ـ خايفه اقسى على حالي أكثر مِن هيك وأكون شخص لامُبالي بشكل مُبالغ فيه، وأخسر الأشياء يلي بحبها بدون ما أكون مُدرك لأي اشي بصير معي.
خايفه أكرَه الأشياء يلي بحبها، ما اروح للأماكن يلي برتاح فيها، أعيش بغرفتي بعيد عن النّاس، وخايف أكرَه هالغُرفة يلي احتوتني طول هالوقت.
ما بدي أوصل بيوم لشعور النَّدم، أندم ليش أعطيت، أندم ليش حبيّت، أندم ليش ما لفيّت ظهري وتركت الكُلّ وراي، أنا ما بدي اعيش لحظة النَّدم على أشياء مش لازم أفكّر فيها.
خايفه لامُبالاتي تخلّيني اخسر حالي ، خايف أكرَهني مثل ما كرهت يلي بحبهم .
يمكن أنا شخص حساس، ويمكن كثير واضح علي إني بتأثر بأي كلام بنحكالي، ومش مبسوطه بهاذ الجانب من شخصيتي؛ لأنه مُرهق ومتعب؛ لأنه بخليني أفكّر بكل الأشياء يلي بتصير حولي، لأنه بخليني استهلك طاقة فوق طاقتي، ولأنه بجبرني ابتسم باوقات بكون فيها من جوا مقهوره.
ولأنه ما بقدر اوصل لمرحلة أكره فيها شخص ضرني، أو احقد واقسى على شخص أذاني، بظل اسامح لأني من جوّا ما بقدر اتعامل بقسوة، وهاذ الجانب كمان متعبني، أنا نفسي
