صراخ يملئ هذا المنزل الحزين الذي شهد على جميع ذكرياتنا السيئة ومنها الجيده المنزل الذي كان يمتلئ بفرحتنا وبكينا ودمارنا وفقدنا للأعزاء
والبكاء او الضحك كانت خيارات تمر كل يوم امامنا وبالتأكيد كنا نختار الضحك بدلا من البكاء ورغم كوننا نعلم إن البكاء لابد وان يأتي بأسوء طريقة بعد اختيارنا للضحك
وبعد فتره طويله من الخيارات حكمت علينا الحياة بمشاكل ابديه تمر على هذا البيت واصحابه حتى اصغرهم لم ينجي من عاقبت هذهي الحياة حتى العناق اصبح غير كافي في وقت الحزن فقط النوم في هذا المنزل يجعل البيت خالاً من المشاكل.
هند بعد ماقفلت مذكراتها تنهدت بحزن وهي تسمع صراخ امها وابوها وبكاء خواتها الاثنتين واخوها الوحيد الي وقف بملامحه الجامده
هند بنفسها تغير بندر كثير قبل كان يبكي لكن الحين صارت ملامحه جامده وبارده اه الله يهديكم يا يمه ويايبه.
بندر:هند؟
هند:هلا؟
بندر:ادخلي انتي و لين ولتين بالغرفه وسكري الباب.
هند:تمام بس ليش؟
بندر وشبه ابتسامه:راح اوقفهم عند حدهم.
هند:بندر لا تنسى هم بالنهايه اهلنا الوحيدين.
بندر:لا مو اهلنا الوحيدين عندنا غيرهم وبسرعه ادخلي وسكري الباب زين.
هند بحزن:اه منك يا بندر ياليت اعرف وش بتسوي.
عند بندر
بندر وهو ماسك سلاح صغير:يبه.
ابو بندر:ياقليل التربيه ترفع السلاح بوجه ابوك ههه اكيد تربية امك هالوصخه
بندر وهو مرفوع ضغطه:انا تربيت اشرف بكثير منك انت وامي مالكم حق تسمون انفسكم اباء اصلا
ام بندر:هذي جيناتك يامصلح الولد سر ابوه
ابو بندر كان بيتكلم بسس قطع عليه صوت سلاح قويه.
عند مشعل
فيصل:ايه رمى ابوه من كتفه
مشعل:بندر عاش مرحله صعبه بس من اليوم راح اهتم فيه جهز اوراق خروجه من السجن
فيصل:سم طال عمرك كل شي جاهز
مشعل:وين خوات بندر؟
فيصل:موجودين بالبيت مع امهم
مشعل:ارسل احد ياخذهم ويهتم بأمهم لازم يكونون ببيتي اليله
فيصل بإبتسامه:حاضر طال عمرك
عند غدير ورواف
غدير:هلا وغلا بأجمل خوالي تو نور البيت بوجودك ياخالو نواف
نواف: هلا فيك يا اجمل البنات
ابتسمت غدير وهي تقهوي خالها
دخل رواف المجلس وانصدم بوجوده
قال بدون نفس:هلا بالضيف الغير مرغوب
نواف بعدم التصديق:رواف متى جيت؟
رواف:ماهو بشغلك
نواف:يليل يالنفسيه ماتغيرت.
غدير وحزينه على حالهم:جا قبل اسبوع
نواف وهو يحضن غدير من كتف ويقول:يازين بنت اختي بسس
غدير بضحكه :ويزينك ياخالو اخو امي بسس
رواف وهو يقول:يع الله يقرفكم ياشيخ
قامت غدير وحضنت خالها رواف وتقول:ماعد بقى من الغاليه إلا انتوا لا تتركوني.
طالعوا فيها رواف نواف بصدمه:
رواف :اففا مين بيعيش بدونك ياقمري
نواف:والله زعلتيني توقعتي اني بتركك لا والله ماراح اتركك طول عمري ياضي حياتي انتِ
ختامها حضنوا بعض سوياً وكملوا ليلتهم بدون مشاكل
نرجع لفيصل ومشعل
دخل مشعل البيت بعد تعب طويل بشغله
واجه قدامه بندر
بندر:يامرحبا بك ياعم
مشعل بأبتسامة شاقه وجهه:ياهلا ياهلا نور البيت بوجودكم
طلعت هند مع الين ولتين وهم يرجفون
قال بندر:ذا هو عمنا اهلنا عزوتنا الوحيد
سلمت هند عليه والين ولتين بصوت خافت
رد عليهم مشعل وهو يرحب فيهم وحضن بندر وعطى لين والتين حلاوه
وجلس يناظر بهند كيف وهو اكبرهم وتحملت عذاب اهلها
قرر يحضنها عشن يثبت لها انه معها باي قرار تتخذه
بادلته هند ببكاء صامت
مشعل:ابكي ياقلب مشعل انتِ ابكي ارتاحي ثقي فيني من اليوم والله ماخلي هالدميعه تنزل من عيونس وانا ولد امي
ضحكت هند بوسط البكاء
هند:اتمنى انك ماتخذلنا ياعم
مشعل:اكيييد ثقي ميه بالميه مابخذلكم ومن اليوم انتِ وخواتك وبندر عيالي ومحد راح يتجرأ يسوي لكم اي شي انتم تحت حمايتي
هند:لكن....
مشعل:بس... انتوا عانيتوا كثير وجاء الوقت الي لازم ترتاحون فيه بعد قطعكم مشوار طويل ومليئه بعقبات اكثر انتم هنا حالياً عشان تريحون انفسكم.
هند بدموع:شكرا مره ياعم
مشعل:ههههه خلاص بتصيرين ام دميعه عندنا
هند بضحكه:حرام عليك متى بكيت ؟
مشعل:لا مو واضح متى بكيتي ابداً
انتهى اليوم بأجتماع العائله الضائعه مجددا.
الييوم الثاني.
عند غدير.
قامت من النوم على صوت صراخ ابوها ورواف ونواف
نواف:والله ماتتزوجه وانا ولد عقاب
ابو غازي:منهو ابوها انا ولا انت اذا قلت تتزوجه يعني تتزوجه مو بكيفك تمشي كلامك علي انت وبنتي تفهم
رواف:استهدي ببالله مايصير تعطيه بنتك لكل من هب ودب
ابو غازي:انتو تدرون مين الي بيتزوجها !!؟
رواف وهو يناظر نواف:لا بالله ماندري منهو؟
ابو غازي اخذ نفس وغدير تتسمع من الباب:مشعل ولد منيره
رواف انعقد لسانه حس بصداع
اما نواف ابتسم وقال:مدام انه هو مانرفض
ابو غازي:ومن انت اصلا عشان اوافق او ارفض عشانك مشعل راح يتزوج غدير يعني راح يتزوجها محد لي دخل فيني وفي بنتي وولدي تفهمون؟؟؟
رواف بهدوء :انت غاصبه على هالزواج صحيح؟
ابو غازي:مو بشغلك اهم شي بيتزوجون.
رواف:انت تدري يا بوغازي ان مشعل من البدايه مخطوب لبنت خالته؟ ترضاها على بنتك بكره يتزوج عليها؟
ابو غازي:ماهو بشغلي لاتزوج عليها الشرع محلله اربع يعني مايهم مدامت بنت بتعيش مع رجلها وهو يعتني فيها
رواف مايدري شيقول وسكت
اما نواف فكان فرحان على الاقل لولد اخته مو لولد اناس بس تحطمت فرحته بعد ماتذكر انه اساس كان مخطوب لابنة اخته ام ناصر يالله مايقدر يدمر سعادة لانا تنهد وقال:الامور بتزين مع الوقت.
غدير بالقوه تمسك نفسها لا تطيح ودموعها نزلت بقوه ومقدرت تشوف من عيونها فتحت الباب بسرعه وقالت:مو بكيفك تزوجوني واحد مو برضاي تسمعون موو كيفكم وانت يابوي حرام عليك حررام تزوجني واحد بكره يتزوج علي لييه شسويت لك انا معذبتك ماسووويت لك شي ليه تبغاني اتزوجه لييه انهارت بكى وهي تقول ليت امي عايشه ليتها.
مسكها رواف وهو يهديها ويطمنها ويقول:مايجوز ياغدير انك تعترضين على قدر الي كتبه الله لامك مايجوز ادعي لها بالرحمه وانا خالك.
غدير ببكى تردد:الله يرحمها الله يرحمها ....
ابو غازي ضاق نفسه وقال:ماراح يوقف هالزواج بيصير بيصير ويا ويلك لو اعترضتي ياغدير ماهو حاصلاً خير بعدها رفع اصبعه وهو يهدد
وطلع ولحقه نواف الي عيونه حمرا يبغى يسأل كيف وافق مشعل.
عند ام مشعل:
نجود:يمه تكففين كل ساعتين وراجعة تكفين
ام مشعل:صجيتيني الله يصج عدوك
دخل مسعود وسمع اخر كلامهم وقال:علامك ي نجود وراك صجيتي امي شسالفه؟
نجود وهي منزله راسها:ابغى اروح عند رغد بس امي رافضه.
ناظر فيها مسعود وتنهد:يمه خليها تروح وانا بوديها وبجيبها بعد اصلا كنت بروح اودي شغله لعمي وبتعشى عنده.
ام مشعل:خلاص خذها.
نجود:ونااسه احبك ياحلى اخ باللعالم
مسعود ضحك على هبالها بس اعجبته احلى اخ بالعالم.
ننتهي هنا والباقي الاسبوع الجاي إن شاءالله.
