بنت العم القويه (لاتبالي)

♡6♡

عراق.. كولش ضجت من هذا الي حجه عباله الكل مو زينين عاد كلش تونست وي كريستن لعبنه بلي واكلنه وحجيت وي حبيبت كرستين وكملنه عاد كريستن للـ12.30  واني نضفت لبيت ونمت بغرفة امي وابوي طول هل اسبوع اني انام بيها ماكدر عل فراقهم عاد نمت  بس قبل لا انام تذكرت انقل ملف شغلي للعراق بس بعدين تذكرت نقلته البارحه

الساعه 11.30 صباحاً

عراق.. كعدت غسلت وفرشت اسناني وحضرت جنط مالتي لان اليوم بليل اسافر للعرااق اي المهم فـ حضرت جنطي صان 2 جنط  وحده البسها بضهري مخليه بيها ملابس ومكياجات ولكاويه مال شعر والجنطه الكبيره مخليه بيها باقي الملابس والشغلات... حضرتهن وشحنت.. اللبتوب.. والايربوت (سماعات الاذن )
ورحت للمطبخ اشتهيت اسوي لحم مثروم احمسه واخلي ويا فلفل اخضر بارد وطماطه وعصرة ليمون وملح وفلفل اسود وحميت لچاي (حبيت اتذكر اهلي بهاي الاكله لان يحبوها عل ريوك لكن يضيفولها بيض اما اني مااكل بيض نهائيا) وكعدت اكلت غسلت وحت بدلت وكلت خلي اطلع اخذ ملف نقل شغلي للعراق( هس تكولون هي مو نقلت شغلها شنو معقوله تشتغل ب مهنتين والجواب هو اي تشتغل مهنتين اول وحده دكتوره جراحه والثانيه خلال البارتات لقادمه حتعرفون)

بدلت لبست بنطرون ابيض وقميص ماروني وحذاء ابيض وايضا شعري مشطته وعفت مفتوح وخليت واقي شمسي و تنت كرزي خليته عل خشمي وخدودي ودمجته وخليت حمره ماروني وايلاينر ومسكارا
تلفوني اخذته دزيت رساله لمحمد

عراق💬.. هلاوو صباح لخير (نتضرت2 دقيقه و اتصل)

محمد📞.. هلا حيو الله بلاد لرافدين شخبارج
عراق📞.. تمام الحمدلله بخير انت شلونك
محمد📞.. تمام على الله.... شوكت تجين متشوق
عراق📞.. مممم ليوم بليل اطلع ساعه 10.00ونشالله باجر العصر او بليل
محمد📞.. هلا بيج تنورين بلدج
عراق📞.. شكرا... يلا لازم اروح انقل ملف شغلي
محمد📞.. بستغراب. ليش انتي مو نقلتي لبارحه لو متوهم
عراق📞.. اي صح بس انقل ملف لشغل لثاني مالتي
محمد📞.. ليش تشتغلين بمهنتين
عراق📞.. اييي بس سر بينك وبيني اهلي ميعرفون اشتغل مهنتين حت جوردن اخوي ميعرف
محمد📞.. ليش كتيلي عل شغلج 
عراق📞.. شعرفني عجبني اكول وهسه من رخصتك
محمد📞.. مع السلامه

طوووط طوووط طوووط

عراق.. عاد طلعت من البيت ورحت استلمت الملف وبعدها رحت سويت اضافري سويتهم لون اسود
عجبني اروح للمول وشتريت كفر للتلفون مالتي شتريت 3 الوانهم اسود. ماروني. رصاصي وشفت واحد ابو وشوم حبيت اسوي وشم (طبعاحقيقي) الوشم جان بلوريد وكتله يوشوملي (A&M) حرف اسر ومحمد
صح توجعت بس ماهتميت ومخليت دمعه تنزل ولا اي تعبير بوجهي كانما داشرب عصير ومرخيه اعصابي
من كملت جان يكول
.. انت حقا قويه هناك فتيات عندما اريد ان اوشم لهن
يصرخنن بشده

عراق ببرود.. مممم حسنا تفضل الحساب

وطلعت رجعت للبيت لساعه 11 لضهر سبحت واني داجفف بشعري

اتصل فيديو محمد 📞

محمد.. هلو شلونج
عراق.. تمام... خليت لتلفون عل المرايه(ميز لتواليت او ميز لمكياجات ) واشسور بشعري واحجي ويا عين عل مرايه عين عليه

محمد.. هاا تشسورين
عراق.. اي اسمه سشوار مو شسوار
محمد.. لمهم 😂يعني
عراق.. يي ابو فرسدق كول
محمد.. ضايج كلت احجي ويا..... 😳😳
عراق.. مممم شبيك
محمد.. هذاا وشم بلوريد لو متوهم
عراق.. اي هس سويته
محمد.. ممم يعني مو حقيقي
عراق.. لا حقيقي
محمد.. تشاقيين
عراق.. لا مدا اشاقه
محمد.. وشنو معنى
عراق.. حرفك وحرف اسرسر
محمد.. هههه اسرسر... ليش وشمتي احرفنه يجوز نكون مو كد لصداقه وتنتهي صداقتنا
عراق.. چؤ چؤ مراح يصير هيج
محمد.. واثقه
عراق.. دتلمحلي عل شي لو شنو
محمد.. لا والله مداالمح بس دنيا دواره
عراق.. انطيها دفره اخليها دور بزايد
محمد.. هههههه
عراق.. يلا ابو فرسدق باي اريد انام تعبانه 💔
محمد.. نوم لعوفي ابو فرات
عراق.. ههههه عابت يي والله يلا باي
نقطع الاتصال ورحت نمت

.........

ام محمد.. يمه ويامن جنت تسولف
محمد.. وي صديقتي
ام محمد.. صخام بكصتج نهى ابنج الضابط ابو شوارب شطوله شعرضه يصادق بنات يبووو
محمد.. يمه كلت صديقتي مو حبيبتي
ام محمد.. وهاي اهلها مامربيها تكعد تسولف ويااك
محمد.. يمه امريكيا بس اصولها عراقيه عايشه بامريكا واني حجيت وي ابوها وقبل اسولف وياها هي ماقبلت تحاجيني اله تكول الابوها كالتله وقبل اسولف وياها
ام محمد.. وشلون صادقتها وهي بامريكا مين جبت رقمها
محمد.. شفتها بالانستا وسويتلها متابعه وهي هم اني دزيتلها هلو و Hi بس ستغربت من حجت وياي عربي
تعرفت عليها طلعت عراقية الاصل بس مولوده بامريكا
وتعرف تحجي عراقي مضبوط.... طلعتلها صورتها من الانستا.....  ها جباعي هذا شكلها

ام محمد.. اللهم صلي على محمد وال محمد عين الباردة عليها تخبل ماتخليني اروح اخطبها الك بلكي زعاطيطك يطلعون شگران مثلها وعيونهم خضر وبيض
محمد.. عجل احنه شمالنه نبزز واذا طلعو سمران وعيونهم سود وشعرهم اسود
ام محمد.. لا حلوين بكل الحالات هههه يمه اشاقه وياك شيودينه الامريكا احنه يجوز ماتوافق
محمد.. لا تخافين اليوم بليل تطلع من امريكا للعراق وتوصل باجر
ام محمد.. يا صدك عوود
محمد.. اي
ام محمد.. ههه هلا بيها هس لوادم حسبالهم اجنبه والشباب بس تشوفها ترقم بيها
محمد.. يمه شبيج شني سالفه