لمّا نحب من طرف واحد ،
كأنو عم نختار نموت حرفياً بس مو عارفين كيف الطريقة يلي بدنا نموّت فيا روحنا ..مارح نعرف نحب متل مابدنا ، ورح نخاف نبعد بنفس الوقت ، رح نفوت بمتاهة حقيقية تماماً ..
صعِب علينا نعرف كيف طريقنا ، مجبورين نعيش كُلّ يوم ،ونحنا خايفين يصير شي يبعدنا ، وعنّا بذات الوقت شوية أمل أنو ممكن الشخص يلي عم يسيطر ع مشاعرنا يتحرّك تجاهنا شوي ، انو ممكن يجي يوم ، ونتبادل المشاعر ..؟
رح يضل هالسؤال ببالنا طُول الوقت ، كأنو فرض علينا نضل نفكر بهالشخص ، انو شلون لتنتهي هالعلاقة ، معقول نكمل ، طيب اذا فجأة قرر يبعد شو ليصير فيني ، طيب بحبو ليش ماعم يحبني .. أسئلة بتوجع روحنا قبل عقلنا كُل يوم .. يمكِن مافي الهَا جواب ما ..؟
عم نخاف كُلنا من هالطريق البشع ، هون فعلياً رح تحس حالك وحيد بشكل فظيع ، رح تتمنى يصير اي شي بس تهرب من تفكيرك ، وتحاول تنسى شوي يلي عم يصير من خربطة بحياتك ، رح تضل تتذكره دايماً ، وبضل السؤال يلي ما عنّا جواب الو ..
قولتكم منكمّل ..؟💙