/أنا عاوزة أتجوزك عشان أخلف وبعد كده نتطلق
_نعااااام
وقبل ما ترد عليه كان فيه قلم نزل علي وشها بقوة وجعتها، بصت بصدمة لقت أمها اللي عملت كده
=شكلي معرفتش أربيكي ايه قلت الحيا اللي أنتي فيها دي ي بت أنتي
/والله أنا حرة ودي حياتي وأنا محتاجه أبقي أم ولولا أني عارفة أن التبني حرام كنت عملت كده
=واللي أنتي بتقوليه ده مش حر
/قطعتها لا لا هو عيب ولا حرام أنا بقوله يتجوزني علي سنة الله ورسوله أخلف وبعد كده نتطلق فيها ايه دي
=فيها قلة أدب وو
_قاطعها صوته وهو بينهي المعركة اللي دايره بينهم... أهدي ي خالتي ممكن والصوت العالي مش حل أبدًا ولا هنوصل بيه لحاجه
خدت نفس تحاول تهدي بيه نفسها وكمل هو.. ممكن تسبينا مع بعض شوية
=ايوة بس
_عشان خاطري لو سمحتي
=ماشي ي بني لله الأمر من قبل ومن بعد
بقلم ندا محمد ..
خرجت وراح هو وراها قفل الباب وبعدين بص للي واقفة تفرك في إيديها بتوتر وعيونها بتبص علي كل مكان إلا هو، يكاد يجزم أنه سامع صوت دقات قلبها من مكانه، قرب منها بهدوء ممزوج ببرود مميت، وأخيراً وصل ليها واللي في الحقيقة الكام خطوة دول عدوا عليها كأنهم مشوار طويل مالوش نهاية، حط إيديه في جيبه وبص ليها
_مش كنت سبع رجالة من شوية
/أنااا أنا ما هو أصل
_هشش أهدي واقعدي ومد إيديه ليها بكوباية مياه، أشربي
شربت وبصت ليه زي الطفل اللي مستني عقاب أبوه ليه
_عيدي بقي اللي قولتيه من شوية
/لا هعيد ولا هزيد هي مش غنوة ي بن خالتي أنا محتاجة أحس إحساس الأمومة من غير اي التزامات تانية محتاجة طفل في حياتي يساعدني ويهون عليا وأديله كل المشاعر اللي جوايا
بقلم ندا محمد
_وليه أنا
/اتصدمت من السؤال وحاولت تهرب منه... وكمان التبني حرام وعشاا
_سؤالي كان واضح ليه اختارتي أني أكون أب لإبنك
/متفهم، مثقف، حياتك مش هنا أصلاً كلها سفر وشغل فبالتالي الموضوع مش هيأثر معاك اووي ومع كل ده يعني عارف ربنا ووو
_بنبرة خبث اممم وايييه
/بعصببة وبس فيه ايه
_مفيش حاجه ي ابو صلاح بس أنتي متخيلة إن فيه حد هيكون عارف ربنا ويقبل باللي أنتي عاوزاه عقد الزواج بيتم ما بين اتنين كل واحد فيهم بيوعد التاني بالإبدية ولو لاقدر الله محصلش نصيب واتطلقوا فده بيبقي بسبب استحالة العيشة بينهم أو أنهم وصلوا لطريق لو كملوا مع بعض فيه هيخسروا بعض وهيخسروا نفسهم كمان، فبناءا عليه العقد بيكون استمراري بحيث أنه مينفعش أدخل علاقة مشروطة بحدوث شئ معين وبعد كده أقول لشريكي باي باي
بقلم ندا محمد
/تمام معني كلامك أنك مش موافق خلاص أنا هتصرف وجات تقوم شدها من كمها قعدها
_مخلصتش كلامي
/عندك ايه تاني تحب تضيفه
_عندي إنه يجوز للمرأة أنها تتجوز بالنية دي لإن مش كل إنسان بينوي حاجه بيعملها وكتير اوووي بيعمل حاجات مكنش ناويها
/ايوه يعني
_موافق بشرط نتمم العقد بشكل طبيعي ويكون مستوفي الشروط والاركان والأحكام الشرعية اللازمة
/بجد
=دخلت أمها جد أما يفتح نفوخك ي بعيدة أنت وافقتها علي الجنان اللي بتقوله ده
_ايوة ي خالتي بقولك ايه خشي جيبيلي كوباية ليمون أصل حاسس أني ههبط منك
=بعد ماخرجت الكلام ده مش هيتم إلا علي جثتي ي بن إعتماد
بقلم ندا محمد
_ي خالتي اسمعي هي ليها الحق أنها تنوي براحتها مدام مفيش اشتراط أن كلامها ده يتحط بند في العقد لأني زي ما قولتلك النية مبتبطلش العقد وغير كده أول ما نتجوز حكاية الطلاق دي بتبقي في إيدي وترجع ليا أنا مش هي
=ايوه بس أنت كده هتخدعها وانا مقبلش ب ده
/اسمعيني ي خالتي أنا مستحيل أجبرها علي حاجه ومحدش عارف مش يمكن نتقبل بعض ونعيش ونكمل سوا ليه بتفرضي افتراضات مش في محلها
=طيب ي بني اللي تشوفه
/دخلت ليه بالليمون معقول اقنعتها إزاي
_ليا طرقي الخاصة قوليلي بقي محتاجة الفرح فين
/مش عاوزة فرح هو كتب كتاب بسيط وخلاص مش عاوزين فضايح
_بعصبية جوازك مني بقي فضاااايح
/أنا مش قصدي و
_ولا تقصدي وسابها ومشي
وبعد شوية
_وعلي فكرة بقي.....
★********★
