سمر
سمر بنت خالتي فتات لطيفه وجميله
ومن النوع الحساس ورقيقه بمعنه الكلمه
جانت امي اتسميه الحنينه
جانو ساكنين بالريف مسافه عن بيتنه تقريبا 12 كيلو
جنت اروح الهم دائمن الخاطرها
وبحجت ازور خالتي وابقه يمهم ايام
وبيتهم الجبير وخصوصا بالصيف يجمع الكل بالحوش نبقه اليل سهرانين انسولف
والنهار بالمزارع مالتهم عدهم هواي بساتين وكل واحد من عمامهم عنده مزرعه كلشي بيه
احس انه بالجنه عدهم
المهم ما افاركه وهيه ماتعوفني هواي اسوي مشاكل وطيح براسه بس هيه تشيل الدعوا وتسكت
ونكعد بعدين نسولف عليه ونظحك
بس هيه بنيه عند اهله وباقي خوانه كلهم ولد ثلاث خوان عده
هيه الجبيره بيهم المهم كبرنه وحبينه واحد للثاني
وجان عده ابن عم لزكه كل مايشوفني يلطش على عمري مزعج بمعنا الكلمه
لا انه احبه ولا هوا يحبني اصلا محد يحبه
هذا جان كل ما اروحلهم يسويلي مشكله ونتعارك انه ويا
ايظوج اذا شافني انه وسمر طالعين سوا
وكل مانتعارك خالتي تكلي سمر الك لاتخاف محد ياخذه منك لاتسوي مشاكل هواي
حته لايضوجون منك
ومن يجونه اخذه للعشار وللبصره القديمه نفتر بالسوك ونتوس
يعني جنه عايشين طبيعي وبرائه
الى ان اجه يوم قررت اخطبه وارتبط بيه
تقريبا 2001 بده كلشي يتغير
ابن عمه سمع بالخطوبه وصارت مشاكل بينه وبين ابن عمه وبين ابوها واخوه
لان جان ابوها رايد ينطيه الي وماجان يحب ابن اخوه
هواي صار قيل وقال وتهديد منهم وتهديد منا
ومنعوني اروحلهم ومنعوها تجينه والمشاكل
زادت ويه ابوها وعمامه ونقطعوعنه فترا كمت اسمع اخبارهم من امي بس الخبر الاخير الي وصلي
قررو لاانه ولا ابن عمه يزوجه
وسمر دازتلي سلام ويه امي ا وعد ماتتزوج غيري وراح تبقه تنتضرني الى ان تهدء الامور
وبعد فترا شلون اوصفه الكم اليوم منه يمر علي بسنه
وبيوم جنت طالع رجعت الظهر
طبيت للبيت سمعت امي تلطم واذكر كلماته
يمه صخام وجهي ودك على وجه
جان كل اهلي مجتمعين جدي وابوي وعمامي وعماتي
الكل بيتنه ركظت على امي شنو صاير يمه شكو ماتحجي والكل تباوع علي
حاجيت ابوي دار وجه
محد يحجي وياي منو مات يمعودين شنو صار
ماكو رد
جدي حجه ويه ابوي كله اخذ ام سيف وروح
خلوني بحاله وشعور يصعب وصفهم
يمه ريحيني شنو صار منو منو
يمه احجي
امي فتحت ايديه الي شبكته وبجيت وياها يمه
متت احجي شنو
كلتلي يمه البقيه بحياتك يمه بيمن
كولي كبل لا الحك المات كلبي راح يوكف
سمر سمر بيه شي لاتكولين مامعقوله
زادت بالبجي والنحيب
جاوبت عمتي كليشه بسيطه على السريع بالنسبه اله
اي خطيه لكوها غركانه ويكولون هيه مغركه روحها يكولون عمامه جايينهم باليل وكيليله اختاري واحد من
ولد عمج لو تظلين ماطلعين من البيت والصبح رايحه ذابه روحها بالنهر
ااااح نفسي انكطعت وعقلي وكف
وظليت اردد وبصوت عالي
جذب جذب يمه موكالتلج انتظرا وماعوفه اشو عافتني
كلتلج لو لا احجي الصدك اروح وياج كومي اريد اشوفها
حاولو يهدوني وحاولو يمنعوني ماكدرو
طلعنه للمستشفه وطبيت للطب العدلي وكدرت اشوفها شلون انه ماعرف بس شفته
اوبعد ما شفته بدون ولا تعليق عفت كلشي وعفت امي ورجعت للبيت
وطبيت بحالت اكتئاب وهلوسه بقيت بغرفتي ماطلع مايقارب ثلاثت اشهر اشوفها تحجي وياي تسولف هواي
بس ماسمع صوت كنما انه اطرش الى ا ن هجيت من بيت اهلي اخذة فلوس ابوي وطلعت الفجر
الى بغداد ومناك للشمال كبل وكلتلكم هناك لزموني ونسجنت
وارجع بيكم للوقت الحاظر
وصلنه للمقبرا
وراح ابطل بعد ما احبج
بس انتي وعتيني ماتعوفيني وانه باقي على الوعد
عل لاقل ذكريني بالكلمات نسيتهن
زين كليلي انه رجعت اهلوس لو صحيح انه شفتج
حبوبه جاوبيني
ويه هذا العتب والحجي اعتقد غفيت
يتبع.......... فديتكم لاتنسون النجمه وتركونه تعليق اذ عجبتكم القصه
