"رحيل ابي "

- البارت الثاني -

يوم اخذ الخزعة :
كعدت ساعة 7 الصبح لكيت اهلي كلهم كاعدين بالصالة يم بابا او اني هم رحت غسلت وجهي وتريكت وكعدت يم بابا عاد صارت ساعة 8 او  راحو للمستشفى بنجو بنج عام او اخذو منة الخزعة من الورم او طلعو بسلامة چنة فرحانين لأن طلع بخير ...
رجع للبيت الساعة 12 الضهر قبل ما يئذن اشتريت چكليت او من نزل من السيارة طشيت علية وهلهلت هلهولة رنانة 😂چانت موجودة اختي او زوجهة او اخوتي الباقين هم چنة متخيلين انو بعد زرع الخزعة راح نسمع خبر حلو فالهذة السبب چنة متفائلين او مدايرين بال اذا طلع الورم خبيث (سرطان)يعني مانريد نتخيل حتة عاد كلمن رجع البيتة او بابا اكل فواكع ما قبل يتغدة وهذة الشي مرد كلبي لأن ابوي الي مايفوت وجبة وحدة او بالذات الغدة يحب ياكل بي اهواي وهذة الشي يفرحنة بس اليوم من رفض يتغدة ضل بالنة .....المهم نام والعصر كعد طبيعي طلعلع برة للحديقة سقاها او يصيحني او كأن شي لن يكن اهنا اطمئنيت صار مغرب وبابا صاحني طبعن للعلم بابا من يصيح كل البيت يركض علية ف طلعت ركض علية وچان يكلي بنيتي غسلي رجلية مثل كل مرة روحي اخذي الصوندة من امچ وغسليهن كالي بطريقة غريبة چانت بعيونة حنية وصوتة الي مدة ايروح من بالي لحد الان اذكرة .....فرحت اخذت الصوندة من ماما لأن چانت ترش ورداتهة ودنقت حتة اغسل رجلين بابا بكل فخر وحب باوعت علة بابا وعيونة تلمع ما چنت اعرف بكل نضرة چان يودعني الف مرة دة اكتب القصة هسة وعيوني غركانة دمع وغصة علة اشتياق علة حبي البابا اوووف ••
مر اسبوع واجة اليوم الي تطلع بي نتيجة الخزعة راحو اخوتي للمختبر او هم طولو الة اجوي لمن اجوي دخلو ع البيت واحد ختل ورة النخلة يبچي والثاني يقنع بينة انو مراح يصير البابا شي والثالث يم بابا يكلة يابة طلعت سهلة شغلتك بس الغُدة تعبانة ويرادلها علاج مكثف اهنا بابا مچان مصدك وبدة يقلق الدرجة ماينام اليل يضل كاعد لل 5 الفجر من القلق وهذة الشي چان يتعبة بحيث وجهة صار اصفر نومتة تخربطت وين چان قبل بال 10 باليل ينام او بال 7 الصبح يكعد اما هسة ساعة 5 الفجر ينام او ساعة 12 الضهر يكعد اتخربط اكلة بعد ميشتهي ياكل نهائي ياكل بمقدار خاشوكتين من كل وجبة او وزنة نزل بطريقة مخيفة كلش او صوتة بعد ماينسمع چنت بكل ليلة قبل ما انام اكول
(اللهم اني استودعك بقاء ابي علة قيد الحياة ) ❤
ابكل ليلة تمر علية مثل الجبل علة كلبي لأن انفاس بابا واصلة الغرفتي اياااب لحد الآن بذهني صوتة ..حجزنالة يم دكتور ابغداد وراحلة عاد سوولة فحوصات جديدة لأن خاف اكو غلط بفحوصاتنة ف هذة الشي هم املنة عبالنة راح تطلع غير نتيجة بس النتيجة مثل ما هية ماتغيرت المهم كالة الدكتور لازم انسويلة اشعاع بس لأن ابوكم ما يتحمل الكمياوي ولا العملية ف انطو موعد بعد شهر ورجع من رجع بابة شفت تعب بوجهة ماشفتة بوجه بشر رجعو ساعة 11 باليل من بغداد او هم ما قبل ياكل رغم انو ما اكل شي من الغدة بس ماقبل ابد وبكل مرة يرفض ياكل احس كلبي يتكطع بس چنت اكتم هذة الشي لأن چنت اكوللهم بابا ماراح يصيرلة شي وراح يرجع مثل قبل ...
او مرت الأيام او صوت بابا انكتم .....او مرت الأيام او موعد بابا يأجلو بكل مرة او مرة مرت الأيام او بابا بدة يضهرن اعضام جسمة مرت الأيام واجة الموعد الحقيقي للجلسة مال الأشعاع وياريتة ما اجة ولا راح ابوية ياريييت : تحضر بابا دة يروح البغداد واجة السايق قبل مة ايروح كال الأخوتي من تشوفون امكم بحساب شايفيني ديرو بالكم عليهة وحللوني او اوهبوني چانت اختي يمنة والتهيت وياهة او مكدرت اودع بابا للمرة الأخيرة وهذة الشي دمرني حيل ...
وصول بابا البغداد "
يتبع •••••