كتاب لزيادة وعي المراهقات

المتاجرة بمشاعر القارئات

كونج كقارئة اول متدخلين حدورين على رواية حتى اما تستمتعين بيهة وتكضين وكت او تستافدين منهة دروس وحكم

فطبيعي تنجذبين للقصص المكتوب بالبداية مالتها
الشي الي انت تدورين علية سواء كانت غموض رومانسيه او فكاهية
والاكثريه منجن ادورن قصص يستافدن منها بحياتهن

من نزلت الواتباد من اربع اسنين انتبهت هواية كاتبات
يستغلن مشاعر القارئات حتى ينشهرن

مثلا يكولن هاية القصه حقيقيه وهية كذب بكذب (وهذا الشي انتشر بشكل مو طبيعي ومع الاسف عرفت انو اشهر رواية بالواتباد المراهقه والاربعيني طلعت كل احداثها جذب عن لسان البطله نفسة بكروب الفيس)

بس حتى تلفت انتباها القارئة وتخلية تندمج وتنقهر وية البطله وتبجي وية البطل(على حساب انو رواية حقيقية والابطال بحياتنه او ويانه)  وهية بالحقيقه كلها جذب مجرد استغلال المشاعرجن

والاتعس هو انو تجي الكاتبه تكتب ببداية الرواية عن قوة البطله وشخصيتها والعنف ضد المرأة ومدري ايش

وتنصدمين من تقريهن انو عبارة عن البطل كل ما يضوج
يسحل البطلة ويكتلها ويمسح بيهة الكاع والبطله شرط هيودة تعتذر او اول ما يحاجيهة تسامحه

.....هااا!!!!

وين الدفاع عن حقوق المراه ضد العنف غير لازم تنتفض غير لازم تكف ضد هذا الشي وين حجي الكاتبه عن قوة البطلة

لا وفوكاها من بنية تسألها بالتعليقات وين الكرامه بالموضوع

تنطلق ثاني يوم بجريدة ( حقا البطل ترااا ايغار
ايخاف عليهة مدري ايش طلعت عن شورة مدري ايش)

هاا وشرط البطل يشرب ويرووح للملهى كبل وينزل ابنية

زين وين الحب وين الكرامه الحجيتينه عليهة ترا احنه

ننهزم من واقعنا للروايات حتى  نخفف مو نزيييييد

انريد ابنية تشجعنه عالحياه وتقوينه عالظلم مو تحطمنه

بحجه يحبها ينام وية غيرة امه تجبرة يزوج ترا كافي هاي التفاهة

وصدك ليش لازم البطل ضابط؟؟؟؟؟؟؟

ترا تارسين الملاهي لا عبالكم مثل متصورهة الروايات كلها جذب بجذب
الله وكيلكم

بالمناسبه احنه ننهزم من واقعنا اهنا مو تجن تبررن الضرب والاهانه للمرأه بحجه الحب والزواج والعائلة ماشي كلام عجايز قبل عوفنه رجااااااااااااءااااااااا

كافي متاجرة بمشاعرنه