ويه هذا العتب والحجي اعتقد غفيت
لا بعدني كاعد يارب شنو صار
حيرا صابتني لان شفت شي ماستوعبه عقلي
شفت شغلات وحركات واصوات
اوله حسيت انه دخلت او اجت غيمه سوده غطتني وغطت المكان كله
وكمت اشوف واحس بحركا حركه سريعه بحيث
ما اميز شنو جاي يتحرك
واصوات الصوت مبهم بس اكدر اوصفا
الصوت كنما ظربات هواء بوجهي وتحديدا بذاناتي
واسمع صوت ويه الظربات بس مبهم مايتميز وكل مرا
يضربني احس يصير ظغط براسي واطرش لحظات ويصير صوت طنين براسي
شي مرعب حسيت بوقتها كل شعرا بجسمي وكفت
وكلبي راح يوكف من الخوف
لهذا السبب حسيت انه بحلم فكرت بيني وبين نفسي انه نمت يمكن لان ماكو هيج شي
المهم ويه هاي الاحداث شفت ضوا خافت يتحرك وجاي صوبي اذا شايفين او تذكرون الفانوس
ميزته فانوس شخص شايله وجاي يمشي بتجاهي
اشوف رجل الشخص بس لان مارافعه
كنما لازم علاكه بيده وميزت الرجل بنيه وحافيه
وبخطوات بطيئه كنما جانت ادوس على كلبي
لان الحال الي انه بيه والتركيز حته اعرف هذا
او هاي منو كتلني طال الوقت عندي بين خايف
وبين حاب اعرف وصلت يمي ورفعت الفانوس بوجهي
وشفت نص وجه وصرخت بوجهي
اااااااي ليييييييش
انعقد الساني ونشلت حركتي وطحت عل الكاع
بس عرفته سمر
سمر شبيج شنو صار وياج ليش انتي هيج
مايطلع صوتي
وهيه بعدهي تصرخ علي ليش هيج
طلعت مني كلمه شنو ليش
ليش تنسه الكلمات ولزمتني من ايدي
كلتلي مادام نسيت امشي وياي
صرخت لا اتذكرت الكلمات عوفيني
ماريد ماريد وركضت واريد افلت ايدي منه ماتفلت
وسحبته وياي وكمت اسحب بيه واركض كل سرعتي
وسمعت صوت ثاني هاي المرا صوت رجال
ويصيح بسرعه بسرعه بس ماكدر اشوفه وحسيته لزمني وبعده يصيح بسرعه ساعدوني خلي انشيله
