"رحيل ابي "

- البارت الأول -

مرحبا اني اسمي وتن عمري 17 سنة عندي عائلة چبيرة وعايشين من بعد رزق ربي بزود بابا
بابا الي مزوج 4 او ماما الأخيرة عندة املاك او رجال كلمتة مسموعة ومعروفين بمحافضتنة  بابا كلمتة وحدة ومتصير اثنين لحد الآن ما كلي سوي شي او كلتلة لا ماسوي مو خوف منة لا احترامٍ وتقدير الة وبابا بنضري شي كلش چبير بحيث من اوشوفة اعيوني تلمع لا اراديٍ طبعن بابا عندة 36 حفيد او 7 ولد و8 بنات كل واحد ابيتة عايش يعني مايفرق بين نسوانة بس اثنين من نسوانة متوفيات وحدة منهن قصة حب شايلة بابا بلكماط وهية عمرهة چبير وتكلة الة ازوجك انتو متخيلين فارق العمر اكبر من بابا ب20 سنة او كبر بابا او ازوجتة غصبٍ ع الكل اني افتخر بيهة كلش حقيقة ...اما امي ف مختلفة او مميزة امي شيعية وبابا سني چانو مثال ضد الطائفية ❤شافهة بالمزرعة وحبهة وكال الجدو اريد بنيتك او جدو وافق رغم چانت ماما صغيرة كلش عمرهة 12 سنة او بابا عمرة 30 سنة اكيد ماما مچانت راضية بزواجهة من بابا بس قبل ماكو بنية تفرض رئيهة ع اهلهة حتة لو چان قرارهة صحيح المهم ازوجو او صار عدهم 3 ولد 4 بنات چان دائماً اكو اختلاف فكري بسبب فارق العمر الي بينهم حسب ما تحچي ماما الي والخواتي البقية بس چانت ماما متحملة كل عصبيتة وتصرفاتة المستفزة وغيرتهة علية لمن يبات يم مرت بابا بس امانةٍ وحدة محترمة الثانية ما بينهن مشاحنات او مشاكل ابد او احنة اتعلمنة من ماما انو نحترم مرت بابا ونحسبهة مثلهة او بابا اكيد علمنة هيچ هم چنة نطير من الفرح من اروح عليهم خاصة بيت اخوي الي من غير ام اروح انبات يم بناتة اني او اختي زمرد كمية الفرحة الي نعيشهة وياهن متنوصف
بعد معرفتكم علة عائلتي خلي احچيلكم اشلون بدينة نخسر بابا شوي شوي 💔🍃

يوم من ايام سنة 2022 بابا صار يختنق او يشرق بالأكل چنة نجاهل هذة الشي لأن بابا من النوع الي ياكل سريع او چنة انكول لأن ياكل سريع يشرق يوم عن يوم صوتة ينصة ياربي شنو الي دة يصير البابا ؟!اخذنا الدكتور حتة نطمئن علة صحتة ونشوف شنو سبب الشرقة الي دة اتصيرلة من ياكل والله راح العصر لحد الآن اذكر ودو اخوتي طولو يم الدكتور 4 ساعات او چان  يوم حار كلش ضل بالنة بس بنفس الوقت مدايرين بال رجعو او وجوهم مصفرة وعيونهم حمرة او بابا طبيعي كلشي ما بي اهنا دكات كلبي زادت ونخطف لوني وبيني وبين نفسي اكول ياربي لاتسمعني خبر سيئ يارب سحبنة اخوية للمطبخ وكلنالة شكو شبيكم شكال الدكتور ؟
سكت وعيونة حمر يحچي كلمة ويسكت كالتلة ماما احچي شكو كال سوينالة مفراس وطلع بي ورم ابلعومة وبلعومة صاير اعوج من شدة كبر الورم ومبين الورم من زمان مو جديد او لازم انسويلة خزعة ونشوف الورم حميد لو خبيث اذا خبيث لو يشيلون بلعومة ويتنفس بصوندة دائمية خارجية لو يضرب كمياوي اهنا صدمة مدري ابچي مدري اقنع نفسي انو مراح يصير شي البابا .....
بعد ما انتشر الخبر لكل فرد من العائلة صار الكل يدعي وينذر ومصدوم چان شي ميتصدك

موعد اخذ الخزعة ........
يتبع ••••••