بنت العم القويه (لاتبالي)

♡7♡

عراق.. كملت سشوار ورحت داسوي اكل الي عجبني اسوي برياني.... عاد سويته واختصرلكم سالفه كملت لطبخ وتغديت وكمت نمت لان العصر عندي موعد وي الصالون حابه اسوي تنضيفات للبشره وعاجبني اغير اضافري

لمهم يعني نمت

                       ♡♡♡
            البصرة(بيت جد عراق)

ليلاً

الجد.. بويه ماتشوف بيش ساعه

محمد.. 7:10
الجد.. اها..... بوياا نرجس وينچ
نرجس.. ها بويه
الجد.. بعد ابوج وين صار العشه
نرجس.. يابه دقايق والعشه جاهز دنحضر بي

  الجد.. ماشي
نرجس.. من رخصتك يابه

الجد.. بويه انت ماحجيتلي عل بنتك وليش هناك كلما اسالك تكول بعدين
محمد.. يي يابه اسولفلك ليش لا
بنتي عراق وضيفتها بمستشفى يعني معروفه باميريكا وجان حلم طفولتها تشتغل هناك
وتحقق حلم الطفوله وهي حبت تبقى اسبوع باميريكا تودع اصدقائها وتودع عملها الي تحبه حت ماتذكر فد يوم اخذت اجازه بشغلها وتخيل دوامها صباحي ومسائي واحجيلك عنها شوي يعني طبعها مثل جوردن بارده ومتحب تختلط باحد ومنشوفها تضحك الا وي لاشخاص الي تحبهم وتطلع الطفله الي بداخلها نفرح كلش هواي من نشوفها تضحك ويانه وتسولف لكن مو دوم يعني اغلب لاوقات وعدها صديق الها اسمه كريستين هذا صديقها من الطفوله مثل اخوها بعدها كريس رتبط وحبيبته همين صارت صديقة عراق فـ يعني اذا اجت هنا لتستغرب من برودها وقلة كلامها وعزلتها عنكم مو مثل ستيلا ومينا اجتماعيات هي ماخذه صفة البرود من زغرها يعني من جان عمرها 12 نصدمنه ببرودها حت جوردن ماجان هيج بزغره بس وره عمر ال 17 ستغربنه بي ماخذ اطباع اخته

الجد.. انشالله خير هيه شوكت تطلع
محمد.. هسه اخابرها فد شوي لان اعرف بيها هيج وكت نايمه
الجد.. هيه عدهم ضهر هسه
محمد.. اي هيج تقريبا 1 او 1ونص

                      ♡♡♡
ونرجع ال عـࢪاق

عراق.. كعدت عل صوت المنبه لازم اكوم للصالون هففف

كمت من الفراش غسلت وجهي وبدلت لبست
بدي نص ردن اسود مرسوم بلنص بالون الابيض (<••>) ولبست بنطرون اسود وشعري الاشگر الي اكره لونه رفعته لي فوك ع شكل ذيل حصان ولبست حذاء اسود رياضي ووجهي ماخليت اله شي لان راح اسوي تنضيف للبشره وميحتاج اخلي نقطة مكياج
عاد طلعت ورحت للصالون وسوييت كلشي من تنضيف للبشرة وتنضيف للجسم وسويت اضافري وعجبني كم قلم حمره شتريتهم جانت الوانهم ككوي مطعم بـ وردي هيج شي والثاني مااروني طوخ يجنن والاخير احمرر نار ويكون من النوع الناشف لي ميطلع بسهوله
عاد دفعت الحساب وطلعت جانت الساعه بالـ 6:ونص عاد دخلت للبيت هستوني داريد ادخل اسبح واتصل بابا كام فتحت خط وخليته عل ستاند الي عل طاولة اللابتوب مالتي وكعدت احجي ويا

عراق.. هلا يابه
محمد.. هلا بويه شونج خما بيج شي
عراق.. لا بابا سلامتك مابيه شي
محمد.. بابا حبيبي
عراق.. كول
محمد.. جدج يحجي وياج
عراق.. تمام...... سلام عليكم جدو
الجد.. اللهم صلي على محمد.. هلا جدي هلا
عراق.. باستغراب.. عليه افضل الصلاة والسلام
اخبارك جدو
الجد.. تمام بويه اذا انتي بخير
عراق.. كول جدو شمحتاج
الجد.. لا جدي مامحتاج بس اسال عليج ومن خابرت ابوج بلمطار كال جايين احنه بلمطار
رحنه ستقبلناهم وشفت اخوج وخواتج ثنين ورجل اختج من اجينه هنا تغدينه وهذا الفرخ ابن ستيلا مدري شسمها مايقبل ياكل كناله ليش كال اني مااكل اله خاله عراق وياي
انه صفنت  من كالتله امه خالتك عراق بعد اسبوع وتجي اكل حت اشتريلك لعبه
سالت ابوج كال انه عندي بعد بنت بس بامريكا اسبوع وتجي وكتله ليش ماجت وياكم ضل يتهرب عاد حبيت اسال عليج واعرف شوكت راح تطلعين

تنهدت بضوجه
عراق.. انشالله بعد ساعه واطلع لان الطياره تقلع ساعه 11 ونص واني لازم قبل ساعة او ساعتين بلمطار انشالله اوصل الكم باجر الساعه بالـ 7 بليل
الجد.. توصلين بلسلامه

          ـــــــــــــــــــــــــــــــــــــــ

بنوتات اعرف لبارت قصيرر جدا لكن هذا البارت تصبيره لحد ما اكتب البارت 8 هذا كتبته عسريع لان انشالله البارت ال8 اطول من هذا وبس اتمنه تسامحوني🥺❤

                        😘💞