كتاب لزيادة وعي المراهقات

تعنيف النساء

..... كتبت هذا البارت واني كلش حزينه ان بعض النساء تؤيد ضرب المرأه وللاسف ايضا تشجع وبقوه على اذلال المرأه لنفسها والتقليل من قيمه نفسها بالرضوخ والقبول بهذه الوحشيه...........

الكثير من الكاتبات وللاسف صارن يشجعن على التعنيف برواياتهن ويحاولن يصورن بانو المرأة اذا انضربت هذا شي عادي ولازم تقبل ولازم تسامح لان اذا ما سامحت هايه عاق ومو زينه وهاية شايفه نفسه وليش ما سامحته وليش وليش وليش......

اولا ضرب المرأه حرام واذلالها ظلم وجزاء الظالم النار

ثانيا اذا قصدكم الايه الموجوده بالقرآن وتحديدا في سورة النساء (واضربوهن)؟
وفمعنا الايه اذا الرجل كان يحب زوجتهة ويحترمها ويقدرها وموفرلها الحياه الكريمه وتجازي هيه بالنكران
والكره وعدم الاحترام وايضا متحافظ على بيتها ومتحفظ سر زوجها
هنا وضيفه الزوج الاولى (واعضوهن )
يعني ينصحها يخوفها من رب العالمين

فأذا لم تتعض  يروح للحل الثاني واهجروهن بالمضاجع

يعني يهجرها ويهملها والاهمال عدو المرأة

واذا ورة الحلين هذني ما استعدلت المرأة تأتي الايه
واضربوهن
اذا معنى الضرب هنا غير المؤذي وغير المبرح
لعد اذا ميأذي شلون يضربها
ذهب العلماء انو يكون ضربها بالسواك (الي ينضف به الاسنان) المعروف
بل وحرم الاسلام ضرب المرأه على وجهها او جسدها افتهمتن
..............
هذا معنى الايه الكامل وروحو اتاكدو بنفسكم اوكي
يعني مو البطله متسمع كلام البطل يروح يضربها بوكسيات ويسحلها من شعرها ويهينها كدام عائلته
وتجي الكاتبه تكول
( تراااا حقى عييني ليش المتابعات زعلانات رجاءا لحووود يحجيوو على البطل مالتي)
اسألكم من كم كاتبه شايفات هاي الكليشه
اني اكوللكم من اغلبهن .....

لا المشكله الكبيرة انو اكو بعض الكاتبات يكولن ضرب المرأة حلال  انتي الي تكولين هيجي فاتحه قرآن دارسه قرآن تعرفين رب العالمين انت

زين عوفينه منج انت تقبلين تنكتلين هيجي
اذا انت تقبلين وعندج عادي فغيرج يهمهن كرامتهن مو مثلج بلا كرامه ...

انتضروني غدا بجزء ثاني اتعمق اكثر بهالموضوع
كافي خلي نخلي حد لتعنيف المرأه