صلوا على رسول الله
الفصل السادس
اجهشت بالبكاء وهى تروى له حكايتها ،فاعطى لها منديل تجفف به دموعها وهو يقول
_ممكن تهدى وتبطلى عياط ،عشان اقدر افهم
استرسلت نيفين بالحديث
..- بقول لحضرتك يامتر ان جوزى مات من شهرين، وسبلى ثروة كبيرة اوى ،بس اخواته مش سايبنى فى حالى وكل شوية يتعرضولى ويهددونى بالقتل.،علشان مخلفتش من المرحوم وطبعا كانوا عاملين حسابهم انهم هيورثوا كل حاجة وهيرمونى فى الشارع، بس اتفاجاوا ان المرحوم بدد كل خططتهم و كتبلى كل حاجة بيع وشرا باسمى
ومن يومين دخلوا عليا شقتى وكتفونى ومضونى على وصولات امانة غصب عنى ، وكمان خلونى كتبت شيك بكل رصيدى فى البنك، .ومن وقتها وانا سايبة بيتى وقاعدة فى شقة مفروشة،
ودلوقتى بيهددونى يااما اروح معاهم الشهر العقارى اتنازل عن كل حاجة كتبهالى المرحوم .والا هيحبسونى بوصولات الامانة اللى معاهم
زياد باستفسار
_طب ماروحتيش ليه عملتى محضر فيهم انهم اتعدوا عليكى، و عملتلهم محضر عدم تعرض
_هئ هئ.😭 اعمل اية بس يامتر ماانا ست وحدانية وماليش حد يقف جنبى و.معرفتش اتصرف
زياد فى نفسه
جوزك ميت من شهرين بس ولابسه الوان ومتزوقة على سنجة عشرة وريحة برفانك مغرقة المكتب
.وللامانة كانت انثى متفجرة الانوثة وتتحدث بغنج ودلال كانها مثال للفتنة على الارض جعلته لا يستطيع ان يشيح بناظريه عنها وخاصة ورائحة عطرها الفواح تقتحم جيوبه الانفية 😍😍 وتضعه تحت تأثيرها الفتاك
لاحظ انه قد اطال النظر اليها
.احمم
طب حضرتك يا مدام ...
_نيفين .اسمى نيفين وصحابى والمقربين منى بيقولولى نوفى
زياد بتوتر
_ احمم .هتروحى بكرة يامدام نوفى .قصدى
نيفين تعمليلى توكيل فى الشهر العقارى وانا هتولى الموضوع بنفسى .متقلقيش خالص
.. .نهضت واقتربت منه ثم مدت له كفها ليصافحها ففعل.. فاطبقت على كفه بكفيها قائلة بدلال
_متشكرة اوى يامتر بصراحة انا مطمنة لحضرتك اوى ،. وحاسة انك هتجبلى حقى من المجرمين دول
.
سحب زياد كفه منها
.اكيد.ان شاء الله ..مع السلامة .نورتى المكتب
____________________
اقتحمت تلك المراءة مخيلته طوال اليوم ، وخاصة ورائحة عطرها لازالت عالقة بغرفة مكتبه ، فنهض بغتة معتزما العودة الى بيته ليصرفها عن تفكيره وينعم برفقة زوجته التى اشتاقها كثيرا ،
حضر كل شئ اضاءة خافته وعاء مملوء بالبوشار بنكهة الشوكولاته كما تفضله واطمئن على نوم الطفلتين ،ثم اشعل فيلمهم المفضل
_سارة تعالى يلا الفيلم هيشتغل
.سارة بتهكم.وهى تمسح يدها بعد ان انتهت من غسل الاوانى
_.فيلم ايه يازياد ،واللهى انت فايق ورايق.، ده انا هموت من التعب وعايزة اروح اخد السرير بالحضن
رد بخيبة امل
_يعنى ايه هتسبينى اقعد لوحدى وتدخلى تنامى؟
ردت وهى تتثاءب بنعاس
._بناتك هلكنى طول اليوم يازياد .ارضع دى واسكت دى. ده غير الطبيخ والتنضيف اللى مابيخلصش، ،
ده انا ماصدقت العیال ناموا عشان ادخل اخطفلى ساعتين نوم وانت تقولى فيلم
سحبها زياد لتجلس بجانبه على الاريكة قائلا بعتاب
_وانا ايه ماليش حق عليكى؟ . شوفى من قد ايه مقعدناش مع بعض لوحدنا
فين سارة القديمة اللى كانت اول جوازنا بتستنانى مهما اتاخرت فى شغلى، . سارة اللى كنت برجع الاقيها متزوقه وريحة برفانها فايحة فى كل ركن فى البيت ،.فين نظرت الشوق فى عينيكى وهمسك الحنين اللى كان بيسكرنى، .فين سارة اللى كنت برمى فى حجرها كل تعب اليوم ، اللى بلاقى راحتى بين ايديها وفى حضنها ، .دلوقتى مبقتش عارف اقعد معاكى نص ساعة على بعض .لو عايزة واحدة تيجى تساعدك من بكرة تبقى عندك ..بس متبعديش عنى كده .
اقترب بوجهه من وجهها حتى شعرت بانفاسه الساخنة تلفح وجهها . ناظرا بعمق عينيها تلك النظرة التى تعرفها جيدا قائلا بهمس مغوى
_وحشتينى ياسارة .وحشتينى اوى
اخذ ثغرها فى قبلة محمومة واستسلمت هى لعاطفته الجياشة قبل ان تصرخ الصغيرة مايسة مستيقظة فتركض سارة اليها مهرولة وتتركه يعانى الم الحرمان ،.نفخ بغيظ راميا بوعاء البوشار بظهر يده علی الارض غاضبا .
وفى تلك اللحظة رن جرس هاتفه
..ليسمع صوتها الرقيع عبر الاثير
..الحقنى يامتر .اخوات جوزى عرفوا مكانى وعايزين يقتحموا عليا الشقة
نهض فورا
..طب متخافيش.خلى الخط مفتوح واقفلى على نفسك كويس . انا جايلك حالا مسافة السكة
توجه اليها على الفور حتى دون ان يخبر سارة التى خرجت له بعد ان اطمانت على صغيرتيها
لتجده غادر المنزل
.اخذت تلوم نفسها وتوبخها بشدة
_اكيد اضايق منى عشان كده سابلى البيت ومشى .طب يعنى كنت اعمل ايه بس .مانا مش ملاحقة
خلاص انا هفضل هنا مستنياه لغاية مايرجع واصالحه
لكنها لم تستطع ان تصمد طويلا وغلبها النعاس لتتمدد بجسدها على الاريكة وتذهاب فى ثبات عميق
_________________________
