ទៅផងចុះ»អ្នកបម្រើក្នុងឃ្លាំងនេះម្នាក់រត់មកយ៉ាងត្រហេបត្រហបដើម្បីប្រាប់ដំណឹងនេះទៅកាន់បុរសដែលមានអំណាចនោះដោយការភ័យខ្លាចដែលខ្លួនហ៊ានមកកាត់ចង្វាក់ដៃការសន្ទនានេះ ប៉ុន្តែវាគួរឲ្យចាំបាច់មិនអាចទុកឲ្យខកពេលបានពិតមែន
YOU ARE READING
Undercover🖤⛓️🔥
RomansaTrailer : "តាមការពិនិត្យកោសល្យវិច័យ អ្នកស្លាប់ត្រូវបានឃាតករចាក់សារធាតុពុលម្យ៉ាងចូលទៅក្នុងខ្លួនដែលវាអាចពង្វក់ស្មារតីជនរងគ្រោះឲ្យវង្វេងបង្វាន់លែងដឹងខុសត្រូវ" "ជីមីន!មើលមួយនេះទៅ»យូនហ្គី បន្ទាប់ពីពិនិត្យចុះឡើងនៅកន្លែងកើតហេតុក៏បានឃើញពងមួយគ្រាប់ដែលជាប្រភេ...
