السلام عليكم...معكم رندا وهذي روايتي الاولى اتمنى تعجبكم..🤍
قام مشعل من نومه على صوت واحد ينادي بأسمه:مشعل مشعل قوم يا مشعل
مشعل:بسم الله متى جيت انت ؟
:لي ساعه اناديك...صمخة انت ماتسمع ؟
مشعل: يولد كنت نايم ماتشوف انت ؟
:طيب اسمع...الشركة معطينك اجازه اسبوع عشان حادثك الاخير والواضح إن الحادث مدبر من احد اعدائنا
"يسترجع الحادث"
المجهول بهدوء:هذاك هو تشوفه ؟
الثاني: ايه نعم شفته اطلق ولالا؟
المجهول:اصبر ركز على الكفر..ولا تضيع الرصاصه
الثاني: ابشر
مشعل:ايه يمه......ابشري هذاني جايكم مسافة طريق......هههه لا ماعليك ماكذب عليك
المجهول:اطلق
مشعل:يم.........
رجع مشعل لوعيه بعد مناداة فيصل له
فيصل:مشعل وين رحت ؟
مشعل:هلا....هاه..ايه ايه معك
فيصل تنهد:المهم..عبدالرحمن..دق علي يبيني بالشركه..
مشعل:ليه وش يبي؟
فيصل:مادري عنه بس دق علي...لكن انتبه لنفسك
مشعل:بحفظ الرحمن..
طلع فيصل بأستعجال.
رفع مشعل صوته وهو يقول:سكر الباب معاك
دق جوال مشعل:امي ؟
ام مشعل:وينك ياولدي؟
مشعل:بالشقه يالغاليه مع فيصل
امه:بتمرني؟
مشعل:ابشري يايمه بخلي واحد من العيال يجونك
الحين
ام مشعل:لا يمه انا ابيك انت
مشعل:والله مشغول يالغاليه
ام مشعل بغضب:خلاص لا عاد تكلمني تسكر فوجهه.
مشعل:يمه.....لحول
—————————
عند ام مشعل....•
ام مشعل بعد ماسكرت بوجه مشعل:الله يهديه الشغل الهاه عني
هدئ:يمه لا تشغلينه تلاقين شايل هموم العايله فوق راسه
ام مشعل:وانا وشقلت
هدئ:الله يرده بسلامه
ام مشعل:امين يارب
تدخل اخر العنقود نجود وهي بصوت عالي:هايي قاييز
ام مشعل:اقصري صوتك
نجود بزعل:هذا وانا جايه مشتاقه لك ترديني
هدئ:امدى اشتقتي تونا متغدين مع بعضنا
نجود:اسكتي انتي!!
ام مشعل:اخلصي وش تبين؟
نجود:يافااهمني
ام مشعل:اخلصي علي شتبين؟
نجود:عادي تكلمين مسعود ولا طلال يودوني عند رغد ودلال تكفين مامي؟
ام مشعل:وليه ماتكلمينهم انتي؟
نجود:عشان طلباتي كثيره وهم اكيد بيرفضون
ام مشعل تدق على مسعود:...السلام
مسعود:وعليكم السلام ...هلا يمه بغيتي شي
ام مشعل:لا يمه بس ابيك تودي نجود عند بنت عمك
رغد
مسعود:خليها تتلايط بس
ام مشعل:دوك اياها
نجود تأشر لأمها بلا
بعدها بثواني اردف مسعود:الو؟
نجود:ايه...ايه هلا
مسعود:وش بغيتي؟
نجود:ابي اروح عند رغد
مسعود:طيب انا مشغول الحين خليها بعد المغرب نصلي ونمشي
نجود بفرح:الله يخليك لي يخوي
مسعود:ويخليك لي
سكرت نجود وهي فرحانه وراحت تقول لرغد انها بتجي
__________________
عند مسعود•
سكر من مكالمته مع نجود وهو يضحك
ناظره ماجد
ماجد:يحظ الي تضحك عشانه واضح ماخذه عقلك وبقوه
وتركي يغمز:عرفنا
رمي مسعود عليه علية المنديل
رد مسعود بضحكه خفيفه:استح على وجهك انت وياه
التفت مسعود لناصر:غريبه شفيك هادي اليوم؟
ناصر:لا ولاشي
ماجد:علينا يانويصر علينا
___________________
عند مكان اخر؛
دخل للقصر ومتجه لغرفه طالع اصوات الاغاني والصراخ منها دق الباب وهو ينادي:غدير
عند غدير كانت مستانسه ولشدة وناستها شغلت اغاني ورقصت
بعد ماسمعت احد يدق الباب توترت وطفت الاغاني وفتحت الباب وطلع خالها ومن وناستها ضمته وهو ماسكها بقوه
دخل بغرفتها رواف وهو يناظر في ببنت اخته الي كبرت من دون امها وصارت نسخه منها اهخ اختي الي مالمحت زوالها لين ماتت ولا اعرف سامحتني ولاماسامحتني ليت اقدر ارجع للوقت ولا كان سويت الي سويته
قاطعت غدير تفكيره:خالو الحمدالله على سلامتك
رواف:الله يسلمك يحبيبة خالو كيفك؟
غدير:اكيد بخير ياخالو وانت؟
رواف:بخير دامك بخير يعيوني
غدير:امم وين مرام واسوله؟
رواف:تركتها عند اهلها مشتاقه لهم
غدير ناظرت فيه:وانا طيب مشتاقه لها برضو!!
ناظرها رواف لها بحنان وباس راسها:وش تبين فيها وانا عندك؟
غدير بتغيير للموضوع:شرايك نتعشى برا؟
طالع فيها رواف وهو عارف مقصدها:سمي.. يلا تجهزي عبال مانصلي العشاء ونمشي
استانست غدير:منزمان مطلعت
رواف:ولك الي بيونسك اليوم كله كم عندي غدير انا
غدير بمازح:اكيد وحدها هههههههه
رواف بضحك:يلا بروح اصلي اجهزي
غدير:آمر
طلع رواف من عند غدير:تأففت غدير وهي تقول اكيد تذكرها يليل مني كل ما اقول ماراح اجرح خالي اجرحه بكثير.
__________________
عند مشعل؛
كان جالس على سرير المستشفى بعد ما اتصل على فيصل يجي يطلعه من المستشفى ويوديه للشركه
بطلب من المدير عمه ابو غازي
جاه فيصل:يله مشينا
لحقه مشعل: وراك معصب؟
فيصل:منجدك؟
مشعل:وشهو؟
فيصل:مشعل لا تستغبي توا صارلك حادث وانت علطول تبي تروح لشغل ماتهتم بنفسك انت؟
مشعل:اها والله وانا اخوك مافيني إلا العافيه شوفني امشي الحمدالله ولا شي معورني
فيصل وهو يهدي:لحول ولا قوة إلا بالله هذا انت من يوم عرفتك
مشعل بضحكه:وشرايك نروح نتعشى برا؟
ناظره فيصل بطرف عين:فاضيلك انا امش بس نروح لشركه ونتفاهم هناك
مشعل:طيب
___________________
عند ابو غازي بالشركه
ابو غازي:عمر كلم شركة##### عن توقيع العقد وتأسف لبقية الشركات المتقدمه
عمر:ابشر طال عمرك
ابو غازي:تبشر بالجنه
طلع عمر
وقعد ابو غازي يفكر بمستقبل بنته ومشعل وغازي والاكيد فيصل
بدون ماحس دخل مشعل وشافه سرحان وكأنه عرف وش يفكر فيه
ناداه مشعل:يبو غازي؟
طلع من افكار العميقه وهو يحس بأحد يمسك كتفه
رفع راسه وهذا هو مشعل
ابو غازي لمشعل:الحمدالله على سلامتك ياولدي
مشعل:الله يسلمك يالغالي
ابو غازي:كيفك الحين؟
مشعل:الحمدالله بخير وانت؟
ابو غازي: الحمدالله والله ياولدي إني لأجيب راس الي يحاول يتآمر عليك ويحاول يسبببلك حوادث والله ماخليه ينام مرتاح
مشعل:لا ياعم هد كلنا نبي ننتقم من هالشخص الي يلاحقنا بكل خطوه المهم وش الاخبار عندك ياعم؟
ابو غازي:والله على خبرك قبل اسبوع
للحين انتظر الرد
_____________________
ونرجع لأحداث قبل اسبوع
قام مشعل بيطلع من الشركه ناداه من بعيد ابو غازي راح له وهو مستغرب
مشعل:هلا يبو غازي بغيت شي؟
ابو غازي:ابيك بلكمة راس
ناظره مشعل بستغراب:سم
ابو غازي:اطلبك طلب ولا تردني؟
مشعل:ماعاش من يردك شبغيت؟
ابو غازي:مشعل انا مالقيت الاحسن منك والاكيد ماراح القى
مشعل بستغراب:سم بغيت شي اساعدك فيه؟
ابو غازي:والله يامشعل إني اقدرك واعاملك مثل ولدي وانت وفيصل وغازي كلكم عيالي وطلبي كبير شوي عليك
مشعل:لا ياعم انت تآمر بس وانا انفذ
ابو غازي:توعدني وعد رجال؟
مشعل:اوعدك وانا قد وعدي
ابو غازي:ابي القرب منك ياولدي
مشعل:وش تقصد ياعم؟
ابو غازي:ابيك تتزوج بنتي
مشعل بصدمه:نعم؟ انا اتزوج بنتك؟
ابو غازي:ايه نعم ولا بترفض؟
مشعل بعدم استيعاب:خلني افكر اول ذا قرار مصيري يحتاج افكر فيه فتره طويله
ابو غازي:يعني لين متى؟
مشعل:وقت طويل ياعم
ابو غازي:معك اسبوع ولا يكثر وتراك وعدت وعد رجال لا تنكث بوعدك!
مشعل:لكن...
ابو غازي:ولا لكن يلا رح شف شغلك.
مشعل بتنهيده غاضبه:طيب
____________________
رجع لواقعه على صوت ابو غازي
ابو غازي:بشر؟
مشعل بتنهيده شبه طويله:ايه ياعم وافقت
ابو غازي بفرح كبير:حياك الله بكرا
مشعل بأرتباك:سم طال عمرك تم
طلع مشعل من عند ابو غازي وهو يفكر كيف راح يقول لأمه واخوانه وخواته وفوقها اعمامه كيف يصارحهم إنه بيتزوج ومن مين من بنت عنود الي هي خالته ولا مرا بيتوقع انه بيشوف بنت خالتي الي ولا مرا شافها وكبر معها تنهد وهي يكلم احمد عن احتفال الشركه بدخولها للمئة مليون مشتري
——————————
نرجع لغدير ورواف
غدير:يخالو بسرعه
رواف:تراك دوختيني
غدير بضحكه ناعمه:ههه ياخال الي يشوفك ماكنك عمرك ٣٠
رواف :وذا عمري ٣٠ يعني؟
غدير وهي تكتم على ضحكتها: بالعكس ياخالو ههههههههه احسك عجوز
رواف متصنع الزعل:يلا نرجع للبيت يابنت ابوك واوريك شغلك هناك
غدير بضحكه:يلا ي روافي ورينا شتسوي!!
رواف: قلة ادب صدق
غدير: هدي ياخال لا يطق لك عرق الحين هههههههه
رواف مطنشها لين ركبوا سياره
———————————
عند نجود ومسعود
نجود:يله بسرعه يامسيعوده
مسعود:يليل البثره ذي تونا مامدى صلى العشاء
نجود:رغد مزعجتني تكفى
مسعود بخفوت:
انا مابلاي الا غزال عيونه سود =
خذا القلب من بين المعاليق واقفابه
وانا لي عشير كل يوم غلاه يزود =
وحب العرب ينقص وهو زاد بحسابه
تزايد غلاها والهوى تابعه مقرود = الا واهني اللي هوى الترف ماصابه
وانا سامح مادام هو بالوطن موجود =
وهل العباير خوفي الترف يغدابه.
نجود:يليل بدا الشعر يطلع
مسعود بضحكه:وانتي شعليتس كأني اقصدتس
نجود بنرفزه:اقول بس ودنا لبيت حبيبة الطفوله
مسعود بضحكه:ابشري
حرك السياره وهو يفكر برغد
——————————-
عند ام مشعل
ام مشعل:هلا والله بمشعلوه القاطع
مشعل:افا يمه انا القاطع الحين مشعل قرب يم امه وحب راسها وحضنها
مشعل:اهه يمه اشتقت لك يا بعدي
ام مشعل بدمعه :وراك ماتترك هالشغل الي اشغلك عني وتريح بالي وانا امك
مشعل:اسف يامي لكن هذا شغلي الوحيد الي احبه وانتي تعرفين وشكثر احب ابو غازي ولا اتمنى اتركه سامحيني يمه
ام مشغل بحسره على ولدها الي ضيع حياته كلها بشغله مع ابو غازي
ام مشعل:ماعليه ياولدي مسامحتك وانا امك ولا غلطت بحقي كل الي اتمنها شوفتك معرس يا اول افراحي لمتى بتقعد كذا وتخليني ماصير جده
مشعل تأكد إن القرار الي اتخذه هو الصحيح
مشعل:بخصوصا ذا الموضوع يمه ابشرك بخطب
ام مشعل بعدم التصديق:وشهو انت بتخطب؟
مشعل:ايه يا امي
ام مشعل بفرحه:مين سعيدة الحظ الي بتأخذها
مشعل:بنت خالتي العنود
ام مشعل:شنهوو؟ بنت خالتك الي من يوم طلعت على هدنيا رافضه شوفتنا هي وخالك انسى
تتزوجها
مشعل :يمه تعرفين مو بيدها وترا رواف رجع.
ام مشعل:رواف رجع؟
مشعل: ايه قبل امس
ام مشعل:وراه ماتصل علي؟
مشعل:وانا وشدراني المهم يمه خلينا نرجع لموضوعنا انا عن نفسي ابي اتزوجها تكفين يمه
ام مشعل صدت:خلاص يمه تزوجها فالنهايه هي بنت اختي الغاليه
ابتسم مشعل لطيبة قلب امه..........
يتبع...
