قالتت لي ملاذ مؤيد عمل حادث هسيي الحقيناا ف المستشفى انتي وخالتو اخلااص😱😰
قلت ليها شنووو عمل حادث كيف يعني وبقيت ابكي بي هستيرياا😭😭
مشيت كلمتت امي ومحمد قال لينا طيب انا بوصلكم طلعنا وصلنا لقيناهم كلهم قاعدين وببكو امي مشتت لي خالتو سامية بقتت تصبرهاا وكانو ف جوو عمييق ف الكئاابة 💔💔طلع الدكتور قال لينا اتجاوز مرحلة الخطر هو كويس حالياً بس مادينو مخدر لي الصباح ح يصحى انشاء الله خالتو سامية قالتت ليو بنقدر ندخل ليوو قال ليها واحد ولا اتنين منكم بس عشان م تعملو ليو ازعاج🙂🖐️ دخلو امي وخالتو سامية وانا قلبي دقاتو كانتت م بتتفسر شويةة وكانت حتقيف ع طول طلعتت من المستشفى وبقيت ابكي لم صوتي رااح 😭😭 امي قالتت لي محمد امشو البيت وسوقو معاكم تالا تبيت معاكم والصباح بدري تعالو محمد قال لي يلاا ي ملاذ قلتت ليو م ماشة دايرة اقعد معااو قال لي انتي لو قعدتي م حتضري غير نفسك لانو م حتقدري تفيديهو بي حاجة قلتت ليو طيب 😢😖
طلعنا مشينا البيت وانا النوم حالف كان يجيني اشيل واقرا رسايل الواتس ومرات افتح الدفتر الجابو لي واقراا كلامو ودموعي م قادرة تقيف مشينا اتوضينا انا وتالا صلينا وبقيت نقرا قرأن كتيير تالا قالتت لي راسي لافي جبت ليها حبووب قلتت ليها ارقدي نومي طوالي طبعاً هي من البكاء لم جاها صداع نامتت😖😭 وانا مشيت تميت قرايتي لم الصباح اصبح صحيت بي يد محمد وهو بصحيني لقيت نفسي نايمة ف المصلاية وتالا نايمة ف السرير ولسع م صحت قال لي يلا صحي تالا وادخلو استحمو والبسو عشان نمشي المستشفى😊🖤
(عااد اخو السروور ي يمة💓)
قلتت ليوو طيب صحيت تالا واستحميت ونزلتت عملتت لي اكل قلت حيكونو جعانين وطلعنا انا وتالا مع محمد قال لي مودية ليهم اكل وانتي لي نفسك م اكلتي🙂قلتت ليو م لي نفس مسك لي يدي قال لي حيكوون كويس م تخافي💓🖤
(للمعلووم بيتنا وبيتهم كلهم عارفين انو انا ومؤيد اصحااب شدييد روح بالروح ونحن تمينا ثلاثة سنيين وحاجة سوى🙂💓)
قلتت ليوو طيب ع طول وقفني جمب سوبر ماركتت اشترى لينا شوكلاتاات كاتييراات ومعاهم كرتونة سنيكارز علبتين ونيوتيلاا كباار😍💕
قال لي شايف نفسيتك اتصلحتت من قبل م تشيليهم مني قعدنا نضحك انا وتالا قال لي اي كدا يااداب بقيتو حلوين🤩🖤
(ياخوانا الاخواان نعمة والله وكمان فيهم اكبر حنية 🖤💕)
وصلنا المستشفى لقيتهم كلهم معاو ف الغرفة قلت ليهم شكلوو صحى دخلنا ليهم لقيناهم داقنها ونسة سااي البشوف حالتهم امبارح م يشوفها الليلة😂😂قلتت ليهم جبتت ليكم الفطور معااي قالو لي والله م قصرتيي جعانين من امبارح م اكلنا 😢
عاينتت لي مؤيد لقيتو بعاين لي سااي قلتت ليو حمدلله على السلامه قال لي (بصوت مبحوح) الله يسلمك 🙂 ولف وشو بالجهةة التانية ديل قالو ماشين يفطرو برا ويخلوهو يرتاح شوية قلتت ليهم انا بقعد معاو لو احتاج حاجة قالو لي طيب طلعو كلهم قلتت ليو كدا ي مؤيد تخوفني عليك😢 قال لي اسف م كنت قاصد دموعي نزلتت قلتت ليو كنت مفتكرة نفسي ح افقدك مسكك يدي قال لي م تبكي انا كويس زيي م شايفة💕قلتت ليو مؤيد انا بحبك وزي م قلتت لم قلبي يتمرد ويدق عشان تعيش انت م عشان اعيش انا حأكون حبيتك اهوو انا حبيتك واتعلقتت فيك ي باشا😭😭😖قال لي خفتي علي للدرجة دي قلتت ليو كتيير والله كتيير بقيت حاسة انو ح افقد قلبي ف اي لحظة قال لي لكن قلبك قاعد معاي م حتفقديو م هو بقى امانتي🙂😍قلتت ليوو مؤيد قال لي عيونو قلتت ليو انا وثقتت فيك وحبيتك واول مرة احب م تكسرني😢😖
قال لي اكيد م ح يحصل ولا عمري ح اجرحك بالطريقة دي انا ليك وحياتي ليك وطول عمرري م ح أرضى اجرحك لانوو قلبي اساساً م بطاوعني💓😊
عدت اياام ومؤيد خرجوه من المستشفى وعلاقتنا مع كل مرور الزمن بتقوى وتقريباً كدا تمينا 3سنين ونحن مرتبطين وكل مرة بنتناقش لكن م بنتم يومين بنرجع تاني لحد م جاء اليوم الكنت متمنية انو م يجي🖐️
صحيت من الصباح لبستت ونزلتت تحت لقيتهم عاملين الشاي 🤩🖤عاينتت للساعتي لقيت الساعة 8 ومحاضرتي مفروض تكون 8ونص قلتت ليهم الليلة ووب اتأخرتت طلعتت مشيت بيت ناس مؤيد دخلتت لي تالا لقيتها لبستت بس م اتمكيجتت قلت ليها ف المسافة دي ح امشي اشوف مؤيد قالت لي طيب دخلتت غرفتو لقيتو راقد ف السرير وخاتيي راسوو في رجل إرم😭😳
انا اتكهربتت واتصمغتت ف حتتي بقيت م مستوعبة شئ هم لم اتخلعوو مع فتحت الباب طوالي قلتت ليهم سوري مفروض ادق الباب صح وطلعتت وقفلتت الباب وراي😊 مشيت لي تالا لقيتها انتهتت قلتت ليها يلاا قالت لي مالها ملامح وشك اتغيرتت كدا قلتت ليها أبداً ولا شئ🙂قالتت لي م تكونو اتناقشتوو تاني قلتت ليهاا أبداً لكن انفصلنا قالتت لي شنووو ( بخلعة كدا ) قلتت ليها اي السمعتيو دايرة تتكلم باب غرفتها فتح مؤيد قال لي تالا اطلعي داير اتكلم معاها دايرة تطلع مسكتهاا قلتت ليها م تطلعيي وانت الكلام الداير تقولو قولو قدامها او اسكتت😊🖐️ نهرها قال ليهاا تالااا قلتت ليك اطلعيي طبعاً هي عاينت لي بخووف ومشتت دايراة اطلع وراها مسكني من يدي اديتوو ليك كفف👋💔
لم يدي وجعتني وحسيت بيهاا حتورم ف لحظتها قلتت ليو جرب عيدها تاني لاني ح أقطعها وامسكها ليك ف يدك التانية😊 وم تفكر تقرب مني تانيي لو سمحتت لانو بطني خلااص طمتت منك وكرهتتك😊🤝
قال لي ملاذ والله انتي فاهمة غلط قاطعتوو قلتت ليو واحد انت راقد ف رجلها افهمها ليك شنوو مثلاً واتنين قلتت ليك م هاميني يعني افصلها منك من نفسك ي راجل ظابط🙂🖐️
قلتت ليو كدا وطلعتت مشيت الجامعة مع تالا الطريق كلوو بتبسم وهي فاهماني وعارفة اني ح ابكي ف اي لحظة عشان كدا م دايرة تفتح معاي الموضوع💔
(ونرجع نقول تحتت اي ظرف ي جمااعة الاصحاب نعمة💕)
عدت ايام والشهور والسنين وانا وتالا بقينا ضاقتين نفسنا عشان دي اخر سنة لينا والامتحانات قربتت تبدء كنا خايفين وكدا لاكن تاني اتشجعنا انو بعد م ننتهي لازم نشتغل يلاا بقينا شبه م بنظهر للناس كتيير😐 والحمدلله تمينا الامتحانات بخيرها وبشرها ونجحنا الاتنين واتخرجنا 🤩🖤
طبعاً كلكم مستغربين مؤيد وين ف الثلاثة سنين الفاتو ديل وكدا 💔
يتبع....
